Philippiens 1 - Mofa New Testament

¹ Paul a Timothée, ɓèlèlihi Kristi Yèsu, a sam ndohi Zhiklè tèlèba man ta kezla a nzlembaƌ Kristi Yèsu tèlèba, te kokwar Philippes; a sam ndohi mɓer mizlinè Zhiklè a ndohi ntakaha ta ba.

² Pombai a gumai da zhè a nda kinè, te Zhiklè, Bab nga, te Bai Yèsu Kristi!

³ l shid gèƋ a Bi Zhiklè pèc pècèk, aman i hér kine,

⁴ a i gi arsa pèc pècèk te ntsi ri ga tèlèba a géƋ kinè, a i tsi rai a mwuffè,

⁵ te man kin humda te ma mbela'a, te pats nshèlèkura'a, ba patsna.

⁶ A i fi gèƋ a vna: nenga'a man a hüno mizlinè mbela'a te ndav kinè, a dè a ma ma a nrufa'a, ba pats Yèsu Kristi.

⁷ Amba aman i hérè arsa a géƋ kin tèlèba, a géƋ man kinè te ndav ga. Ko i ndo dangai, ko i te kita man i tsoko na gèƌ ma mbela'a auda. Kinè, man kin ngècè pombi ara ga.

⁸ Bi Zhiklè a suna, mpataka kinè a keƋyè a vata, te mwoy-ndo Yèsu Kristi.

⁹ A i tsi rai aman mwoy-ndo a ndav kinè a grè a ma ma te nshin skwai, a kin shin Yèsu te ndav kinè,

¹⁰ aman kin Ƌèlè ar haha skwi man amba a skwi man ambaɓai. Te deɓa'a a pats Kristi kin ga'a a ndohi nzura'a, mali az a sam kinè ɓai;

¹¹ a nyiè kinè ngutsuɓa'a te ngizura'a man a shkè te Yèsu Kristi, a da zhè a nslébèrdè a nshid gèƌ a Bi Zhiklè a vna.

¹² Aman i gaƋa kinè, dalahimam ga, skwi man agua sam ga, a gu aman ma mbela'a a zlèzlèmè a ma ma.

¹³ Aman antanta ta sun te gi bi tèlèba, a sam ngiƋè tèlèba, i ndo dangai agéƋ Kristi;

¹⁴ a kramamhi kumba te Bi Zhiklè ta ngots wuƋi te man iyè te dangai, a ta gu a ndohi slagama, a ta njè ma Zhiklè a zlau ka ɓai.

¹⁵ Matrhia'a a vava, ta njè Yèsu a srak a ndzoan. Matrhia'a te nhér skwi man amba,

¹⁶ te man ta woya a ndav ta. Ta suna, i nzi a haha, aman i tsoko gèƋ ma mbela'a auda.

¹⁷ Tengahi ngiƋè ta njè ma Kristi, zura'a ka ɓai, a ta woy ma te pa, a ta woy a ta gay matakwan te gi dangai a va'a.

¹⁸ A ga ga pa mè? Ko man ta njè Kristi a maya tsaƋ tsaƋ tèlèba, ko a maya ambaɓia'a, ko a ndav nzura'a, i wuffè a géƋè'a genè, a i woya man i wuffè a ma ma dai.

¹⁹ Aman i suna, ndikèma skwi haha, i da mbél ga, a géƋ ntsi ri kinè, a géƋ Mèzhèɓ Yèsu Kristi man a takahayè.

²⁰ A i zhèrè te ndav, a i hérè'a, i woy a i ngècè hori a di azɓai, ko te skwi staƋ. Pèc pècèk, ko antanta ba, i slébèrdè Kristi te va ga, a i fi gèƋ a vna, ko man i zhè a nshèffè, ko i metsi ga.

²¹ A nshèffè ga, i te Kristi, te m'metsai i da ngècè skwi nfena'a.

²² Aman i zhè a nshèffè a takahayè, aman i gi mizlinè a ma ma dai, i sun skwi man i woya te va ɓai:

²³ Cèw cèw ambahayè: i woya man i dè ga, a i nzi a sam Kristi, skwi man amba holhola'a.

²⁴ Aman sèi i nzi a nshèffè dai a gèƋ kinè.

²⁵ I fi gèƋ a vna: i suna, i da nzi dai, a i da zhè a sam kin tèlèba, aman kin grè a ma ma, a kin wuffè te ncè-a-ndav,

²⁶ a kin da jégèr va kumba te Yèsu Kristi a géƋ ga, a pats man i dè a sam kinè za'a.

²⁷ Vanza a maya te nshèffè kinè, aman kin nzala ma mbela'a te Kristi! Ko i dè a i rka kinè, ko i az a sam kinè ɓai, i da tsena ma kinè, kin nzi tara'a te Mèzhèɓ nstaƌ, a kin gi var a nda nga a ndav staƌ, a gèƌ ncè ma mbela'a a ndav.

²⁸ A kin gi aman ndohi mayamhi kinè ta slaha ta pra kinè zlau a va azɓai, ko te skwi staƌ. A skwi ar haha a ngreda ta, ta za; aman a sam kinè a ngreda kinè, kinè mbela, skwi haha a shkè te Bi Zhiklè.

²⁹ Aman kin ngots pomɓai te Kristi, a kin cè nenga'a a ndav, a kin si matakwan a géƌ Kristi ba.

³⁰ Kin gi var lèmèlèmè ara man kin rka a sam ga, a kin tsena antanta te ma ga.