Matthew 27 - Mofa New Testament

¹ A prèk te gai, ndohi mvi skwi a Zhiklè mbibihia'a, a ndohi nhala'a ta tsomma a géƌ Yèsu, aman ta kèƌè'a.

² A ta dzawa'a, a ta da'a, a ta va na a ri a Pilate Pontius, ngomna.

³ Aman Judas, nenga'a man a nga na ri a gèƋ, a nrka, ta ga na kita a gèƋ a Yèsu, a nhur mali na, a nhulko suli gurso 30 a deɓa a sam ndohi mvi skwi a Zhiklè mbibihia'a, a ndohi nhala'a,

⁴ a ngaƌa: I gu malai, man i ga na ri a gèƌ nshèffè ndo man n'nga mali ɓai. Aman ta gaƌa na: A nga nga a pa mè? Ma ngaya!

⁵ A nenga'a a nwushede suli aussa a gi Zhiklè, a n'ndo na, a nkelawda teɓa a da'ai na, a m'mets na.

⁶ A ndohi mvi skwi a Zhiklè mbibihia'a ta hul sulai, a ta gaƌa: Ambaɓai aman nga feda a sam skwi man nga va na Zhiklè; aman suli haha, suli man pombaz a géƌè'a.

⁷ A ta tsomma, a ta sum gi dau ndo nrèmè, man ta ri ndohi mbrokihai a pa.

⁸ Gar haha ta baba na gi dau matsa gi dau pombaz, ha patsna.

⁹ Gar haha a gu ara man Jèrémie, ndo nhadka ma, a gaƌa: A gurso 30 (suli man ndohi Israel ta shum ndo a vna),

¹⁰ ta sum gi dau ndo nrèmè, ara Bi Zhiklè a ngredayè.

¹¹ Yèsu nzlatsa a sam ngomna. A ngomna a ndzhoƋo, a ngaƋa: Ka bi ndohi Juif Ƌè? Yèsu a ngaƋa na: Ara ngèƋ ngaya!

¹² Aman ndohi mvi skwi a Zhiklè mbibihia'a, a ndohi nhala'a, ta pin Yèsu, nenga'a a m'mbeƌa ta a ma ɓai.

¹³ A Pilate a ngaƌa na: Ka tsena ma tsaƌ tsaƌ a géƌ ngaya ɓi ƌè?

¹⁴ A Yèsu a m'mbeƌa na a ma ɓai, ko staƌ ba. A ngomna a nhur a vata.

¹⁵ A pats ngolala, a pats ngolala, ngomna a mpra ta ndo dangai staƋ a ndohi rèdèdèa, nenga'a man ta woya'a.

¹⁶ A pats nasa ndo dangai ambaɓia'a ngiƋè a zhè, nzlembaƋ na Barabbas.

¹⁷ A Pilate a ngaƋa ta ndohi mɓica'a: Kin woy a i pra kinè wa, Barabbas Ƌè, Ƌè Yèsu man ta baba na Kristi Ƌè?

¹⁸ Aman nenga'a a suna, ta gu srak a géƋè'a.

¹⁹ Aman Pilate a n'nza a géƋ sam n'nzi kita, ngwoz nenga'a, a nzlündo ndo a sam na, a ngaƋa na: Skwa da gu te ndev kinè ɓai, nenga'a ndo nzura'a. Nshunè a nkeƋyè a patsna a géƋ nenga'a, a ngeday matakwan kumba.

²⁰ Aman ndohi mvi skwi a Zhiklè mbibihia'a, a ndohi nhala'a, ta poko ta gèƌ auda a ndohi rèdèdè'a, aman ta jhèƌè Barabbas, a ta kéƌè Yèsu.

²¹ A ngomna a ngaƌa ta: Te ndev ndohi cèw, kin woy a i pra kinè wa? A ta mbeƌa na a ma: Barabbas!

²² A Pilate a ngaƌa ta: Aman i gi a Yèsu mè, man ta baba na Kristi?

²³ Tèlèba ta gaƌa: Sèi ta gezlala'a! A ngomna a ngaƌa: A ge mali mè? Tèlèba ta boho holhola'a: Sèi ta gezlala'a!

²⁴ Aman Pilate a nrka, a slaha ta ndohi rèdèdè'a ɓai, a ta rubai, a nco iyam, a mpana ri nenga'a a sam di ndohi rèdèdè'a, a ngaƌa: Ri ga sa! Anai mali ga azɓai a sam m'metsi ndo nzura haha. Ma kinè!

²⁵ A ndohi tèlèba ta mbeƌa na a ma: Pombaz nenga'a da shkè a gèƌ nga, a gèƌ wudahi nga!

²⁶ Te deɓa'a a mpra ta Barabbas. A ngu aman ta ndèha Yèsu a mènèwèƋ, a mva ta, aman ta gezlala'a.

²⁷ A sojèhi Pilate ta co Yèsu, a ta da'a a gala ngomna, a ta ɓic ta ndohi tèlèba a pa.

²⁸ A ta suƋama na maslaka nenga'a auda a va, a ta va na maslaka vèvèzh a va,

²⁹ a ta paƋa na gèƋ a vatak ntsaffa'a, a ta va na pandar a ri mandi nenga'a, a ta kalahai a deɓ sak nenga'a, a ta ngwossaha, a ta gaƋa: Mbali bi ndohi Juif!

³⁰ A ta jfa na slèslèɓ a dai, a ta co gaƋa, a ta tsau a gèƋ.

³¹ Aman ta ngwossaha ma, ta cèma na maslaka vèvèzh auda a va, a ta va na maslaka na a va, a ta da'a, aman ta gezlala'a.

³² Aman ta do auda, ta ngots ndo Cyrène ngiƌè, nzlembaƌ na Simon, a ta fa na a gèƋ a wuƋai, aman a zhüɓ wof ngézlèl Yèsu.

³³ Aman ta shkè a sam man ta baba na Golgotha, ara ngèƋè 'vatasl gèƋ',

³⁴ ta va na barassa a mèƋètèr, te pa, aman a nsia'a. Aman a ntoro, a woya a nsia ɓai.

³⁵ Aman ta gezlala ma, ta kezla maslaka na, ara man ta gu a jimèr.

³⁶ A ta nza a ta ɓerè'a a pa.

³⁷ A ta windo mali nenga'a a deɓ wof: Nenga'a Yèsu, bi ndohi Juif.

³⁸ Te deɓa'a ta gezlala ndohi metsarhi cèw a nda nenga'a, staƋ te ri mandai, ngiƋè te ri gula.

³⁹ A ndohi man ta beza a pa, ta dérƋè'a, a ta gidè gèƋ kwotakwota'a, a ta gaƋa:

⁴⁰ Ka, man ka mbeƋa gi Zhiklè, a ka rèmè ngiƋè te m'mèn makar ar ka mbela va ngaya a ri ngaya; aman ka, ka kra Zhiklè, sulomkaƋahai a wof ngézlèlè haha!

⁴¹ Lèmèlèmè, ndohi mvi skwi a Zhiklè mbiɓihia'a ta ngwossaha, a malamhai, a ndohi nhala'a, a ta gaƌa:

⁴² A m'mbel ta ndohi ngiƌè, aman va nenga'a a slaha a mbela ɓai. Aman nenga'a ɓi Israel, da sulomkaƌahai a wof ngèzlèlè, a nga woya a nga cè'a a ndav.

⁴³ Nenga'a a pi ndav a Bi Zhiklè, Bi Zhiklè da mbela'a antanta, man a woya'a. Aman a ngaƌa: I kra Zhiklè, ar na.

⁴⁴ Gar haha ndohi metsarhai man ta gezlal ta a nda nenga'a, ta durƌo lèmèlèmè.

⁴⁵ Aman a géƌ pats, ruva a ngau a géƋ herkeda tèlèba, ha pats tsafkata.

⁴⁶ A Yèsu a mboho a wuƋai, a ngaƋa: Eli, Eli, lama sabachthani? Ara man a gaƋa: Zhiklè ga, Zhiklè ga, ka jèkyè èhèmè?

⁴⁷ Aman ndohi tsaƋ tsaƋ man ta zlatsa a pa, ta tsena'a, ta gaƋa: A baba na Elie!

⁴⁸ Tsam-tsam staƋ te va tenga'a a mhau, a nco maslaka, a nkalda a iyam mbertéktéka'a, a m'manda a gaƋa, a ntkwo na a ma.

⁴⁹ Ndohi ngiƌè ta gaƌa: KazlaƋai, nga rka aman Elie a shkè a mbela'a!

⁵⁰ A Yèsu a mboho a wuƋi za'a, a mva na Mèzhèɓ na a ri a Zhiklè.

⁵¹ Na haha, maslaka mbia'a te gi Zhiklè a nkurats na te va, te géƋè'a a nshkèhai a goƋok, a herkeda a ngudzai, a zahi a ta cizl ta,

⁵² a gi dzavihi a ta win ma ta. Te deɓ nslambaƌkaƌauda nenga'a, ndohi Zhiklè man ta mets ta ma, kumba ta shkè auda te dzavai,

⁵³ a to do a kokwar nkezla'a, a ta gudoko ta va a dai a ndohi kumba.

⁵⁴ Aman bi sojè, a ndohi mɓer Yèsu, ta rka, herkeda a gudzai, a skwi man a gau, ta gu zlau a vata, a ta gaƋa: A vava, ndo haha kra Zhiklè!

⁵⁵ Ngwozi ngiƋè kumba, ta a pa, man ta rkoƋi dra. Ta dzodzor Yèsu te Galilée te va nasa, a ta takaha.

⁵⁶ Te va tenga'a Marie Magdala; a Marie, mam Jacques, a Joseph; a mam wudahi Zébédée.

⁵⁷ A dakwaƋ man pats nkala ma, ndo mèshèlè ngiƋè a mshkè te Arimatée, nzlembaƋ na Joseph, nenga'a ba gol Yèsu.

⁵⁸ Nenga'a a ndo a sam Pilate, a ndzhoƋo va Yèsu. A Pilate a ngoƋ aman ta va na.

⁵⁹ A Joseph a nco va Yèsu, a mpaƌda a bata mbela,

⁶⁰ a mfeda a gi dzavi na mɓua'a, man ta zlüno te za, a ngudumbala na ngezlambar kwa mbia'a a ma gi dzavai, a mdo na.

⁶¹ A Marie Magdala, a Marie ngiƋè, ta zhè, ta nza zura'a a ma gi dzavai.

⁶² Te mangoslèma'a, te deɓ pats man ta tül Pâque, ta ɓica va a ndohi mvi skwi a Zhiklè mbibihia'a, a ndohi pharisie, a sam Pilate, a ta gaƌa:

⁶³ Bai, ma ndo matsa man a pe ta ndohi a wai, a haka nga gèƌ: A ngaƌa, a pats man a n'nza a nshèfíe dai: Te deɓ m'mèn makar i da slèmbèƌè auda te m'metsai.

⁶⁴ Gar haha goƌ aman ta cèpè gi dzavai, ha pats mamakara'a, aman golahi nenga'a da shkè ɓai, a ta cè'a, a ta gaƋa ta ndohi tèlèba te deɓa'a: A nslambaƋkaƋauda te m'metsai; a ncèkèlma a nda gi a nholhola'a, a fena nshèlèkura'a.

⁶⁵ Pilate a ngaƋa ta: Kin ngots ndohi mɓer gai, vodo a sam tenga'a, vaɓüro a maya kinè!

⁶⁶ A tenga'a to do, a ta tsapa gi dzavai, a ta pu sojèhai, a ta ɓer gi dzavi a nda ta.