Matthew 28 - Mofa New Testament

¹ Te deɓ pats nshèk va, a pats nshèlèkura'a te luma, a prèk vaƋ, Marie Magdala, a Marie ngiƋè, ta shkè, aman ta rka gi dzavai.

² Na haha, herkeda a gudzi a vata, a goI Bi Zhiklè a mshkè te zhiklè, a ngudumbala na kwa auda a ma, a n'nza a pa.

³ Va nenga'a ara ndidiyam, maslaka nenga'a nslekaƌa'a kuƌkuƌè'a, ara gogumai.

⁴ A ndohi mɓer gi dzavai ta gu zlau a vata, ta gudzai, ta ara man ta metsa.

⁵ A gol Bi Zhiklè a ngaƋa ta ngwozai: Kin gu zlau ɓai, aman i suna, kin woy Yèsu, man ta gezlala'a.

⁶ Na az haha ɓai, aman nenga'a a nslambaƋkaƋ na ma, ara man a gaƋa. Vowashkè, varka sama'a man a m'mana a pa.

⁷ Te deɓa'a vodo tsam-tsam, a kin gaƋa ta golahai nenga'a: Yèsu a nslambaƋkaƋauda te m'metsi ma! Na haha a dè a ma kinè a kokwar Galilée. Te pa kin da rka'a. Ma ga anta.

⁸ A to do tsam-tsam, a ta jèkeda gi dzavai a zlau a mwuffè mbia'a, a ta hau, aman ta ngreda ta golahi nenga'a.

⁹ Na haha Yèsu a mshkè, aman ta zli gèƋ a tenga'a, a ngaƋa: Vombalai! Aman tenga'a ta shkè, a ta kalahai a deɓ sak nenga'a.

¹⁰ Yèsu a ngaƋa ta: Kin gu zlau ɓai, vodo, vanjè ta kramamhi ga, aman ta dè a kokwar Galilée. Te pa ta da rkayè.

¹¹ Aman to do, na haha ndohi ngiƋè, man ta ɓer gi dzavai, ta shkè a kokwar, a ta ngreda ta ndohi mvi skwi a Zhiklè mbibihia'a skwi tèlèba man a gau.

¹² A ta ɓica va a nda ndohi nhala'a, a ta tsomma. A ta va ta sulai a vata a sojèhai,

¹³ a ta gaƌa: Vagoƌa: Golahi nenga'a ta shkè a vaƌ, a ta cko va auda a metsar, aman nga nzhuna.

¹⁴ Aman ngomna a da cinè'a, nga da ɓidè'a, a nga gi maya, aman a gi ma a gèƌ kinè azɓai.

¹⁵ A tenga'a ta co sulai, a ta gu ara man ta gaƌa ta. A ma haha a zlèzlèmè a zlèzlèmè a sam ndohi Juif, ha patsna.

¹⁶ A golahi 11 to do a kokwar Galilée, a za, a sam man Yèsu a gaƋa ta aman ta dè a pa.

¹⁷ Aman ta rka'a, ta kalahai a deɓ sak nenga'a. Matrhia'a ta pu gèƋ cèw.

¹⁸ A Yèsu a mshkè a sam ta, a ngaƋa ta: WuƋi tèlèba te zhiklè ba, t'herkeda ba, nte ri ga.

¹⁹ Anai vodo, vage ta ndohi herkeda tèlèba a golahi ga, vaga ta baptême a nzlembaƋ Bab Zhiklè, a nzlembaƋ kra Zhiklè, a nzlembaƋ Mèzhèɓ Zhiklè nkezla'a.

²⁰ Vasenda ta, aman ta gi skwi tèlèba man i fa kinè a gèƋ. Na haha, i zhè a sam kinè pèc pècèk, a pats a vaƋ, ha herkeda a ndiv na.