Matthew 20 - Mofa New Testament

¹ Kokwar-Bi-Zhiklè lèmèlèmè ara ndo ngiƋè, man a wurkaƋauda te gi a prèk, a woy ndohi mizlinè a gi dau na.

² Aman ta lèmdè ma ta a pa, nvèk staƌ a gi gurso l, a nzlinde ta a gi dau na.

³ A pats wushèr a ndo auda, a nrka ta ndohi ngiƋè, ta nza a gi luma ambalai.

⁴ A ngaƋa ta: Kinè ba, vodo a gi dau ga, a i da pela kinè zura'a.

⁵ A tenga`a to do. Te deɓa'a a ndo auda za'a a géƋ pats,

⁶ a ndo auda za'a a pats nlaɓasla, a ndo auda za'a a pats tsafkata, a n'ngots ndohi ngiƋè, a ngaƋa ta: Kin vak a pa ambali èhèmè?

⁷ Ta gaƋa na: Ndo a mva nga mizlinè ɓai. A nenga'a a ngaƋa ta: Kinè ba, vodo a gi dau ga!

⁸ A dakwaƋ man pats nkala ma, bab gi dau a ngaƋa na bigol nenga'a: Baha ta ndohi mizlinè, va ta skwi ntul tenga'a, a hinè a sam ndohi man ta shkè a deɓa, a ndè a sam ndohi nshèlèkurhia'a.

⁹ Aman tenga'a man a baba ta a mizlinè a dakwaƋ, ta shkè, ta ngots gurso staƋ staƋ tèlèba.

¹⁰ Aman ndohi nshèlèkurhia'a ta shkè, ta huro, ta ngècè skwi a va'a. Aman tenga'a ba ta ngots gurso staƋ staƋ tèlèba.

¹¹ Aman ta ngotso, ta gu ma numnuma'a a sam bab gi dau.

¹² Ta gaƋa: Ndohi haha man ta shkè a deɓa, ta gu mizlinè kèshkata genè, a ka va ta lèmèlèmè ara nga, man nga vak a mizlinè, a vazaza a va.

¹³ Nenga'a a m`mbeƋa na a ma a ndo staƋ te va ten­ga'a: Masli ga, i ga ri a sam ngay ɓai! Nga lèmdè ma nga a géƋ gurso 1 ka ɓi Ƌè?

¹⁴ Co suli ngaya, a ko do ngaya! Aman i woy a i va na ndo man a shkè a deɓa haha lèmèlèmè ara man i va ka, ambaɓi Ƌè? Skwi ga, a i gi a vna ara man i woya ka ɓi Ƌè?

¹⁵ Aman i gu skwi man amba, ka gi srak a vna Ƌè?

¹⁶ Gar haha ndikèma ndohai ta da ndi a ndohi nshèlèkurhia'a. A ndohi nshèlèkurhia'a ta da gi a ndikèma ndohai.

¹⁷ Aman Yèsu a ndo a kokwar Jérusalem, a mbezl tagolahi na 12 azlawa kètè, a ngaƋa ta:

¹⁸ Anai nga dè a kokwar Jérusalem, a ta da vi Kra-ndo a ri a ndohi mvi skwi a Zhiklè mbibihia'a, a malamhai, a ta da ngela na kita m'metsai a gèƌ,

¹⁹ a ta da va na a ri a ndohi herkeda, aman ta da ngwossaha kiƋè-kiƋè'a; ta da ndèhè'a a mènèwèƋ, a ta da gezlala'a. Aman a pats mamakara'a a da slambaƋkaƋauda.

²⁰ Te deɓa'a mam wuda Zébédée a mshkè a sam na, a nda wudahi nenga'a, a nkalahi a deɓ sak nenga'a, a ndzhoƋo.

²¹ Yèsu a ngaƋa na: Ka war mè? A nenga'a a ngaƋa na: GoƋo, a woy wudahi ga cèw haha ta nzi te kokwar-Bi ngaya, staƋ te civèƋ ri mandai, staƋ te civèƋ ri gula ngaya.

²² Yèsu a m'mbeƋa na a ma: Kin sun skwi man kin jhèƋè ɓai. Kin slaha kin si a kokwi man i da sia te pa Ƌè? Ta gaƋa na: Nga slaha.

²³ Yèsu a ngaƋa ta: A vava kin da si a kokwi ga. Aman sam n'nzi te civèƋ ri mandi ga, te civèƋ ri gula ga, nasa ma ga ka ɓai. Sam n'nzi sa sèi a tenga'a man Bab ga a tila ta a tenga'a.

²⁴ Aman njèkèƋia kula ta tsena'a, ta gu ndav a géƌ kramamhi tenga'a ncèw.

²⁵ Yèsu a mbaba ta a sam na, a ngaƌa: Kin suna, bihi ndohi herkeda ta kwor ta ndohi herkeda, a ndohi mbibihia'a ta ga ta wuƋai.

²⁶ Te ndev kinè az arsa ɓai. Aman ko wawa man a woya a ngi a mbia'a te ndev kinè, da gu a ndo ntakaha kinè.

²⁷ A nenga'a man a woya a ngi a tusuvoma'a te ndev kinè, da gu a ɓèl kinè.

²⁸ Lèmèlèmè Kra-ndo a mshkè aman ndohi ta takaha ka ɓai; a mshkè, aman a takaha ta ndohai, a vi nshèffè nenga'a a skwi mpil gèƌ a géƌ ndohi kumba.

²⁹ Aman ta jèkeda kokwar Jéricho, ndohi rèdèdè'a ta dzodzora.

³⁰ Na haha mandazlihi cèw, man ta nza a civèƋ, a ta tsena Yèsu a mbeza a tsagi ta, ta boho: Nga da se ka te va, Bai, kra David!

³¹ A ndohi rèdèdè'a ta ga ta ndzoan, aman a ta nzi tètè. Aman ta boho a wuƋi holhola'a: Nga da se ka te va, Bai, kra David!

³² A Yèsu a nzlatsahai, a mbaba ta, a ngaƋa: Kin woy a i ga kinè mè?

³³ Ta gaƋa na: Bai, gu aman a nga rka dai.

³⁴ A ta su Yèsu te va, a nlama ta di ta, a nasa nasa di ta a mwin na. A ta dzodzora.