Romans 7 - Mofa New Testament

¹ Kin sun bi Ƌè, dalahimam ga (i gaƋa kinè, ndohi man kin sun ma kita Zhiklè), ma kita Zhiklè a gi bai a gèƋ ndo, man m'mets di ɓai.

² A géƋ ma kita, ngwoz a slaha a njekeda baki azɓai, ha baki na a m'mets na Aman baki nenga'a m'mets na ma, ngwoz mpra ma te ma kita a géƋ baki na.

³ Gar haha, aman baki nenga'a a zhè a nshèffè dai, a ngwoz a Ƌè a gi baki ngiƋè, nenga'a ngwoz mphoma'a. Aman baki nenga'a m'mets na ma, nenga'a mpra ma te ma kita, a ta baba na ngwoz mphoma'a asaɓai, aman a Ƌè a gi baki ngiƋè.

⁴ Lèmèlèmè kinè, dalahimam ga, kin mets kinè a ma kita Zhiklè te Yèsu Kristi. Kinè a ndo ngiƋè, a nenga'a man a slambaƋkaƋauda te va ndohi m'metsa'a, aman nga gi mizlinè man ambaba Zhiklè.

⁵ Aman nga nza a nshèffè ara nyakaƋ nga dai, ma kita a mpoko na gèƋ auda a ntétékè te va nga, a nga gu mizlinè m'metsai

⁶ Aman antanta Zhiklè a mpre nga auda ma te ma kita nenga'a, a nga mets nga a sam skwi man a dzaw nga hi ma, a nga gi mizlinè Zhiklè te Mèzhèɓ mɓua'a, a nga jejèr ma m'mova'a asaɓai.

⁷ Kos ani nga gad kè? Ma kita mali Ƌè? Azɓai! Aman ma kita a ngra nga malai. Aman agassa ma kita ka ɓai, ar i sun ntétékè ɓai.

⁸ Aman malai a hinè te verzi ma nkwèr tsaä tsaƋ, a yi ntétékè tsaƋ tsaƋ te ndav ga. Aman ma kita Zhiklè azɓai, mali a shinè azɓai.

⁹ Pats ngiƋè ma kita Zhiklè az a sam ga ɓai. Nshkè ma nkwèr Zhiklè, malai a dzodzorkoƌa te deɓa,

¹⁰ a iyè, i mets ga. Ma nkwèr Zhiklè man Zhiklè a vayè, aman i nzi a nshèffè, a dyè a m'metsai.

¹¹ Malai man a ngots civèƌ a sam ma nkwèr Zhiklè, a mbeƌyè a hai, a nkeƌyè a ma nenga'a.

¹² Gar haha ma kita Zhiklè nkezla'a, ma nkwèr Zhiklè nkezla'a, ta amba, nzura'a, cèw ba.

¹³ Skwi man amba haha, a dyè a m'metsi ƌè? Azɓai! Aman malai a ndyè a m'metsai. A géƌ ma nkwer Zhiklè man amba, mali a ngedkaƌ na auda ara mali ma.

¹⁴ Nga suna, ma kita Zhiklè, ma Mèzhèɓ; aman iyè, ara nyakaƌ ga i ɓel malai.

¹⁵ Aman i sun skwi man i gia ɓai. Aman skwi man i woy a i gia'a, i gi azɓai. Skwi man i woy i gia ɓai, i gia genè.

¹⁶ Aman i gi skwi man i woy i gia ɓai, kala man i co ma kita Zhiklè, ara man i gaƌa ma kita amba.

¹⁷ Aman iyè a ngu ka ɓai, aman malai man a zhè te ndav ga.

¹⁸ I suna, skwi man amba azɓai te ndav ga, te va ga. Woyo, i woya genè; aman wuƌi ga azɓai, a i gi skwi man amba.

¹⁹ Skwi man amba man i woy i gia'a, i gi azɓai. Aman skwi man ambaɓai man i woy i gia ɓai, i gia'a.

²⁰ Aman i gi skwi man i woy a i gia ɓai, iyè a ngu ka ɓai, aman malai nte ndav ga a ngau.

²¹ I ngotso ar haha: Aman i woy a i gi skwi man amba, skwi man ambaɓai a zhè a sam ga.

²² Ma kita Zhiklè te ndav ga a woy a ngi skwi man amba;

²³ aman i rka ma kita ngiâè tsaƋ te nfèfèn va ga, man a gi var te nhér gèƌ ga, a ngiyèí a ɓèlè a ma kita malai, man a zhè te va ga malai.

²⁴ Wobayè! Nda priyè auda te m'metsi sa wa?

²⁵ Sèi Zhiklè te Yèsu Kristi, Bi nga! I shid gèƌ a Zhiklè! Aman iyè, anai a nhér gèƌ ga i jèjèr ma kita Zhiklè, te va ga i jèjèr ma kita malai.