Matthew 21 - Mofa New Testament

¹ Aman ta ndikè ndul ndul a Jérusalem, te Bethphagé te man a za oliviers, Yèsu a nzlinde ta cèw te va golahi na,

² a ngaƋa ta: Vodo a kokwar a ma kinè, kin da ngècè mam kƋèh langa, m'mana'a a gol kƌèh a tsagia'a.

³ Vaprokoƌai, a kin hulkoyè! Aman ndo ngiƌè a dzhaƌ kinè, vagaƌa na: Bai a woya'a. A da jèka kinè langa.

⁴ Ma haha tèlèba a gu ara man ndo nhadka ma a gaƋa:

⁵ VagaƋa na kokwar Sion: Na haha Bi ngaya a shkè a sam ngaya, a ndav amba, a deɓ kƋèh, man a zhüɓ skwai, gol kƋèh.

⁶ Aman golahi Yèsu to do ma, a ta gu ara man Yèsu a gaƋa ta,

⁷ ta hulkoƋi nda mam kƋèh a gol kƋèh, a ta pa na maslaka a deɓa, a Yèsu a n'nza a pa.

⁸ A ndohi rèdèdè'a a vata ta wuzheda maslaka tenga'a a civèƋ, a tengahi ngiƋè ta berzlko vah te wof, a ta wusheda a civèƋ.

⁹ Ndohi nhaya'a to do a ma, ndohi nhaya'a ta dzodzor te deɓa, a ta boho a wuƋai: Vanzala kra David! Nga slébèrdè nenga'a man a shkè haha, a nzlembaƋ Bi Zhiklè. N'njèlè te zhiklè te géƋè'a!

¹⁰ Aman Yèsu a mdo a kokwar Jérusalem ma, ndohi tèlèba ta slambaƋa, a ta gaƌa: Nenga'a wa?

¹¹ A ndohi rèdèdè'a ta gaƌa: nenga'a Yèsu, ndo nhadka ma, ndo Nazareth te kokwar Galilée.

¹² Yèsu a ndo a gi Zhiklè, a ndzam ta ndohi gani tèlèba auda, tengahi man ta shum skwai, a tengahi man ta prè skwai te gi Zhiklè. A nzukde table ndohi nhumbèƋè sulai, a sam n'nzi ndohi man ta prè nkuƋhom,

¹³ a ngaƋa ta: Ta windo te Ƌèlèwèr Zhiklè: Ta baba na gi ga, gi ntsi rai. Aman kine, kin ndeda a gi ndohi metsar,

¹⁴ A ndohi mandazlai, a ndohi vedal ngiƋètegi Zhiklè tashkè asam na, a nenga'a a m'mbel ta.

¹⁵ Aman ndohi mvi skwi a Zhiklè mbibihia'a, a malamhai, ta rka nrkedi man a gau, a wudahi man ta boho a wuƌai te gi Zhiklè: Vanzala kra David! Ta gu ndav, a ta gaƌa na:

¹⁶ Ka tsena ma man ta gèƌè ƌè? Yèsu a ngaƌa ta: Halau, kin jongo di ɓi ƌè? Ka gu, a wudahi man ta gra di ɓai, a wudahi man a wa, ta slèbèrdè ka.

¹⁷ A Yèsu a njèke ta, a njèkede kokwar a ndo Béthanie, a m'mana a pa.

¹⁸ A prèk a m'men na a deɓa a kokwar, a mi a nkeƋa'a.

¹⁹ A nrka wof kslor a civèƌ, a ndo a sama'a, a n'ngatsa vaha genè. A Yèsu a ngaƌa na: anai, ka da yi wuda asaɓai a mèdèp. A nasa nasa wof kslor a ngwor na.

²⁰ Aman golahi Yèsu ta rka'a, ta rzl ta, a ta gaƌa: Wof kslor a gwor na tsam-tsam ar haha èhèmè?

²¹ Yèsu a m'mbeƋa ta a ma: A vava, i gaƋa kinè: Aman kin cè a ndav, a kin pi gèƋ cèw azɓai, kin da gi nrkedi kslor genè ka ɓai; aman kin gaƋa na za haha: Ca na va ngaya auda a ka kal ngaya a iyam mbia'a! A gi arsa.

²² Ko mèmè kin jhèƋè tèlè a ntsi ri kinè, a kin co a ndav, kin da ngècè'a.

²³ Aman Yèsu a ndo a gi Zhiklè, a nsenda ta ndohai, ndohi mvi skwi a Zhiklè mbibihia'a a ndohi nhala'a ta shkè a sam na, a ta gaƌa: Ka gi skwi haha a wuƌibi ngè? Mva ka wuƌibi wa?

²⁴ Yèsu a m'mbeƌa ta a ma: I ba dzhaƌ kinè ma ngiƌè staƌ, vamendayè! Te deɓa'a i da gaƌa kinè, a wuƌibi ngè man i gi skwi haha.

²⁵ Jean a ngu baptême a wuƌibi ngè, a wuƌi Zhiklè ƌè, ƌè a wuƌi ndohi ƌè? A tenga'a ta hur te ndav ta: Aman nga gaƌa na: a Zhiklè — a da gaƌa nga: kin co a ndav ɓi èhèmè?

²⁶ Aman nga gaƌa na: a ndohai, — nga gi zlau ndohi rèdèdè'a, aman tèlèba ta huro, Jean ndo nhadka ma.

²⁷ A ta gaƌa na Yèsu: Nga sun ɓai. A Yèsu a ngaƌa ta: I ba i ngreda kinè azɓai, a wuƌibi ngè man i gi skwi haha.

²⁸ Kin hér mè? Ndo ngiƋè a n'ngots wudahi cèw. A mdo a sam tsuvoma'a, a ngaƋa na: Kra ga, a patsna, do a ka gu mizlinè te gi dau ga!

²⁹ A nenga'a a m'mbeƋa na a ma: Bai, i dè! Aman n'nda ɓai.

³⁰ A ndo matsa a mdo a sam mbegéƌè'a, a ngaƌa na lèmèlèmè: A nenga'a a m'mbeƋa na a ma: I woya ɓai. Aman a hur te deɓa'a, a n'ndo.

³¹ Te va wudahi ncèw a haha, a ngu skwi man bab tenga'a a woya'a, wa? Ta gaƋa na: Macecèwa'a. A Yèsu a ngaƋa ta: A vava i gaƋa kinè: Ndohi ncèkèlè skwai, a ngwozi man ta gi baki a dala, ta dè a kokwar Bi Zhiklè, ta da ngelka kinè a deɓa.

³² Aman Jean a mshkè a sam kinè, a civèƌ ngizura'a, kin ca a ndav ɓai. Ndohi ncèkèlè skwai a ngwozi man ta gi baki a dala, ta co a ndav ta. Aman kinè, ko kin rka ta, kin kuƌa a gèƌ mali kinè ɓai, a kin ca a ndav azɓai.

³³ Vatsena ngèlègèƋ ma ngiƋè! Ndo ngiƋè a zhè, a n'ngu gi wof barassa, a n'ngalda pa a zlazlar, a ntila sam nƋèc barassa, a nrom gi mɓer gi wof barassa, a mva na gi wof a ri a ndohi mizlinè nenga'a, a ndo na nshèwèlè.

³⁴ A pats man skwi n'ndha, a nzlinde ta ɓèlèlihi na a sam ndohi mizlinè te gi wof, da da hulkona nyi wof na.

³⁵ A ndohi mizlinè ta pat ta ɓèlèlihi nenga'a. Ta tsau ngiƋè, ngiƌè ta keƌa'a, ngiƌè ta kola a kwa.

³⁶ Te deɓa'a a nzlinde ta ɓèlèlihi ngiƌè, mba tenga'a a nshèlèkura'a. A ta ga ta arsa genè.

³⁷ Te deɓa'a a nzlündo kra nenga'a a sam ta, a ngaƌa: Ta da gi hori kra ga!

³⁸ Aman ndohi mizlinè ta rka kra, ta goƌ a va ta: nenga'a kra n'ndi gai. Vowashkè, ngakuƌokoya, a nga da ndi di gia'a.

³⁹ A ta gso, a ta kaldaussa a ta keƋa'a a dal gi wofbarassa.

⁴⁰ Aman bab gi wofbarassa a shkè, a da ga ta ndohi mizlinè sa kè?

⁴¹ Ta gaƋa na: A da bazl ta ndohi ambaɓihia'a, a da va ta gi wof nenga'a a ri a ndohi mizlinè ngiƋè, man ta woy a ta va na skwi na, a pats man skwi n'nga'a.

⁴² Yèsu a ngaƋa ta: Kin jongo te Ƌèlèwèr Zhiklè ɓi Ƌè? Kwa man ndohi nƋizlè gai ta kwola'a, a nge na a kwa nte verzia'a. Bi-Zhiklè a ngu arsa, a nga rzl nga a pa.

⁴³ Gar haha i gaƋa kinè: Ta da cè kokwar-Bi-Zhiklè te ri kinè, a ta da va ta ndohi verzi ngiƋè, aman ta va na skwi na.

⁴⁴ Ndo man a kèlèhai a géƋ kwa haha, a pèsl na. A ndo man kwa a nkala na a gèƋ, a hasleda pa.

⁴⁵ Aman ndohi mvi skwi a Zhiklè mbibihia'a a ndohi pharisie ta tsena ngèlègèƌ ma haha, ta suna, a goƌ a gèƌ tenga'a;

⁴⁶ a ta woya a ta gshè'a. Aman ta gu zlau ndohi rèdèdèa. Tenga'a ta rka'a, ara ndo nhadka ma.