Matthew 22 - Mofa New Testament

¹ Yèsu a ngaƋa ta ngèlègèƋ ma ngiƋè za'a:

² Kokwar Bi Zhiklè lèmèlèmè ara bi ngiƋè, man a tu skwi n'ndi ngolala nfí ngwoz kra na a gai.

³ A nzlinde ta ɓèlèlihi nenga'a, a ta baba ta mandalahi nenga'a a sam ngolala. Aman ta woya ta shkè ɓai.

⁴ Te deɓa'a a nzlinde ta ɓèlèlihi ngiƋè za'a, a ngaƋa: VagaƋa ta ndohi man nga baba ta a sam ngolala: Na haha, i tila skwi n'ndi ga ma! Nga bazla zlèhi ngrahia'a a skwi kuƋomhi ma. Tèlèba ntila. Vowashkè a ngolala nfí ngwoz a gai!

⁵ Aman tenga'a ta tsena ɓai, a to do ta, ngiƋè a gi dau na, ngiƋè a ngi gani na.

⁶ NjèkèƋia'a ta por ɓèlèlihi nenga'a, ta ga ta skwi ambaɓi tsaƋ tsaƋ, a ta bazl ta.

⁷ A bai a ngu rdav, a nzlinde ta sojèhi nenga'a, a ta bazl ta ndohi nkede ndo matsa, a ta fa na vogwa a kokwar tenga'a.

⁸ Te deɓa'a a ngaƋa ta ɓèlèlihi nenga'a: Ngolala nfi ngwoz a gai ntila ma. Aman ndohi man ta baba ta a ngolala, ta ambaɓai.

⁹ Anai vodo a dal kokwar, a civèƋ, a kin baba na ko wawa man kin ngècè'a, a ngolala nfi ngwoz a gai.

¹⁰ A ɓèlèlihi matsa to do a civèƋ, a ta ɓic ta tèlèba, man ta ngotso, ndohi ambaɓihia ba, a ndohi mbela'a ba, cèw ba. Gi n'ndha a ndohi ngolala.

¹¹ Aman bai a mdo a gai, man a rka ta ndohi ngolala nenga'a, a nrka ndo ngiƋè te pa, maslaka ngolala az a va ɓai.

¹² Bai a ngaƋa na: Masli ga, ka bezkaƋa gi haha a nangwa? Man ka ngatsa maslaka ngolala ɓai. A nenga'a a n'nza tètè.

¹³ A bai a ngaƋa ta ndohi mizlinè nenga'a: Vadzawama na ri a sak, a kin kaldaussa a va ruva. Te pa ta kuƋai a ta peƋi zlè'èn.

¹⁴ Aman ndohi kumba man ta baba ta, aman ndohi man ta ngotso, kèshkata genè.

¹⁵ Ndohi pharisie to do a ta tsomma, aman ta gshè'a a géƌ ma na.

¹⁶ A ta zlinde ta golahi tenga'a a nda ndohi Hérode a sam na, a ta gaƋa na: Ndo njèngè ma, nga suna, ka ndo nzura'a, a ka njè civèƋ Zhiklè zura'a. Ka gi zlau ndo azɓai, ka ƌèl ndo te di ka ɓai.

¹⁷ Ka hur kè? Amba aman ta pa na budu a bi ƌè, ƌè ambaɓi dè?

¹⁸ Aman Yèsu a sun maya shèwa tenga'a, a ngaƋa: Kin piyè a wi èhèmè?

¹⁹ Vangray suli budu! A ta va na gurso.

²⁰ A Yèsu a ngaƋa ta:. GèƋ ngè man ta vèhèda pa?

²¹ Ta gaƋa na: A bai. A Yèsu a ngaƋa ta: Ani haha, vava na skwi bai a bai, a skwi Bi Zhiklè a Bi Zhiklè.

²² Aman ta tsena ma haha, ta rzl ta, a ta jèkeda Yèsu a pa, a to do ta.

²³ A pats nasa ndohi sadducée ta shkè a sam na. Tenga'a ta gaƋa, nslambaƋkaƋauda te m'metsai, azɓai. A ta dzhoƋo, a ta gaƋa:

²⁴ Ndo njèngè ma, Moise a ngaƋa: Man ndo ngiƋè a m'mets na, wuda na azɓai, kramam nenga'a da co ngwoz nenga'a, aman a nyia na kra a kramam na.

²⁵ Aman kramamhi tsaraƋ ta zhè a sam nga. Tsuvoma'a a nco ngwoz, a m'mets na, a n'ngatsa kra ɓai, a njèka na ngwoz a kramam na.

²⁶ Lèmèlèmè a ngu a sam mbegéƋèhia'a, ha matsaraƋa'a.

²⁷ Te deɓ tenga'a tèlèba, ngwoz a m'mets na.

²⁸ A pats nslambaƋkaƋauda a nda cè a ngwoz te va ntsaraƋ haha wa? Aman ta geda a va tèlèba.

²⁹ Yèsu a m'mbeƋa taa ma: Kin pèkèt kinè, te man kin sun Ƌèlèwèr Zhiklè ɓai, a kin sun wuƋi Zhikle ɓai.

³⁰ Aman a sam nslambaƋkaƋauda, ta cè ngwoz azɓai, ta dè ngwoz azɓai, aman ta ara golahi Zhiklè te zhiklè te géƋè'a.

³¹ A géƋ nslambaƋkaƋauda te ndev ndohi m'metsa'a, kin jongo ma man Zhiklè a gaƋa kinè ɓi Ƌè?

³² Iyè, i Zhiklè Abraham, Zhiklè Isaac, Zhiklè Jacob? Nenga'a Zhiklè ndohi m'metsa ka ɓai, aman Zhiklè ndohi a nshèffè.

³³ Aman ndohi rèdèdèa ta tsena'a, ta rzl ta a géƋ njè ma nenga'a.

³⁴ Aman ndohi pharisie ta tsena'a, a mpizlèma ta ma a ndohi sadducée, ta ɓica va.

³⁵ Ndo njèngè ma kita staƌ te va tenga'a a nkjudo, a ndzhoƌo:

³⁶ Ndo njèngè ma, ma kita Zhiklè mbia'a nangwa?

³⁷ Yèsu a ngaƌa na: Woy Bi Zhiklè ngaya a ndav ngaya tèlèba, a nshèffè ngaya tèlèba, a nhèr gèƌ ngaya tèlèba.

³⁸ Na haha mbia te va'a, man a fena ngiƌè.

³⁹ Macecèwa'a lèmèlèmè: Woy ndo ara man ka woya nshèffè ngaya!

⁴⁰ Ma kita tèlèba a ma ndohi nhadka ma, nte ma ncèw a haha.

⁴¹ Aman ndohi pharisie ta ɓica va ma, Yèsu a ndzhaƌ ta, a ngaƌa:

⁴² Kin hur kè, a géƌ Kristi? Nenga'a verzi ngè? Ta gaƋa na: Verzi David.

⁴³ A ngaƋa ta: Ehèmè David a ri na a baba na te Mèzhèɓ Zhiklè:

⁴⁴ Bai a ngaƋa na Bi ga, nzahai a civèƌ ri mandi ga, ha i pe ta mayamhi ngaya a hwaƌ sak ngaya.

⁴⁵ Aman David a ri na a baba na Bai, kos verzi na kè?

⁴⁶ Ko staƋ a slaha a m'mbeƋa na a pa ɓai. A pats nasa ndohi ta gu zlau, aman ta jhèƋè ma ngiƋè a va'a.