Matthew 18 - Mofa New Testament

¹ A pats nasa golahi Yèsu ta shkè a sam na, a ta gaƋa: Ndo mbia'a a mfena ngiƋè te kokwar-Bi-Zhiklè, wa?

² A Yèsu a mbaba na kra nkèshèa staƋ a sam na, a nzlatseda a ndev tenga'a,

³ a ngaƋa: A vava i gaƋa kinè, aman kin ngwèdè ndav kinè azɓai, a kin ndi ara wudahi ka ɓai, kin dè a kokwar-Bi-Zhiklè azɓai.

⁴ Gar haha ndo man a manda gèƌ na a ni a ri na, a ndi a nkèshè'a ara kra haha, nenga`a mbia'a te kokwar-Bi-Zhiklè.

⁵ Ko wawa man a cè kra nkèshèa aranta a nzlembaƋ ga, a cyè.

⁶ Aman ko wawa man a slafaƋama na sak a kra nkèshèa haha staƋ, man a cyè a ndav, dara ta mana na vova a da'ai, a ta kalda a drav iyam.

⁷ Woba herkeda a gèƋ skwi man a slafaƋama ta sak a ndohai! Aman skwi man a slafaƋama ta sak a ndohai sèi a shkè ndèzl. Aman woba ndo man a slafaƋama ta sak a ndohai!

⁸ Aman ri ngaya a sak ngaya ta kalde ka a malai, ngeldaussa, a ka wushedaussa! Dara ka dè a sam nshèffè ara ndo vedal, a gèƋ man ta kalde ka a vogwa kita man a mbècè azɓai a mèdèp, a ri cèw a sak cèw.

⁹ Aman di ngaya a kaide ka a malai, vedotkodauda, a ka kaldaussa. Dara ka dè a sam nshèffè a di staƋ, a gèƋ man ta kalde ka a vogwa kita a di cèw.

¹⁰ Vagu maya aman kin da kwol ta wudahi nkèshèa haha ɓai, ko staƋ! Aman i gaƋa kinè, golahi Zhiklè tenga"a ta rka Babga pèc pècèk tezhiklè.

¹¹ (Aman Kra-ndoamshkè, ambel tandohi mantazlak ta).

¹² Kin hèr mè? Ndo man a ngots tambakihi tèmère, staƋ te va tenga"a a nzlak na. A njeke ta njèkèƋia'a 99 a der za ka ɓi Ƌè, aman a dè a woy nenga'a man a zlak na?

¹³ Man a nda ngotso, a vava i gaƋa kinè, a wuffè a géƋè'a holhola'a, a fena a géƌ tengahia 99 man ta zlak ta ɓai.

¹⁴ Gar haha Bab kinè man a zhè te zhiklè a woya aman ko staƋ te va wudahi nkèshèa haha da ze ɓai!

¹⁵ Aman kramam ngaya a ngu malai, do ngra na mali na, kinè a vna cèw genè. Aman nenga'a a ntsun ma ngaya, ka da ngots kramam ngaya ma.

¹⁶ Aman a ntsena ma ngaya ɓai, co ndo ngiƋè staƋ man ɓai cèw, a verzai, a kin gi a ndohi malwuƋihi cèw, man ɓai makar.

¹⁷ Aman a woya a ncinè ma tenga'a ɓai, gaƋa ta ndohi Zhiklè. Aman a woya ncinè ma mpi ndohi Zhiklè ba azɓai, rka ara ndo nte deɓa, ara ndo ncèkèlè skwai.

¹⁸ A vava i gaƋa kinè: Skwi man kin da mènè'a a géƋ herkeda, m'mana te zhiklè. A skwi man kin da prè'a a géƋ herkeda, mpra te zhiklè.

¹⁹ A vava i gaƋa kinè za'a: Aman cèw te ndev kinè ta humda ma ta a géƋ herkeda, skwi ko mèmè man ta tsi rai a géƋè'a, Bab ga te zhiklè a da va ta.

²⁰ Aman a sam man cèw, man makar, ta ɓica va a nzlembaƋ ga, i zhè te ndev tenga'a.

²¹ Pierre a mshkè a sam Yèsu, a ngaƋa na: Bai, i prè mali kramam ga, man a gu mali a sam ga, a gi sak ngama? Sak tsaraƋ Ƌè?

²² Yèsu a ngaƋa na: I gaƋa ka, tsaraƋ ka ɓai, aman tsaraƋ tsaraƋ, a gi 70.

²³ Gar haha kokwar-Bi-Zhiklè lèmèlèmè ara bi ngiƋè, man a baba ta ɓèlèlihi nenga'a, aman ta menda na suli na a deɓa.

²⁴ NgiƋè a zhè, goƋèrè nenga'a million kula te ri na.

²⁵ Aman a n'ngatsa suli a mpil goƋèrè a vna ɓai. A bai a ngaƋa, da preda ma, a ngwoz na ba, a wudahi na ba, a skwi na tèlèba, a mpil goƋèrè a vna.

²⁶ A ɓèl nenga'a a nkalahai a deɓ sak nenga'a, a ngaƋá: Bai, keƋay a va dai, i woya man a i pela ka tèlèba.

²⁷ A nenga'a a nsu bi te va, a bai a njèkeda, a goƋèrè nenga'a ba.

²⁸ A ɓèl matsa a ndo auda, a n'ngots masli ngiƋè. GoƋèrè nenga'a te ri na, gozhém. A ngsama na da'ai, a ngaƋa na: Pelay goƋèrè ga!

²⁹ A ɓèl sa a nkalahai a deɓ sak nenga'a, a ngaƋa na: KeƋay a va dai, i woya man a i pela ka.

³⁰ Aman nenga'a a woya ɓai, a nda'a a gi dangai, ha a mpela goƋèrè nenga'a.

³¹ Aman ɓèlèlihi bi matsa ta rka'a, a ndza ta a ndav, a ta ngreda na skwi man a gau a bai.

³² A bai a mbaba na a sam na, a ngaƋa na: Ka, ka ndo ka ɓai! GoƋèrè ngaya tèlèba i pra ka, aman ka tsu ri a sam ga.

³³ Ɓèl ngiƌè a se ka te va azɓi ƌè, ara man ka syè te va?

³⁴ A bai a ngu ndav a vata, a mva na a ri a ndohi kita, ha a mpela goƋèrè nenga'a tèlèba.

³⁵ Bab ga te zhiklè a da gi lèmèlèmè aman staƋ staƋ tèlèba te ndev kinè kin prè mali kramamhi kinè azɓai.