Jenesii̱s 5 - Xo̱jo̱n eén Néná

Kuí bí xi xota̱ tji̱e̱ xi kisꞌiee̱ Andaa̱n

^1-2 Néná katsꞌénda xota̱ nga̱sondiee̱ xikó má kjiꞌi kui, bo̱a̱ má kjiꞌi katsꞌén. Xi xi̱ꞌin ko̱jo xi chjo̱on katsꞌénda, sꞌe̱ katsꞌénchikonñé, kó «xota̱ nga̱sondie» katsoó. Kꞌi̱e̱ kjitꞌa kꞌi̱e̱e̱ xota̱ tji̱e̱e̱ Andaa̱n.

^3-4 Andaa̱n kisꞌiee̱ ngo ndí xí xikó má kjiꞌi ko̱jo xikó má tsꞌén tjíjii̱n kui, bo̱a̱ má kisꞌie, kó See̱t ítꞌajaꞌén. Kó kisꞌie ngasee̱ ndí xí xi̱ꞌin ko̱jo ndí xí ínchjín. Úchán ko̱jo kantié noó Andaa̱n nga katsen See̱t, kó ngi jin úchán nó kisꞌijña nga̱sondie.

⁵ Kó Andaa̱n nijan úchán ko̱jo kantié noó nga kꞌien.

⁶ Kjiꞌanga kamá úchán ko̱jo ún noó See̱t, kisꞌiee̱ ngo ndí, kui xi Enoo̱ kiꞌmí.

⁷ Kó ti̱ kisꞌie ngasee̱ ndí xí xi̱ꞌin ko̱jo ndí xí ínchjín. Jaskan ngije katsen Enoo̱, See̱t ngi jin úchán ko̱jo yito nó kisꞌijña nga̱sondie.

⁸ Kó See̱t nijan úchán ko̱jo tiejó noó nga kꞌien.

⁹ Kjiꞌanga kamá ichítié ko̱jo yichán noó Enoo̱, kisꞌiee̱ ngo ndí xí kiꞌmí Kainaa̱n.

¹⁰ Kó ti̱ kisꞌie ngasee̱ ndí xí xi̱ꞌin ko̱jo ndí xí ínchjín. Jaskan ngije katsen Kainaa̱n, Enoo̱ ngi jin úchán ko̱jo tjiꞌún nó kisꞌijña nga̱sondie.

¹¹ Kó Enoo̱ nijan úchán ko̱jo ún noó nga kꞌien.

¹² Kjiꞌanga kamá ichítié ko̱jo kan noó Kainaa̱n, kisꞌiee̱ ngo ndí xí kiꞌmí Maalalee̱l.

¹³ Kó ti̱ kisꞌie ngasee̱ ndí xí xi̱ꞌin ko̱jo ndí xí ínchjín. Jaskan ngije katsen Maalalee̱l, Kainaa̱n ngi jin úchán ko̱jo yichán nó kisꞌijña nga̱sondie.

¹⁴ Kó Kainaa̱n nijan úchán ko̱jo tie noó nga kꞌien.

¹⁵ Kjiꞌanga kamá ichítié ko̱jo tjiꞌún noó Maalalee̱l, kisꞌiee̱ ngo ndí xí kiꞌmí Jaree̱nd.

¹⁶ Kó ti̱ kisꞌie ngasee̱ ndí xí xi̱ꞌin ko̱jo ndí xí ínchjín. Jaskan ngije katsen Jaree̱nd, Maalalee̱l ngi jin úchán ko̱jo kantié nó kisꞌijña nga̱sondie.

¹⁷ Kó Maalalee̱l jin úchán ichítié ko̱jo yichán ún noó nga kꞌien.

¹⁸ Kjiꞌanga kamá úchán ichítié ko̱jo tiejó noó Jaree̱nd kisꞌiee̱ ngo ndí xí kiꞌmí Enoo̱k.

¹⁹ Kó ti̱ kisꞌie ngasee̱ ndí xí xi̱ꞌin ko̱jo ndí xí ínchjín. Jaskan ngije katsen Enoo̱k, Jaree̱nd ngi jin úchán nó kisꞌijña nga̱sondie.

²⁰ Kó Jaree̱nd, nijan úchán ichítié ko̱jo tiejó noó nga kꞌien.

²¹ Kjiꞌanga kamá ichítié ko̱jo tjiꞌún noó Enoo̱k kisꞌiee̱ ngo ndí xí kiꞌmí Matusalee̱n.

^22-24 Kó ti̱ kisꞌie ngasee̱ ndí xí xi̱ꞌin ko̱jo ndí xí ínchjín. Jaskan ngije katsen Matusalee̱n, Enoo̱k ngi ján úchán nó kisꞌijña nga̱sondie. Kó nga Enoo̱k ꞌniú tsintꞌiéꞌeén Néná, kichajá ngi̱jinꞌa̱sièn ngatꞌa̱ Néná kijíjo̱ tikón. Kó Enoo̱k ján úchán ichítié ko̱jo tjiꞌún nó kisꞌijña kui nga̱sondiee̱.

²⁵ Kjiꞌanga kamá úchán ichítié ko̱jo kantjiꞌún jó noó Matusalee̱n kisꞌiee̱ ngo ndí xí kiꞌmí Lamee̱k.

²⁶ Kó ti̱ kisꞌie ngasee̱ ndí xí xi̱ꞌin ko̱jo ndí xí ínchjín. Jaskan ngije katsen Lamee̱k ngi yito úchán ichítié ko̱jo kantié jó nó kisꞌijña ngase Matusalee̱n.

²⁷ Kó Matusalee̱n nijan úchán ichítié ko̱jo tjiꞌúnnijón noó nga kꞌien.

²⁸ Kjiꞌanga kamá úchán ichítié ko̱jo kantié jó noó Lamee̱k kisꞌiee̱ ngo ndí,

²⁹ kó kui ndií Noe̱ ítꞌajaꞌén nga bi̱ katsó: «Néná atíjeé nga̱sondiee̱ kó tsie kjo̱a̱ni̱ma̱ ndyi̱bitjatió nga ndyi̱niꞌánxájin tꞌanangii̱, ta̱nga kui ndií, kuí boá xi sa̱ꞌín nga ka̱maxtja̱ chií xáná ko̱jo nga ka̱ma si̱ꞌankjaꞌyá chií».

³⁰ Kó Lamee̱k kisꞌie ngasee̱ ndí xí xi̱ꞌin ko̱jo ndí xí ínchjín. Jaskan ngije katsen Noee̱, Lamee̱k ngi ún úchán ichítié ko̱jo yichán ún nó kisꞌijña nga̱sondie.

³¹ Kó Lamee̱k yito úchán ichítié ko̱jo kan yito noó nga kꞌien.

³² Kjiꞌanga kamá ún úchán noó Noee̱ kisꞌiee̱ ján ndí, ngo xi kiꞌmí See̱n, ngo xi kiꞌmí Kaa̱n, sꞌe̱ ngo xi kiꞌmí Jafee̱t.