Matthew 15 - Mofa New Testament

¹ Te deɓa'a malamhai a ndohi pharisie te kokwar Jérusalem ta shkè a sam Yèsu, a ta gaƋa:

² Golahi ngaya ta jèkeda ma bababhi nga èhèmè? Aman ta ndi movar, ta pènè ri azɓai.

³ A Yèsu a m'mbeƋa ta a ma: Kinè, kinjèkeda ma kita Zhiklè, a kinjéjèr ma bababhi kinè èhèmè?

⁴ Aman Zhiklè a gaƋa: Slubordo bab ngaya a mam ngaya. Ndo man a tsi demgasl a bab na, a mam na, a kèlè a kita m'metsai.

⁵ Aman kinè, kin gaƋa: Ndo man a gaƋa na bab na a mam na: Di man i gaƋa i takaha ka a vna, i va na Zhiklè, a takaha bab na a mam na te deɓa'a asaɓai.

⁶ Ar haha kin fu ma Zhiklè a ma ambalai, a géƋ ma bababhi kinè.

⁷ Ndohi n'ngwèdè ndo! Esaie a nhodko ma a géƋ kinè amba, aman a gaƋa:

⁸ Ndohi haha ta slebardyè a ma; aman ndav tenga'a dra a sam ga.

⁹ Ta slebardyè ambalai; aman ta senda ta ma ndo a ndohi ngiƋè.

¹⁰ A nenga'a a mbaba ta ndohi rèdèdèa, a ngaƋa ta: Vatsena'a, a kin suna!

¹¹ Skwi man a beza a hwaƌ a ma, nasa a lizhè ndo azɓai. Sèi skwi man a bezkaƌ auda te ma, nasa a lizhè ndo.

¹² Te deɓa'a golahi nenga'a ta shkè a sam na, a ta gaƋa na: Ka sun Ƌè, aman ndohi pharisie ta tsena ma haha, a Ƌawarama ta ndav.

¹³ A Yèsu a m'mbeƌa ta a ma: Skwi staƋ staƋ tèlèba, man Bab ga te zhiklè a nzleka ɓai, ta da ptsokoƋauda.

¹⁴ Vajèke ta, tenga'a ndohi ncè ta ma mandazlihai, man ta rka di ɓai. Aman mandazlai a fidè ma mandazli ngi∂è, cèw ba ta da wushè a vèvèƌ.

¹⁵ Pierre a m'mbeƋa na a ma: Ngra nga ngèlègèƋma haha!

¹⁶ A Yèsu a ngaƋa na: Ko kinè ba, kin sun ɓi Ƌè?

¹⁷ Kin tsena ɓi Ƌè? Skwi tèlèba man a beza a ma, a deda hwaƋ genè, a dè na auda a zai.

¹⁸ A skwi man a shkè auda te ma, a shkè auda te ndav, nenga'a a lizhè ndo.

¹⁹ Te ndav ndo, skwi ambaɓai man a hérè'a a shkè auda: nkéƋ ndo, mphömè, nda ngwoz a ngura'a ta gi baki a dala, ngi metsar, malwuƌi ncèkèlma, ntsi demgasl.

²⁰ Skwihi haha tèlèba ta lizhè ndo. Aman n'ndi skwai a ri mpanɓia'a, a lizhè ndo azɓai.

²¹ Yèsu a mdo na a kokwar Tyr a Sidon.

²² Na haha, ngwoz Cananite, man a shkè a kuma ngiƋè, a kuƋai, a ngaƋa: I da se ka te va, Bai, kra David! Madzagai a ga na dem ga a vata.

²³ Yèsu a m'mbeƋa na a ma ɓai. A golahi nenga'a ta shkè a sam na, a ta gaƋa na: Jèkeda ngwoz haha, man a dzadzarka nga a mbèhè!

²⁴ A nenga'a a m'mbeƋa ta a ma: Ta zlindekayè a géƋ ndo ngiƋè ɓai, sèi a géƋ tambakihi te Israel, man ta zlak ta.

²⁵ Aman ngwoz a mshkè, a nkalahai a deɓ sak nenga'a, a ngaƋa: Bai, takahayè!

²⁶ A Yèsu a m'mbeƋa na a ma: Ambaɓai aman ndo a cè movar wudahai, a wusheda na kdadihai.

²⁷ Halau, a bai! Ko kdadihai ta ndi boborƋihia'a, man ta wushahai a hwaƋ table bab ta.

²⁸ A Yèsu a m'mbeƋa na a ma: Ngwoz, ncè-a-ndav ngaya a zhè a vata! A gi a sam ngaya, ara man ka woya'a. A nasa nasa dem nenga'a m'mbela.

²⁹ Yèsu a ndo a ma iyam mbia'a te Galilée. Aman a nteva za, a n'nzahai.

³⁰ A ndohi rèdèdè'a ta shkè a sam na, a ta hulkoƋi ndohi man sak ta azɓai, a ndohi mandazlai, a ndohi ndaɓazlam, a ndohi vedal, a ndohi ngiƋè tsaƋ tsaƋ, a ta mande ta a sam sak Yèsu, a nenga'a a m'mbel ta.

³¹ Aman ndohi rèdèdè'a ta rzl ta, aman ta rka'a, ndohi ndaɓazlam ta gèƌè, ndohi vedal ta mbela, a ndohi man sak ta azɓai, ta dè a sak ta, a ndohi mandazli ta rka dai. A ta slubordo Zhiklè Israel.

³² Aman Yèsu a mbaba ta golahi nenga'a a sam na, a ngaƌa ta: Ndohi rèdèdè'a haha ta syè te va, aman m'mèn makar ta zhè a sam ga, skwi n'ndi ta azɓai. I woya man a i va ta skwi n'ndai, ga i jèke ta; ta da tiƋ ta a mai a civèƋ.

³³ Aman golahi nenga'a ta gaƋa na: Nga ngècè movar kumba, aman ndohi rèdèdè'a ta ngézhè te ndev hèshèkèƋ haha, tema?

³⁴ A Yèsu a ngaƋa ta: Movar te ri kinè ngama? A ta gaƋa na: TsaraƋ, a wud klefhi cèwkata.

³⁵ A Yèsu a ngaƌa ta ndohi rèdèdè'a, aman ta nza a herkeda.

³⁶ A nco movar tsarad a klèfihai, a nshüd gèƋ a ntsaka'a, a mva ta golahi nenga'a, a golahi nenga'a ta va ta ndohi rèdèdè'a.

³⁷ Ta ndau tèlèba, a ta ngeza'a, a ta hul njèkèƌi movar, gaƋagar tsarad n'ndha'a.

³⁸ Ndohi man ta ndau, ngurhi 4.000, ngwozi a wudahi ta te va ɓai.

³⁹ Aman a njèke ta ndohi rèdèdè'a ma, a mdo a wurom, a mdo a kokwar Magadan.