Matthew 1 - Mofa New Testament

¹ Ɗèlèwèr nzlembaƋ ndohi te verzi Yèsu Kristi, kra David, kra Abraham.

² Abraham bab Isaac; Isaac bab Jacob; Jacob bab Juda a kramamhi nenga'a.

³ Juda bab Pharès a Zara, man Thamar a ya na Juda. Pharès bab Esrom; Esrom bab Aram.

⁴ Aram bab AminaƋab; AminaƋab bab Naasson; Naasson bab Salmon;

⁵ Salmon bab Boaz, man Rabab a ya na; Boaz bab Obed man Ruth a ya na;

⁶ Obed bab Isai; Isai bab bi David. Bi David, bab Salomon, man ngwoz Urie a ya na.

⁷ Salomon bab Roboam; Roboam bab Abia; Abia bab Asa;

⁸ Asa bab Josaphat; Josaphat bab Joram; Joram bab Ozias;

⁹ Ozias bab Joatham; Joatham bab Achaz; Achaz bab Ezéchias;

¹⁰ Ezéchias bab Manassé; Manassé bab Amon; Amon bab Josias;

¹¹ Josias bab Jéchonias a kramamhi nenga'a, a vi man ta hel ta a kokwar Babylone.

¹² Te deɓa'a aman ta hel ta a kokwar Babylone ma, Jéchonias bab Salathiel; Salathiel bab Zorobabel;

¹³ Zorobabel bab Abiud; Abiud bab Eliakim; Eliakim bab Azor;

¹⁴ Azor bab Sadok; Sadok bab Achim; Achim bab Eliud;

¹⁵ Eliud bab Eléazar; Eléazar bab Matthan; Matthan bab Jacob;

¹⁶ Jacob bab Joseph; nenga'a baki Marie, man a yu Yèsu, man ta baba na Kristi.

¹⁷ Gar haha te Abraham, ha David, verzi ndohi 14. Te David, ha vi man ta hel ta a kokwar Babylone, verzi ndohi 14. Te mvi man ta hel ta a kokwar Babylone ma, ha Kristi, verzi ndohi 14.

¹⁸ Nyi Yèsu Kristi a ngu ar haha: Marie, mam na, medemi Joseph, a n'ngots kra a Mèzhèɓ Zhiklè nkezla'a, baki a m'mana a vna di ɓai.

¹⁹ Joseph, baki na, ndo nzura'a, a woy a mpa na hori a di a Marie ɓai, a nhuro a woy a njèkeda a metsar.

²⁰ Aman a hur skwi haha arsa, gol Bi Zhiklè a ngudoko na va a dai te nshunè, a ngaƋa na: Joseph, kra David, ka gu zlau ɓai! Co Marie, a ngwoz ngaya, aman kra nt'hwaƋ na, Mèzhèɓ Zhiklè nkezla'a a mva na.

²¹ A da yi kra ngura'a, a ka da va na nzlembaƋ nenga'a Yèsu, aman nenga'a a da mbel ta ndohi nenga'a te mali tenga'a.

²² Skwi haha a ngau, ara ma Zhiklè, man a goƋ te ma ndo nhadka ma:

²³ Na haha bidali a ngècè kra, a da yi kra ngura'a a ta da va na nzlembaƋ nenga'a Emmanuel, ara ngèƋè: Zhiklè a nda nga.

²⁴ A Joseph a mpiƋèkwe na, a ngu ara man gol Bi Zhiklè a gaƋa na, a mco ngwoz na a gai,

²⁵ aman a m'mana a vna ɓai, ha a nya kra ma, a mva na nzlembaƋ nenga'a Yèsu.