Matthew 8 - Mofa New Testament

¹ Aman Yèsu a nshkèhi te za ma, ndohi rèdèdèa ta dzodzora.

² Na haha, ndo hutsoƋ a mshkè a sam nenga'a, a nkalahi a deɓ sak nenga'a, a ngaƋa na: Bai, man ka woya'a, ka slaha ka sudyè!

³ A Yèsu a ngeda rai, a nlama na, a ngaƋa: I woya'a, suƋ ngaya! A nasa nasa a nsuƋ na.

⁴ Yèsu a ngaƋa na: Gu maya, ka da gaƋa na ndo ngiƋè ɓai! Do a ka ngreda na va ngaya a ndo mvi skwi a Zhiklè, a ka va na skwi a Zhiklè ara man Moise a gaƋa, a gi a skwi malwuƋai a sam tenga'a.

⁵ Aman a nshkè a kokwar Capemaum, bi sojè staƋ a mshkè a sam na, a ngaƋa na:

⁶ Bai, gol ga a m'mana t'hai te ngwai, a slèmbèƋè azɓai, skwa a dza na a vata.

⁷ Yèsu a ngaƋa na: I woy man a i dè a i da mbela'a.

⁸ A bi sojè a m'mbeƋa na a ma: I ndo man a ka shkè a gi ga ka ɓai. Sèi ka gèƋè ma ngaya staƋ, a gol ga a m'mbel na.

⁹ Aman iyè ba, wuƋi ndo ngiƋè a zhè a géƌ ga. Sojèhi ga ta zhè man i kwor ta. Aman i gaƋa na staƋ te va tenga'a: Do! a dè. Aman i gaƋa na ngiƋè: Washkè! a shkè. Aman i gaƋa na ɓèl ga: Gu arsa! a gia, a.

¹⁰ Aman Yèsu a ntsena ma haha, a nrzl na, a ngaƋa ta ndohi man ta dzodzora: I gaƋa kinè a vava, ko te kokwar Israel i ngots ndo man a nco a ndav a vata ar haha ɓai.

¹¹ Aman i gaƋa kinè: Ndohi kumba ta da shkè te civèƋ mvèng pats, te civèƋ nkèl pats, a ta da nzi a nda Abraham, a Isaac, a Jacob te kokwar-Bi-Zhiklè.

¹² Aman man a matsa ta ndohi kokwarBai, ta da kalde ta auda a ruva; te pa ta kudai a ta peƋi zlè'èn.

¹³ A Yèsu a ngaƋa na bi sojè: A gi a sam ngaya, ara man ka co a ndav. A nasa nasa gol nenga'a a m'mbel na.

¹⁴ Aman Yèsu a mshkè a gi Pierre, a nrka skwar Pierre, m'mana t'hai, vogwa a va.

¹⁵ A Yèsu a ngso ri nenga'a, a vogwa a ndal na. A ngwoz a nslambaƋa, a ntakaha.

¹⁶ A dakwaƌ, man pats nkala ma, ta hulkoƌi ndohi tsaƌ tsaƌ, man mèzhèɓ ambaɓia'a a ga ta, a sam na. A ndzorkoƌi mèzhèɓhi ambaɓihia'a auda a ma nenga'a staƌ, a m'mbel ta ndohi matakwan,

¹⁷ a gu ara ma Zhiklè, man Esaie, ndo nhadka ma, a gaƌa: Nenga'a a nco matakwan nga a géƌ va na, a nzuɓ skwi ndzi nga.

¹⁸ Aman Yèsu a rka, ndohi rèdèdè'a ta tèuda a pa, a mfa ta ma a gèƋ, aman ta dè a wud woyam, a dzah ngiƋè.

¹⁹ A malam staƋ a nherda na va, a ngaƋa na: Ndo njèngè ma, i woy man a i dzadzar ka a sam tèlèba man ka dè a pa.

²⁰ Yésu a ngaƋa na: Barkdadihai ta ngots vèvèd ta, diakihai t'hwad gidfèk ta ngots gi ta, aman Kra-ndo a n'ngatsa sam na ɓai, aman a fí gèƋ a pa.

²¹ StaƋ te va golahi nenga'a a ngaƋa na: Bai, jèkyè man i dè a i reko bab ga dai!

²² Aman Yèsu a ngaƋa na: Dzadzarkayè, sèi ndohi m'metsa'a ta ri ndohi tenga'a m'metsa'a!

²³ Aman Yèsu a mdo a wurom ma, golahi nenga'a ba to do.

²⁴ Na haha, kozlar mbia'a a nslambaƋa a géƋ iyam, a iyam a ngu tsuvoƋoh-tsuvoƋoha'a, a wurom a woy a ndhè a iyam. Aman Yèsu a nzhuna.

²⁵ A golahi nenga'a ta herda na va, a ta pidèkwuda, a ta gaƋa na: Mbel nga, Bai! Nga zi nga!

²⁶ Yèsu a ngaƋa ta: Kinè ndohi man kin co a ndav a vata ɓai! Kin gi zlau kata èhèmè?

²⁷ Te deɓa'a a nslambaƋa, a nguv kozlar a woyam mbia'a, a iyam a n'nza géɓitè'a. A ndohi ta rzl ta, a ta gaƋa: Ndo haha wa, aman ko kozlar, ko iyam mbia'a ta fí gèƋ a ma nenga'a!

²⁸ Aman ta ndika a wud dzah ngiƋè, te kokwar GaƋara, ta zlü gèƋ a ndohi cèw man madzagai a ga ta. Ta shkè auda a sam gi dzavai, a ta guv ndo, a ta pra ta zlau a va ndohi man ta beza a civèƋè'a.

²⁹ A ta tsu lalau, a ta gaƋa: Nga gakaƋa a ka mè, a kra Zhiklè? Ka shkè a ka ga nga matakwan, ko a ndika a sama di ɓi dè?

³⁰ Dra kètè wodalahai ta zhè a pa kumba, a ta ndi mandai.

³¹ A madzagihai ta tsu rai, a ta gaƋa na Yèsu: Man ka dzar nga auda, pre nga, a nga dè a va rèwè wodalahai!

³² Yèsu a ngaƋa ta: Vodo! A to do auda, a to do a va rèwè wodalahai. A na haha, rèwè wodalahai ta wush ta a drav iyam, a ta bazl ta te iyam mbia'a.

³³ Ndohi mber ta, ta hu ta, a to do a kokwar, a ta ngreda ta ma ndohi madzagi a ndohi tèlèba.

³⁴ A kokwar tèlèba a mdo auda, aman ta zli gèƋ a nda Yèsu. Aman ta rka'a, ta dzhoƋo aman a jèka ta kuma ta.