Matthew 14 - Mofa New Testament

¹ A pats nasa, Hérode, bi Galilée, a ntsena labar ma Yèsu,

² a ngaƋa ta ndohi nenga'a: Ndo haha Jean Baptiste. Nenga'a a nslambaƌkaƌna auda te va ndohi m'metsa'a. Gar haha a gi skwi mbia'a arsa.

³ Aman te va nasa Hérode a ngso Jean, a ndzawa'a, a mfèda a gi dangai, a géƋ Hérodias, ngwoz Philippe, kramam na,

⁴ aman Jean a ngaƋa na: Ambaɓai aman ko co ngwoz haha!

⁵ A woya a nkeƋa'a, aman a gi zlau ndohi rèdèdè'a. Tenga'a ta rka Jean ara ndo nhadka ma.

⁶ A pats nhér nyi Hérode, a dem Hérodias a ngu wai a sam tenga'a. Ambaba Hérode.

⁷ A Hérode a ngaƋa na, a m'mbaƋa, a da va na skwi ko mèmè man a jhèƋè'a.

⁸ A nenga'a a ndzhoƋo, ara mam nenga'a a ngaƋa na: Vay gèƋ Jean Baptiste a kèlèhèr.

⁹ A ndav bai a m'mbeƋ na. Aman a géƋ m' mbèƋ na, a géƋ ndohi man ta nza a sam na, a ngoƋo, da va na arsa.

¹⁰ A nzlündo ndo, aman a ngulkoƋi gèƋ Jean Baptiste te gi dangai.

¹¹ A ta foko gèƋ nenga'a a kèlèhèr, a ta va na dem matsa, a nenga'a a mva na mam na.

¹² A golahi Jean ta shkè, a ta zuɓ nckondo nenga'a, a ta ra'a. A to do a ta ngreda na ma'a a Yèsu.

¹³ Yèsu a ntsena ma'a, a n'ndo na a wurom, a woy a ndè, aman a nzi a géƋ na. Aman ndohi rèdèdèa ta tsena'a, ta dzodzora a sak, te kokwarhi tsaƋ tsaƋ.

¹⁴ Ndè na auda, a nrka ndohi rèdèdè'a, a ta sia te va, a m'mbèl ta ndohi matakwan.

¹⁵ A dakwaƌ, golahi Yèsu ta shkè a sam na, a ta gaƌa na: Na haha hèshèkèƌ, pats dakwaƌ ma. Gaƌa ta ndohi rèdèdè'a, aman ta dè a kokwar, a ta shum skwi n'ndi ta.

¹⁶ Aman Yèsu a ngaƌa ta: Ko man ta dè ta azɓai: vava ta skwi n'ndi te ri kinè! Aman tenga'a ta gaƌa na:

¹⁷ Nga ngatsa skwa a haha ɓai, sèi movar zlam a klèf cèw.

¹⁸ A Yèsu a ngaƌa: Vahulkoƌa a sam ga!

¹⁹ A ngaƌa ta ndohi rèdèdè'a, aman ta nzahai a kuza. A mco movar zlam a klèf cèw, a mpu di a zhiklè, a mpshè na ma, a ntsaka movar, a mva ta golahi nenga'a, a golahi ta va ta ndohi rèdèdè'a.

²⁰ A ta ndau tèlèba, a ta ngeza'a. A ta hul njèkèƌi movar, gaƋagar 12, n'ndha'a.

²¹ Ndohi man ta ndau, ngurhi 5.000, ngwozi a wudahi ta te va ɓai.

²² Tsam-tsam Yèsu a mvas ta golahi nenga'a a wurom, aman ta dè a ma nenga'a a wud woyam. A njèke ta ndohi rèdèdè'a.

²³ Aman a njèke ta ndohi ma, a ndo na za, a géƌ na, aman a tsi rai. A dakwaƌ man pats nkala ma, nenga'a a zhè a géƌ za.

²⁴ Wurom a zhè te ndev iyam mbia'a, a iyam a ngeda na matakwan a wurom, a kozlar a erƌeka ta a deɓa.

²⁵ Aman a prèk vaƋ, a mdo a sam tenga'a, a mdo a géƋ iyam.

²⁶ Aman golahi nenga'a ta rka'a, a dè a géƋ iyam, ta gu zlau, a ta gaƋa: Mèzhèɓ skwi ngiƋè! A ta tsu lalau.

²⁷ Tsam-tsam Yèsu a ngaƋa ta: Vamana ndav kinè, iyè, kin gu zlau ɓai!

²⁸ A Pierre a m'mbeƋa na a ma: Bai, man ka gokwèn, babayè, a i dè a sam ngaya a géƋ iyam.

²⁹ Yèsu a ngaƋa na: Washkè! A Pierre a njèkeda wurom, a ndo a géƋ iyam, aman a dè a sam Yèsu.

³⁰ Aman a mpu di a kozlar mbia'a, a ngu zlau, a nhüno ndè a va iyam, a ntsu lalau, a ngaƌa: Bai, mbelyè!

³¹ A Yèsu a ntor ri tsam-tsam, a ngso, a ngaƌa na: Ka ndo man ka co a ndav kèshkata genè, ka pu gèƌ cèw èhèmè?

³² Aman to do a wurom ma, kozlar a njèkeda.

³³ A tengahi te wurom ta shkè, a ta kalahi a deɓ sak nenga'a, a ta gaƌa: A vava, ka, kra Zhiklèî

³⁴ A ta ndikè a wud woyam mbia'a te kokwar Génésareth.

³⁵ Aman ndohi te ko­kwar sa ta sun Yèsu, a ta baba ta ndohi kokwar a ndohi a tsagi kokwar tèlèba, a ta hulkoƋi ndohi matakwan tèlèba a sam na.

³⁶ A ta tsu ria'a, ta woy a ta lama na ko ma maslaka genè ba. Ko wawa man a lama na, a m'mbel na dzaf dzafa'a.