Romans 16 - Mofa New Testament

¹ Phèbè, demam nga, da pca kinè a géƋ ɓai, nenga'a ndo ntakaha mpi ndohi Zhiklè te Cenchrées.

² A woy kin cè'a te Bi Zhiklè, ara man amba aman ndohi Zhiklè ta gia'a, a kin takaha te skwi tèlèba man a jhèƋè'a. Aman nenga'a ba a ntakaha ta ndohi kumba, a ntakahayè ba.

³ Vagata mbalai a Priscille a Aquillas, ndohi ntakahayè te Yèsu Kristi,

⁴ man ta laya nshèffè tenga'a ɓai a gèƋ ga. Aman i shid gèƋ, i staƋgenè ka ɓai, aman mpi ndohi Zhiklè tèlèba te ndev ndohi nte deɓa.

⁵ Vaga ta mbalai a mpi ndohi Zhi­klè te gi tenga'a. Vaga na mbalai a Epainète, ndo man i woya a ndav ga, tsuvom ndohi Kristi te kokwar Asie.

⁶ Vaga na mbalai a Marie, man a gu mizlinè kumba, a nsu matakwan kumba a gèƋ kinè.

⁷ Vaga na mbalai a Andronicus a Junias, gwoli ga a masli man nga nza a dangi a vna, mbibihia'a te va ndohi sak. Ta zhè te Kristi, man i az di ɓai.

⁸ Vaga na mbalai a Amplias, ndo man i woya a ndav ga te Bi Zhiklè.

⁹ Vaga na mbalai a Urbain, ndo ntakaha nga te Kristi, a Stachys, ndo man i woya a ndav ga.

¹⁰ Vaga na mbalai a Apelles, ngul ndo te Kristi. Vaga ta mbalai a ndohi gi Aristobule.

¹¹ Vaga na mbalai a Hèrodian, gwoli ga. Vaga ta mbalai a ndohi gi Narcisse te Bi Zhiklè.

¹² Vaga na mbalai a Tryphène a Tryphose, tenga'a ta gu mizlinè te Bi Zhiklè. Vaga na mbalai a Perside, nenga'a man i woya a ndav ga, man a gu mizlinè kumba te Bi Zhiklè.

¹³ Vaga na mbalai a Rufus, ndo man Zhiklè a ngotskoƋauda, a mam na, nenga'a nara mam ga ba.

¹⁴ Vaga na mbalai a Asyncrite, Phlègon, Hermès, Patrobas, Hermas, a nda njèkèƋi kramamhai man ta a nda ta.

¹⁵ Vaga ta mbalai a Philologue a Julie, Nèrèe a demam na, a Olympe, a ndohi Zhiklè tèlèba a sam tenga'a.

¹⁶ Vagu mbalai, ngiƋè a ngiƋè, ngiƋè a ngiƋè a nkèlèw ri a da'ai ndohi Zhiklè. Mpi ndohi Zhiklè tèlèba te Kristi ta ga kinè mbalai.

¹⁷ Dalahimam ga, i fa kinè ma a gèƋ, aman kin gi maya a gèƋ tenga'a man ta dzakaɓa njèma man kin jongo, a ta kezl t ta ndohai, a ta zlakede ta ndohi tsaƋ tsaƋ. Vodo kinè auda a sam tenga'a!

¹⁸ Aman tenga'a ta gi mizlinè Bi nga Kristi ka ɓai, aman mizlinè hwaƋ tenga'a. Ma tenga'a ara vongwom; ma tenga'a man amba a pe ta a wai, man ta hér mali ta azɓai.

¹⁹ Aman labar ma kinè, ara man kin fa na gèƋ a ma Zhiklè, a zlèzlèmè, a ndohi tèlèba ta suna. Gar haha i wuffè a géƋ kinè, i woy aman kin gi maya a sam skwi man amba, a kin kwol skwi man ambaɓai.

²⁰ Zhiklè gumai a da kerƋda Sadan a hwaƋ sak kinè ndul ndul. Pombi Bi nga Yèsu Kristi da zhè a nda kinè!

²¹ Timothée, ndo ntakahayè, a Lucius a Jason a Sosipater, gwoli ga, ta ga kinè mbalai.

²² lyè, Tertius, man i windo ma Paul haha, i ga kinè mbalai te Bi Zhiklè.

²³ Gajus, babgi ga, babgi mpi ndohi Zhiklè tèlèba, a ga kinè mbalai. Eraste, ndo mɓer suli kokwar haha, a Quartus, kramam nga, ta ga kinè mbalai.

²⁵ Ngonzolokoy Zhiklè! Nenga'a a slaha a nva kinè wuƌai, ara ma mbela'a man i njè kinè te Yèsu Kristi; skwi man n'ngheda te nhinkad na te nenga'a,

²⁶ n'ngreda auda a Ƌèlèwèr ndohi nhadka ma antanta. Bi Zhiklè man a nzi a mèdèp a goƋ aman ta senda ta ndohi nte deɓa, aman ta cè a ndav a ta fi gèƋè'a.

²⁷ A Zhiklè man maya na zhè staƋgenè, n'njèlè te Yèsu Kristi, te nhinkaƋ na a ndè a ma ma a mèdèp. Amen.