Romans 3 - Mofa New Testament

¹ Kos ndo Juif a fena ndo ngiƋè a mè? N'ngél ngwon kala mè?

² Amba te skwi tsaƋ tsaƋ. Nshèlèkura'a: Zhiklè a mva ta ma nenga'a a ri a ndohi Juif.

³ Kos man ndohi ngiƌe ta ca a ndav ɓai, ta slaha ta gedassa nlèɓèslè Zhiklè ƌè?

⁴ Arsa ka ɓai: Aman Zhiklè nzura'a, a ndohi tèlèba ndohi ncèkèlma, ara ƌèlèwèr Zhiklè a gaƌa: A géƌ man ta ngècè ngizura'a te ma ngaya; a ka gi a ngula'a, aman ta versl ma a ka.

⁵ Aman skwi man nga ga zura'a ɓai, a ngredè ngizura'a Bi Zhiklè auda, kos nga da gèƌè kè? Aman Bi Zhiklè a gi ndav a géƌ nga, kos Bi Zhiklè zura ka ɓi ƌè? I gèƌ ma sata ara ndohai.

⁶ A'ai! Man Zhiklè nzura ka ɓai, a slaha man a gi kita herkeda ƌè?

⁷ Aman ncèkèlma ga a ngredè ma Zhiklè nzura'a auda holhola'a, a n'njèl na, ar ta gay kita ara man i ndo mali èhèmè?

⁸ Ar ta gèƌè'a: ngogokoy skwi man ambaɓai, aman skwi mbela'a a shinè te pa! —ara ndohi ngiƌè man ta tsa nga demgasl. Aman Zhiklè a phomde ta ndohi arsa, amba a vava.

⁹ Kos kè? Nga ndohi Juif, nga fen ta ƌè? Azɓi fèt! A matsa nga ngrede ma, ara man ndohi Juif a ndohi Grec cèw ba ta t'hwaƌ malai,

¹⁰ ara man te ƌèlèwèr Zhiklè mwindè'a: Ndo nzura'a azɓai, ko staƌ ba.

¹¹ Ndo azɓai, man maya na a zhè, ndo azɓai, man a jhèdè civèƋ Zhiklè.

¹² Ta zlak ta tèlèba, ta gedas ta tèlèba, ndo man a gi skwi man amba azɓai, ko staƋ ba.

¹³ VèvèƋ da'ai tenga'a nara gi dzavi mwina fuwanga'a. Ne'en tenga'a, nè'èn ncèkèlma.

¹⁴ Ma tenga'a, nara dèrè zhüzhok. Ma tenga'a ma ndérƌè ndo.

¹⁵ Ta wosla te sak aman ta Ƌè a ta keƌ ndo.

¹⁶ A civèƌ tenga'a, sèi skwi ngedassa'a, a nlèyè.

¹⁷ Ta sun civèƌ gumi ɓai.

¹⁸ Zlau Zhiklè az a sam ta ɓai.

¹⁹ Aman nga suna: Ma kita Zhiklè a ngaƋa ta ma a ndohi man ta t'hwaƋ ma kita, aman a pizlèma ta ma a ndohi tèlè. A herkeda tèlèba nt'hwaƋ kita Zhiklè.

²⁰ Gar haha a njejèr ma kita Zhiklè, ndo a slaha a ndi a ndo nzura'a a sam di Zhiklè azɓai. Te ma kita Zhiklè, ndo a sun mali genè.

²¹ Anai, ko ma kita Zhiklè azɓi ba, ngizura'a Zhiklè n'ngurdkoƋauda ma a malwuƋi te ma Zhiklè, te ndohi nhadka ma.

²² I gèƋè a géƋ ngizura'a a sam di Zhiklè, man a shkè te ncè Yèsu Kristi a ndav, a sam ko wawa man a cè a ndav.

²³ A sata tsaƌ tsaƌ azɓai: ta tèlèba ndohi malihai, n'njèl Zhiklè, ara man Zhiklè a woya'a, az a sam ta ɓai,

²⁴ a ta ngots ngizura'a te pombi nenga'a, a géƋ Yèsu Kristi, man skwi mpil gèƋ; a géƋ mizlinè ndohi ka ɓai.

²⁵ Nenga'a Zhiklè a fu a skwi mpil gèƌ te pombaz nenga'a, man nga ngècè te ncè-a-ndav. Zhiklè a woya a ngredè ngizura'a nenga'a auda a vna. Te nzhèr skwi nenga'a dai, a nzuɓ malihi nhala'a.

²⁶ Aman a patsna a ngreda ngizura'a nenga"a, ara man nenga'a nzura'a; ko wawa man a cè Yèsu a ndav na, n'nga a ndo nzura'a.

²⁷ Anai njégèr va ndohi a geƋ mè? Sama asaɓai. A géƋ skwi mè? A ged njè­jèr ma kita Ƌè? Azɓai! Aman a géƋ ncè-a-ndav.

²⁸ Arsa nga suna, ndo a ngècè ngizura'a sèi te ncè-a-ndav staƋgenè, a géƋ man a jèjer ma kita Zhiklè ka ɓai.

²⁹ Bi Zhiklè, sèi Zhiklè ndohi Juif Ƌè? Zhiklè ndohi herkeda nte deɓa ba ka ɓi ƌè? Halau, Zhiklè ndohi herkeda nte deɓa ba.

³⁰ Aman Zhiklè staƋgenè, man a ge ta ndohi Juif a ndohi nzura'a te ncè-a-ndav, a ndohi nte deɓa ba arsa.

³¹ Kè? A ma ncè-a-ndav, nga gedassa ma kita Zniklè auda ƌè? Azɓai! Aman nga nzala ma kita Zhiklè.