Titus 3 - Mofa New Testament

¹ Fa ta ma a gèƋ, aman ta manda gèƋ ta a hai a sam bihai a gomnahai, a ta fi gèƋ a ma tenga'a, a ta gi mizlinè man amba tèlèba,

² ta dérƋè ndo azɓai, ta gi ndav azɓai, ta woy va ta, ta ngreda ndav nlüɓekwa'a auda a sam ndohi tèlèba.

³ Aman nga ba hala'a maya nga azɓai, nga fi gèƋ a ma ndo azɓai, nga zlak nga, nga gu ɓèl skwi haha a ntétékè tsaƋ tsaƋ, a ngagu ndzoan a srak, ngiƋè a woy ngiƋè ɓai, ndohi ngiƋè ta ga nga shèwa, a nga ba nga gu shèwa a ndohi ngiƋè.

⁴ Aman a pats man pombi Zhiklè, Bi m'mbel nga, a mwoy ndo nenga'a a ngudko va a dai,

⁵ Zhiklè a m'mbel nga, a géƋskwi nzura'a man nga gu ka ɓai, aman a géƋ man ndo a sia te va. A m'mbel nga, a mpan nga, a nye nga mɓua'a a wuƋi Mèzhèɓ Zhiklè nkezla'a,

⁶ man a va nga a ndav nga a vata te Yèsu Kristi, Bi m'mbel nga.

⁷ Aman te pombi nenga'a nga ngots ngizura'a, nga ga'a a ndohi n'ndi nshèffè a mèdèp, te nzhèrè te ndav.

⁸ Ma haha ma nzura'a a vava. l woy a ka njè ma haha a wuƋai, aman ta ngats ta ndohi man taco Zhiklè a ndav te ngi skwi man amba. Na haha amba, a takaha ndo.

⁹ Kazla ngay auda a sam mvirslè ambalai, a géƋ verzi nzlembaƋ ndo, ndzoan a mbèzl va a géƋ ma kita. Ta takaha ta ndohi azɓai, skwi ambalai.

¹⁰ Ndo man a kezli gèƋ ndohi Zhiklè, ngatsa na maya sak staƋ, man cèw, te deɓa'a vackoƋauda te ndev kinè.

¹¹ Ka suna, ndo man a gi arsa, ngedassa klèng, a phomda va na a ri na.

¹² Aman i zlinda ka Artémas, man ɓai Tychique, sèi ka shkè a sam ga tsam tsam a kokwar Nicopolis, aman i huro, i nzi a pa a via.

¹³ Zénas, ndo njèngè ma kita, a Apollos, vava ta skwi a rai a ta ndi a civèƋ.

¹⁴ A woy ndohi nga ba da slebau, da gu mizlinè man amba, a ta takaha ta ndohi ngiƋè a vna, a skwi mbela'a a shkè auda te ncè-a-ndav tenga'a.

¹⁵ Ndohi tèlèba, man ta zhè a sam ga, ta ga ka mbalai. Ga ta mbalai a ndohi tèlèba, man ta woy nga te ncè-a-ndav. Pombai da zhè a nda kinè tèlèba!