Marc 8 - Mofa New Testament

¹ A pats nasa ndohi rèƋèƋè'a ta ɓica va za'a, a ta ngatsa skwi n'ndi ɓai. A Yèsu a mbaba ta golahi nenga'a, a ngaƋa ta:

² Ndohi rèƋèƋèa haha ta siyè te va. Aman m'mèn makar ta zhè a sam ga, skwi n'ndi ta azɓai.

³ Aman i zlinde ta a ngwai, ta nda skwi ɓai, ta da tiƌ ta a mi a civèƌ, aman matrhia'a ta shkè dra.

⁴ A golahi nenga'a ta gaƌa na: Nga gi mè a nga ngècè movar t'hèshèkèƌ haha, aman ndohi ta ngizhè?

⁵ A Yèsu a ndzhaƋ ta: Movar te ri kinè ngama? TsaraƋ, ta gaƋa na.

⁶ Te deɓa'a a ngaƋa ta ndohi rèƋèƋèa, aman ta nzahai a herkeda. A mhul movar tsaraƋ, a nshüd gèƋ, a ntsaka'a, a mva ta golahi nenga'a, aman ta va ta a ndohai.

⁷ A ta ngots wud klèfi cèwkata a va'a. A Yèsu a mpshè na ma, a ngaƌa ta golahi nenga'a, aman ta kezla ta a ndohai.

⁸ Ta ndau, a ta ngeza'a, a ta hul njèkèƋia'a, gaƋagar tsaraƋ, n'ndha'a.

⁹ Ndohi tèlèba man ta ndau, 4.000. Te deɓa'a Yèsu a njèke ta.

¹⁰ Tsam tsam Yèsu a to do a wurom a golahi nenga'a, a to do a ma kokwar Dalmanutha.

¹¹ A ndohi pharisie ta shkè, a ta verslè a nda Yèsu; aman ta jkeda'a, a ta dzhoƌo, aman a ngreda ta skwi malwuƋi te zhiklè te géƌè'a.

¹² Yèsu a nsakat na te ndav, a ngaƋa: Ndohi haha ta jhèƋè skwi malwuƋi èhèmè? I gaƋa kinè a vava, ta ngècè skwi malwuƋi azɓai.

¹³ Te deɓa'a a njèke ta, a ndo a deɓa a wurom, aman a Ƌè a wud woyam.

¹⁴ A mpca ta a gèƋ a golahi nenga'a, aman tacè movar a rai. Njèkèmovartenga'a te wurom staƋgenè.

¹⁵ A Yèsu a mfa ta ma a gèƋ: Vagu maya a sam skwi nshégèrè ndohi pharisie, a Hérode ba.

¹⁶ A golahi ta goƋ a va ta: Nasa a goƋ a géƋ man movar nga azɓai. A Yèsu a suna, a ngaƋa ta:

¹⁷ Kin gèƋè a va kinè a géƋ man kin ngatsa movar ɓi èhèmè? Kin sun di ɓi Ƌè? Ndav kinè ngwora Ƌè?

¹⁸ Di kinè a zhè, kin rka ɓi Ƌè? ZlembaƋ kinè a zhè, kin tsena ɓi Ƌè? Kin hérè azɓi Ƌè?

¹⁹ Aman i tsaka movar zlam a ndohi 5.000, kin hul njèkèƋia'a gaƋagar n'ndha'a, ngama? 12, ta gaƋa na.

²⁰ A movar tsaraƋ a ndohi 4.000, kin hul njèkèƋia'a, gaƋagar n'ndha'a, ngama? 7, ta gaƋa na.

²¹ A nenga'a a ngaƋa ta: Kin tsena di ɓi èhèmè?

²² A to do ta a Bethsaida; te pa ta ckoƋi ndo mandazlai a sam Yèsu, a ta dzhoƋo, aman a lama na.

²³ A Yèsu a ngso ri ndo mandazlai, a nda'a a der kokwar. Te deɓa'a a n'nga na slèslèɓ a dai, a mfa na ri a gèƋ, a ndzhoƋo: Ka rka skwi Ƌè?

²⁴ A ndo mandazlai a mbirzh dai, a ngaƌa: I rka ndo zhèw zhèwa'a, ara wofhi man ta Ƌè.

²⁵ A Yèsu a mfa na ri a di za'a. Aman ndo mandazlai a mpu dai, m'mbela, a nrka skwi tsaraya ma.

²⁶ Te deɓa'a Yèsu a nzlinda a ngwai, a ngaƌa na: Ko do kokwar ɓai!

²⁷ A Yèsu a to do ta a golahi nenga'a a kokwar Césarée a Philippe. A civèƋ a ndzhaƋ ta: Ndohi ta gaƋa, i wa?

²⁸ Ta mbeƋa na a ma: Jean Baptiste; ndohi ngiƋè Elie; ndohi ngiƋè, ndo nhadka ma ngiƋè.

²⁹ A ndzhaƋ ta: Kinè, kin gaƋa, i wa? A Pierre a m'mbeƋa na a ma: Ka, ka Kristi!

³⁰ A Yèsu a mfa ta ma a gèƋ, aman ta gèƋè ma haha a ndo ngiƋè azɓai.

³¹ Te deɓa'a a hüno man a senda ta, ara man Kra-ndo a da si matakwan a vata, ara man ndohi nhala'a a ndohi mvi skwi a Zhiklè mbibihia'a a malamhai ta da kwola'a, a ta da keƌa'a, aman te deɓ m'mèn makar a da slambaƌkaƌauda za'a.

³² A nwuzhko ma haha auda tèlèba. A Pierre a ngskoƌa deɓa, a woya a ngra na maya.

³³ Aman Yèsu a n'ngwoda ta ma a va, a mpa ta di a golahi nenga'a, a n'nga na ndzoan a Pierre, a ngaƌa: Do ngaya a deɓa a sam ga, SaƋan! Ka hera skwi Zhiklè ɓai, ka hér skwi ndohai.

³⁴ Te deɓa'a a mbaba ta ndohi rèƋèƋè'a, a golahi nenga'a, a ngaƌa ta: Aman ndo a woya a ndzadzarkayè, da hur a géƋ nshèffè na ɓai, da zuɓ wof ngézlèl na, da dzadzarkayè!

³⁵ Aman ndo man a woya a mbel nsheffè na a ri na, a da zeda nshèffè na. A ndo man a zeda nshèffè na a géƋ ga, a géƋ ma mbela'a, a da mbela'a.

³⁶ Ndo man a ngots herkeda tèlèba, aman nshèffè nenga'a a zi na, a n'ngots te pa mè?

³⁷ Ndo a vi te di nshèffè nenga'a mè?

³⁸ Aman ko wawa man a gi hori ga, a hori ma ga a sam ndohi mphömè a ndohi malihi haha, Kra-ndo ba a da gi hori nenga'a, a pats man a shkè te n'njèl Bab na, a nda golahi Bi Zhiklè nkezla'a.