Romans 9 - Mofa New Testament

¹ lyè ndo Kristi, i gèƋ ma nzura'a, i cèkèlma azɓai, ara Mèzhèɓ Zhiklè nkezla'a man a gi malwuƋi te ndav ga.

² Nlèyè mbia'a a kedyè, ndav ga a mbedè pèc pècèk.

³ Ar, i woy a ta phomdyè, a ta kezle nga a Kristi, te di man a kramamhi ga te verzi Israel, gwoli ga.

⁴ Tenga'a wud lsrael. N'njèlè a nderzlèma Zhiklè a tenga'a; ta ngots ma kita, a mizlinè Zhiklè a ma mpèsl rai.

⁵ Bababhi nte verzi tenga'a. Te tenga'a Kristi a nshkè, man a gu ara ndo; nenga'a man a zhè a géƌ skwi tèlèba; nslébèrdè a Zhiklè a mèdèp. Amen.

⁶ Aman i goƋ ara man wuƋi ma Zhiklè azɓi ka ɓai. Aman ndohi tèlèba man ta shkè te lsrael, ta ndohi lsrael nzura'a tèlè ka ɓai.

⁷ Verzi Abraham, wud hwad gi tèlè ka ɓai. Sèi ndo man a shkè te lsaac, ta baba na verzi ngaya,

⁸ ara man: Wudahi Zhiklè, tenga'a ka ɓai, man ndo a yeka ta, aman sèi wudahi man ta yu te mpèsl rai, tenga'a verzi Abraham zura'a.

⁹ Aman na haha ma mpèsl rai, man a gaƋa: A pats nasa Sara a da ngècè kra ngura'a.

¹⁰ A sam Rebecca arsa. Nenga"a a n'ngots kra: Isaac, Bab nga.

¹¹ Aman wudahi ta ye di ɓai, a taga skwi man ambaɓai a skwi man amba di ɓai ara man Zhiklè a hur a woya a ngia'a,

¹² a gèƋ man ndo a ngu ka ɓai, aman a gèƋ man Zhiklè a mbaba ta,

¹³ ta gaƋa na a Rebecca: Tsuvoma'a a da gi ɓèl níabawa'a, ara âèlèwèrZhiklè a gaƋa: l woy Jacob, aman i gi shèwa a Esau.

¹⁴ Kos nga gèƋè kè? Zhiklè nzura'a ka ɓi dè? A'ai!

¹⁵ Aman a ngaƋa na Moise: Ndo man i va na pombai, i va na pombai. Ndo man a siyè te va, a siyè te va.

¹⁶ Gar haha 'd gi azɓai a géƌ man ndo a woya`a, a géƌ man ndo a gi a wuƋi na, aman a géƌ Zhiklè man ndo a sia te va.

¹⁷ Aman âèlèwèr Zhikiè a ngaƋa na Pharaon: l ge ka, aman i ngrèdè wuƋi ga a sam ngaya, aman ta njè nzlembaƋ ga t'herkeda tèlèba.

¹⁸ Gar haha ndo a sia te va, ara ndav nenga'a man a woya'a, a sassaya ndav ndo, ara man a woya'a.

¹⁹ Wa ngiƌè ba, ka gaƌayè: Man ar haha, Zhiklè a ga ta ndzoan a ndohi èhèmè? Nslaha a nsala na va a di a Zhiklè wa?

²⁰ Ndo ga, ka wa, man ka woy a kin virslè a Zhiklè? Skwi nrama'a a gaƌa na ndo nroma: Ka gyè ar haha èhèmè, Ƌé?

²¹ Ndo nrèm shiƋèf a gi skwi man a woya a rbasl ka ɓi Ƌè? A rèm ngiƋè mbela'a, a rèm ngiƋè ambalai.

²² Gar haha kin gèƋè a géƋ Zhiklè kè? Zhiklè a woya a ngreda ndzoan a wuƋi nenga'a auda. Tenga'a man ta ngrédè ndzoan nenga'a auda, a zhèr ta genè, ha tiƋè sam man a gedassa'a;

²³ a n'ngreda n'njèl nenga'a mbia'a asam nga man nga siate va, man a til nga te va nshèlèkurhia'a a n'njèl na.

²⁴ Nga tenga'a man a baba nga te ndev ndohi Juif genè ka ɓai, aman te ndev ndohi nte deɓa ba.

²⁵ Ara man a goƋ te ma Osée: I woy a i baba ta tenga'a ndohi ga, man hala'a ndohi ga ka ɓai, a i baba na nshib ga, man hala'a nshib ga ka ɓai.

²⁶ A sam man ta gaƋa ta: Kinè ndohi ga ka ɓai, ta da baba ta wudahi Zhiklè man a zhè a nshèffè.

²⁷ Esaie a bèhè a géƋ Israel: Ko wudahi Israel ta mènè ara wyak a ma woyam mbia'a, sèi njèkèƋia'a kèshkata ta da mbél ta.

²⁸ Aman Bi Zhiklè a di a rufa skwi tèlèba man a huro, a géƋ herkeda tsam tsam.

²⁹ Ara man Esaie a goƌ hala'a: Aman a matsa Zhiklè Biwuƌai a jèka nga tser nga zlèzlèa ɓai, ar nga lèmèlèmè ara SoƋome a Gomorrhe.

³⁰ Kos nga da gaƋ kè? Nga gèƋè aranta: Ndohi nte deɓa man ta woy ngizura'a ɓai, ta ngots ngizura'a ma. I gèƋ ma haha a géƋ ngizura'a man a shkè te ncè-a-ndav.

³¹ Aman ndohi Israel ta hoss ma kita, man a ge ta a ndohi nzura'a; aman ta ngotso te nenga'a ɓai.

³² Ehèmè? A géƌ man ta woya te ncè-a-ndav ka ɓai, aman ta woya a skwi man ta gia'a. Kwa ntse sak a ntsama ta sak,

³³ ara man ƌèlèwèr Zhiklè a gaƌa: Na haha, i geda kwa ntse sak ndo te Sion, a za man a slafaƌama ta sak. Ko wawa man a cè a ndav na, a ngècè hori a di azɓai.