Matthew 5 - Mofa New Testament

¹ Mrke nhèyè ndo, a nteva a gèƋ za, a n'nzahai, a golahi nenga'a ta herde va a sam na.

² Te deɓa'a a nhüno man a slebda ta, a ngaƋa:

³ Mwuffé a sam tenga'a man ndohi ngiƋé ta sla ta ndohi ntawassa'a te maya.

⁴ Mwuffé a sam ndohi man ta kuƋi te ndav ta; aman Zhiklé a da bid ta.

⁵ Mwuffé a sam ndohi man ndav lüɓekwa'a; aman ta da gi a ndohin'ndiherkeda.

⁶ Mwuffè a sam ndohi man ngizura'a a zle ta, ara skwi n'ndai, ara iyam nsai; aman sèi ta da ngézhè"a.

⁷ Mwuffé a sam ndohi man ndo a se ta te va; aman tenga'a ta da si Bi Zhiklé te va.

⁸ Mwuffé a sam ndohi man ndav ta mpana; aman ta da rka Bi Zhiklè.

⁹ Mwuffé a sam ndohi man ta tsi gumai; aman ta da baba ta wud Bi Zhiklè.

¹⁰ Mwuffé a sam ndohi man ta paraha ta a géƋ ngizura'a; aman kokwar-Bi-Zhiklè a tenga"a.

¹¹ Mwuffé a sam kiné, aman taga kiné ma a va, a ta paraha kine, a ta cékélma ambaɓi tsaƋ tsaƋ a géƌ kiné, a géƌ ga.

¹² Vawuffa, vagu langlanga"a, aman skwi ntul kiné a gi a mbia'a te zhiklé, te géƋè'a. Aman ta paraha ta ndohi nhadka ma hala'a lèmèlèmè.

¹³ Kinè boma herkeda. Boma man a jèn ɓai wurzkwurzka'a, ta da gi a wotata'a a mè Ta gi skwa a vna asaɓai, sèi ta wushedaussa, a ndohi ta mbècè a pa a sak.

¹⁴ Kinè skwi nhél sam herkeda. Kokwar mbia"a a géƋ za a nghédè azɓai.

¹⁵ Ta vècè vogwa pitirla, aman ta fi a hwaƋ gadagar azɓai; aman ta fia a géƌè'a, a sam nfi pitirla, te deɓa"a a hela ta sam a ndohi tèlè man ta te gai.

¹⁶ Gar haha vagu aman skwi nhél sam kinè a hél sam a sam di ndohai, aman ta rka mizlinè kinè man amba, a ta slébèrdè bab kinè te zhiklè.

¹⁷ Kin hur a kin gaƌa, i shkè a ngéƌéshé ma kita Zhiklè, a ma ndohi nhadka ma, ka ɓai. I shkè a ngéƌéshé ka ɓai, aman i a nrufa'a.

¹⁸ I gaƌa kinè a vava: Ha giƌfèk a herkeda ta ndev ta, ko lamba staƌ, ko skwi nvèlèhè'a staƌ te ma kita Zhiklè, a zi azɓai, sèi tèlèba n'nga'a.

¹⁹ Ko wawa man a jèkèda staƌ te va ma kita Zhiklè, ko ma nkèshè'a genè, a slebda ta ndohi ngiƌè arsa, ta da baba na nkèshè'a te kokwar-Bi-Zhiklè. Aman ndo man a da fi gèƋè'a, a slebda ta ndohi ngiƋè a ta fi gèƋè'a arsa, ta da baba na ndo mbia'a te kokwar-Bi-Zhiklè.

²⁰ Aman iyè i gaƋa kinè: Sèi ngizura kinè a fena ngizura malamhai a ndohi pharisie mbelembela, man ɓai kin dè a kokwar-Bi-Zhiklè azɓai.

²¹ Kin tsena'a, ara man ta gaƋa ta babababhi kinè: Ka kuƋ ndo ɓai! Ndo man a kéƋè ndo, a kèlé a kita.

²² Aman iyè, i gaƋa kinè: Ndo man a gi ndav a géä kramam nenga'a, a kèlè a kita. Aman ndo man a gaƋa na kramam nenga'a 'medekam ndo', a ngu malai, aman ta cémma a géƋè'a. A ndo man a gaƋa: Ka, skwa a ga ka! A ngu malai, aman a dè a vogwa kita.

²³ Gar haha, aman ka vi skwi ngaya a sam mvi skwi a Zhiklè, a pa ka héré'a, ara man ma a zhé te ndav kramam ngaya a géƌ ngaya,

²⁴ jékeda skwi man ka woy a ka va na Zhiklè a sam mvi skwi a Zhiklè; a ko do nshèlèkura'a, a kin menda gumi a hai a kramam ngaya, ga ka shkè, a ka da vi skwi ngaya.

²⁵ Aman mayam ngaya a pin ka, valèmda ma kinè a civèƋ dai, man ɓai a de ka a sam ndo kita, a ndo kita a da va ka a ri a sojè, a ta fe ka a gi dangai.

²⁶ I gaƋa ka a vava: Ka shkè auda te pa ambalai azɓai, sèi ka pi suli tèlèba, ko sissi a pcè a deɓa azɓai.

²⁷ Kin tsena'a, ara man ta gaƋa: Ka gu mphömè ngwoz ɓai!

²⁸ Aman iyè, i gaƋa kinè: Ndo man a cèkè di a ngwoz, a ngu mphömè a vna te ndav na ma.

²⁹ Aman di ngaya nte civèƋ ri mandai a kalde ka a malai, vedotkoƋauda, a ka kaldaussa. Dara nfèfèn va ngaya staƋ a gedas na, a géƋ va ngaya tèlèba man ta kalda a vogwa kita.

³⁰ Aman ri mandi ngaya a kalde ka a malai, ngela na auda, a ka kaldaussa. Dara nfèfèn va ngaya staƋ a gedas na, a géƋ va ngaya tèlè man ta kalda a vogwa kita.

³¹ Ta gaƋa nga a va'a: Ndo man a kwola ngwoz na, sèi a va na Ƌèlèwèr njèkè ngwoz.

³² Aman iyè, i gaƋa kinè: Ndo man a kwola ngwoz na, a géƋ mphömè ka ɓai, a kalde ngwoz a mphömè. A ndo man a cè ngwoz man ndo ngiƋè a njèkeda, a gi mphömè.

³³ Kin tsena a va'a, ara man ta gaƋa ta babababhi kinè: Ka mbaƋa ambali ɓai! Aman sèi ka gi ara ma man ka gaƋa na hi a Bi Zhiklè.

³⁴ Aman iyè, i gaƋa kinè: Kin mboƋ ɓi fèt ba! Kin mbaƋa a nzlembaƋ giƋfèk ɓai, aman nenga'a sam n'nzi Bi Zhiklè.

³⁵ Kin mbaƋa a nzlembaƋ herkeda ɓai, aman nenga'a sam nfi sak Bi Zhiklè. Kin mbaƋa a nzlembaƋ kokwar Jérusalem ɓai, aman nenga'a kokwar Bi mbia'a.

³⁶ Ka mbaƋa a géƋ va ngaya ɓai, aman ka slaha a ka slekaƋa a ka madza gwots gèƋ ngaya azɓai, ko staƋ ba.

³⁷ Vagu aman halau kinè, a gi a halau, a a'ai kinè, a gi a a'ai; skwi man kin gèƋè a va'a, ambaɓai.

³⁸ Kin tsena'a, ara man ta gaƋa: Dai te di man a dai; zlè'èn te di man a zlè'èn.

³⁹ Aman iyè, i gaƋa kinè, aman kin sala va, man ta ga kinè skwi ambaɓia'a ɓai. Man ndo a tsama ka bazlazlam ri mandi ngaya, ka ngwoda na civèƋ ngiƋè.

⁴⁰ Ndo man a woy ma a ka, a ncèma ka maslaka nt'hwaƌa'a, va na dawar a va'a.

⁴¹ Ndo man a tsa ka rai, a ka feda na ma, ngelka na di cèw!

⁴² Va na ndo man a dzhaƌ ka, ka kalda ma a ndo man a dzhaƌ ka ɓai.

⁴³ Kin tsena'a, ara man ta gaƋa: Woy nslamagi ngaya, gu shèwa a ndo mayam ngaya!

⁴⁴ Aman iyè, i gaƋa kinè: Vawoy ndohi mayamhi kinè! Vatsu ri a géƋ ndohi man ta paraha kinè! Vaga ta skwi man amba a ndohi man ta ga kinè shèwa,

⁴⁵ aman kin ndi a wudahi Bab kinè te zhiklè. Nenga'a a gi aman pats a vèngè a géƋ ndohi ambaɓihia'a, a géƋ ndohi man amba, a gi aman iyam a shkèhai a géƋ ndohi nzura'a, a géƋ ndohi nzura ka ɓai, cèw ba.

⁴⁶ Aman kin woy ndohi man ta woy kinè genè, kin ngècè mè? ncèkèlè skwai ta gi arsa azɓi ƌè?

⁴⁷ Aman kin ga ta mbalai a kramamhi kinè genè, kin fen ta a mè? Ndohi nte deɓa ta gi arsa azɓi Ƌè?

⁴⁸ Gar haha sèi kin ndikè a sam jèlèlè'a, ara Bab kinè te zhiklè, jèlèlè'a.