Matthew 6 - Mofa New Testament

¹ Vagu maya a géƋ ngizura kinè, aman kin da gu a sam di ndohi ɓai, a ta rka kinè; aman kin da gu arsa, skwi ntul kinè asaɓai a sam Bab kinè te zhiklè.

² Aman ka vi skwai, ka babeda ɓai, ara ndohi n'ngwèdè ndo ta gia'a te gi-njèngè-ma-Zhiklè, a civèƋ, a ta woy a ndohi ta slebarde ta. A vava i gaƋa kiné: Ta ngots skwi ntul ta ma.

³ Aman ka vi skwai, gu aman ri gula ngaya a sun skwi man ri mandi a gia ɓai.

⁴ A woy skwi man ka via'a, n'ngheda'a; a Bab ngaya man a rka a sam n'ngheda'a, a da menda ka a deɓa.

⁵ Aman kin tsi rai, kin gu ara ndohi n'ngwèdè ndo ɓai, man ta woy a ta zlècè, a ta tsi ri te gi-njèngè-ma-Zhiklè, a zolom civèƋ, a ta woy a ndohi ngiƋè ta rka ta. A vava i gaƋa kinè: Ta ngots skwi ntul ta ma.

⁶ Aman ka tsi rai, do a gi ngaya nt'hwaƋa'a, a ka tsi ri a Bab ngaya, a sam n'ngheda'a. A Bab ngaya man a rka a sam n'ngheda'a a da va ka skwia'a.

⁷ Aman kin tsi rai, kin ndurh ma kumba ɓai, ara ndohi nte deɓa; aman ta hur te ndav, Zhiklè a tsena'a, aman ta ndérh ma kumba.

⁸ Gar haha kin gu lèmèlèmè ara tenga ɓai! Ga kin tsi rai, Bab kinè a sun skwi man kin tèkwènè'a.

⁹ Ani haha sèi kin tsi ri arsa: Bab nga, man ka zhè te zhiklè te géƋè'a.

¹⁰ A woy ta kezla nzlembaƋ ngaya. Kokwar-Bi ngaya da shkè. Skwi man ka woya'a, da gu t'herkeda lèmèlèmè ara nte zhiklè.

¹¹ Vaka nga skwi n'ndi nga te di mpatsna ba.

¹² Pra nga mali nga, ara man nga pra mali ndohai man ta gu mali a sam nga.

¹³ Ka de nga a sam man a pe nga a wi ɓai, aman ɓer nga te ri nenga'a man ambaɓai. Aman kokwar-Bi a ngaya, a wuƌai, a n'njèlè, pèc pècèk a mèdèp ba. Amen.

¹⁴ Aman kin prè mali ndohai, Bab kinè te zhiklè a dè prè mali kinè arsa.

¹⁵ Aman kin prè mali ndohi azɓai, Bab kinè te zhiklè a dè prè mali kinè azɓai arsa.

¹⁶ Aman kin jèkeda skwi n'ndai, kin da gursa di ɓai, ara ndohi n'ngwèdè ndo. Tenga'a ta min dai, aman ndohi ngiƋè ta rka'a, ara man ta jèkeda skwi n'ndai. A vava i gaƋa kinè: Ta ngots skwi ntul ta ma.

¹⁷ Aman ka jèkeda skwi n'ndai, pana di ngaya, tila va ngaya,

¹⁸ aman ndohi ngiƋè ta da rka ɓai, ara man ka jèkeda skwi n'ndai, sèi Bab ngaya man a zhè a sam n'ngheda'a. A Bab ngaya man a rka a sam n'ngheda'a a da va ka skwia'a.

¹⁹ Kin ɓüco skwi mèshèlè t'herkeda ɓai, a sam man pombok a hezai ta ndia'a, a sam man ndohi metsarhai ta zlinè'a, a ta hilè'a.

²⁰ Aman vaɓüco skwi mèshèlè te zhiklè te géƋè'a, a sam man pombok a hezai ta ndia azɓai, a metsarhai ta zlinè'a, a ta hilè'a azɓai.

²¹ A sam man skwi mèshèlè ngaya a pa, ndav ngaya ba a pa.

²² Dai, ara pitirla va. Aman di ngaya amba, va ngaya tèlèba nhela'a.

²³ Aman di ngaya di n'ngwèdè ndo, va ngaya tèlèba nara ruva. Aman skwi nhél sam a va ngaya a hél sam azɓai, ruva a ndi a mbia'a.

²⁴ Ɓèl azɓai, man a slaha a ngi mizlinè babgihi cèw. Gar a gi shèwa a nstaƌ, a woy ngiƋè a ndav na, gar a gshè va a nstaƋ, a nkwola ngiƋè. Kin slaha kin gi ɓèl Zhiklè a ɓèl skwi mèshèlè cèw ɓai.

²⁵ Gar haha i gaƋa kinè: Kin hur gèƋ zlau ɓai, a géƋ nshèffè kinè, a géƋ skwi man kin ndia'a, a kin sia'a, a géƋ va kinè, a géƋ skwi man kin fi a va. Nshèffè a nfena skwi n'ndi ɓi Ƌè? Va a nfena skwi nfi a va ɓi Ƌè?

²⁶ Varka Ƌiakihi t'hwaƋ giƋfèk: ta zleki azɓai, ta ɓicè skwa a wov azɓai, aman Bab kine te zhiklè a va ta skwi n'ndi genè. Kin fen ta mbelembela ɓi ƌe?

²⁷ Te ndev kinè nslaha a nhérdè nshèffè na kèshkata a ma a ri na, wa? Ko a nhér gèƌ.

²⁸ Kin hér gèƌ a géƌ maslaka èhèmè? Varka nwurzhè bèmbèzh te gi dau, ara man ta grè, ta grè: ta gi mizlinè azɓai, ta tsi maslaka azɓai.

²⁹ I gaƌa kinè, ko Salomon a n'njèl nenga'a, az ara tenga'a ɓai, ko staƌ te va'a.

³⁰ Aman Zhiklè a va na va a kuza arsa, kuza man a patsna a zhè, angoslèm ta wusheda a vogwa: a sam kinè a gi arsa azɓi ƌe? Kinè ndohi man kin ca a ndav kumba ɓaií

³¹ Gar haha kin hur gèƌ zlau ɓai, a kin gaƌa: Nga da ndi mè, nga da si mè, nga da fì a va mè?

³² Ndohi herkeda ta hér arsa. Aman Bab kinè te zhiklè a sun skwi man kin tèkwènè'a.

³³ Vahur kokwar-Bi-Zhiklè a ngizura nenga'a nshèlèkura'a, a kin ngècè skwi haha tèlèba a deɓa'a.

³⁴ Ani haha kin hur gèƋ zlau a géƋ mangoslèm ɓai. Aman pats mangoslèma'a, skwi a da til na. A géƌ pats, skwi ntul mpats nstaƌ, dè'a.