Marc 7 - Mofa New Testament

¹ Ndohi pharisie a malamhai ngide ta shkè te Jérusalem, a ta ɓicko va a sam Yèsu.

² A ta rka golahi nenga'a cèwkata, man ta ndau skwi n'ndai a ri nlizhèa (a ri mpanɓia'a).

³ Aman ndohi pharisie a ndohi Juif tèlèba, ta dzodzor babababhi ta: ta da ndi skwi, sèi ta pènè ri ten­ga'a mbelembela di kla.

⁴ Aman ta shkè a luma, ta ndi skwi azɓai, sèi ta pana ri mbèlembèla dai. A ta gi skwi tsaƌ tsaƌ a ndiv ɓai, ara man babababhi ta ta gaƋa: ara man ta pèn kokwai, a shiƋef, a tassa züdo.

⁵ A ndohi pharisie a malamhai ta dzhoƋo: Golahi ngaya ta jèjèr ma bababhi ta azɓi èhèmè? A ta ndi skwi n'ndi a ri mpanɓia'a èhèmè?

⁶ Yèsu a m'mbeƋa ta a ma: Kinè ndohi n'ngwèƋè ndo! Esaie a nhodko ma zura'a a géƌ kinè, ara man a windo te Ƌèlèwèr Zhiklè: Ndohi haha ta slebardyè a ma; aman ndav tenga'a dra a sam ga.

⁷ Ta slebardyè ambalai, aman ta senda ta ma ndo a ndohi ngiƋè.

⁸ Kin jèkeda ma Zhiklè, a kin jèjèr ma babababhi kinè!

⁹ A ngaƋa ta a va'a: Kin kwola ma nkwèr Zhiklè, a kin jèjèr ma bababhi kinè.

¹⁰ Moise a gaƋa: Slubordo bab ngaya a mam ngaya! Ndo man a tsi demgasl a bab na mam na, a kèlè a kita m'metsai.

¹¹ Aman kinè, kin gaƋa: Ndo man a gaƋa na bab na a mam na: Skwi man i gaƋa i takaha ka a vna, i va na Zhiklè,

¹² a takaha bab na a mam na te deɓa'a asaɓai.

¹³ Aranta kin fu ma kita Zhiklè a ma ambalai, a géƋ ma bababhi kinè. A kin gi skwi tsaƋ tsaƋ kumba ar haha.

¹⁴ Te deba'a, aman a mbaba ta ndohi rèƋèƋè'a a sam na za'a, a ngaƌa ta: Vatsena ma ga, kin tèlèba, a kin suna!

¹⁵ Skwi man a dala, man a beza a hwad a ma ndo, a lizhè ndo azbai, ko staƋ ba. Skwi man a shkè auda te ndav ndo, nasa man a lizhè ndo.

¹⁶ (Ndo man zlembaƋ na a zhè, da tsena'a!)

¹⁷ Aman a ndo na gai, a njèkeda ndohi rèƋèƋèa, golahi nenga'a ta dzhoƋo a géƋ ngèlègèƌma sa.

¹⁸ A Yèsu a ngaƌa ta: Ko kinè ba, kin sun ɓi Ƌè? Kin tsena ɓi Ƌè? Skwi man a dala, man a beza a hwaƋ a ma nüo, a slaha man a lizhè'a azɓai.

¹⁹ Aman nenga'a a Ƌè a ndav azɓai, a deda hwaƌ genè, te deɓa'a a Ƌè auda a zai, klèng.

²⁰ A ngaƌa ta a va'a: Skwi man a shkè auda te ma ndo, nasa a lizhè ndo.

²¹ Aman te nenga'a, te ndav ndohai, skwi ambaɓia'a man a hèré'a, a shkè auda: ngwoz a ngura'a ta gi baki a dala, ta gi metsar, ta kéƋ ndo,

²² ta gi mphömè, ta tétékè skwi ndo ngiƋè, ta gi shèwa, ta ngwèƋè ndo, ta bizhè zlawa, ta gi srak, ta tsi demgasl, ta fi va, ta rzla.

²³ Skwihi ambaɓihia'a ar haha tèlèba ta shkè auda te ndav ndo, a ta lizhè ndo.

²⁴ Yèsu a njèkeda saïna'a, a mdo na a kokwar Tyr. A mdo a gi ngiƋè, a woya ndo asun ɓai. Aman a slaha a n'nghede va na ɓai.

²⁵ A nasa nasa ngwoz ngiƋè, man a ntsena labar ma Yèsu, a mshkè, a nkalahi a deɓ sak nenga'a. Mèzhèɓ ambaɓia'a a ga na dem nenga'a.

²⁶ Ngwoza'a grècque na tsaƋ, te kokwar Syrophénicie. A mtsu ria'a, aman a jèr madzagi auda te dem nenga'a.

²⁷ A Yèsu a ngaƋa na: Skwi n'ndi da ngeza ta wudahi nshèlèkura'a dai. Ambaɓai aman ndo a cè movar wudahai, a wusheda na kdadihai.

²⁸ Halau a bai, ngwoz a m'mbèƌa na a ma: Aman kdadihai man t'hwad table ta ndi boborƋia'a man a wudahai.

²⁹ Te deɓa'a Yèsu a ngaƋa na: A géƋ ma haha, do, madzagi kala auda te dem ngaya ma!

³⁰ Aman nenga'a a mshkè a deɓa a ngwai, a n'ngots dema'a, m'mana t'hai a sam m'mènè. Madzagi a ga na asaɓai.

³¹ A Yèsu a njèkeda kokwar Tyr, a mdo a ma woyam mbia'a te Galilée, a mbeza a ndev Sidon, a mdo a kokwar Décapole.

³² A ta cko ndaɓazlam, man a slaha a ngèƋè ɓai, sèi a wuƋi a va, a ta tsu ria'a, aman a nfa na ri a gèƋ.

³³ A Yèsu a nckoƋauda te ndev ndohi rèƋèƋèa, a nda'a daf kata, a mfa na ri a zlembaƋ, a ntor ri a nè'èn, a n'natsa na slèslèɓ na a pa.

³⁴ A mpu di a zhiklè, a nsakat na, a ngaƋa: Ephphatha! Ara ngèƋè: Winè'a!

³⁵ Tsam tsam zlembaƋ nenga'a a mwin na, nè'èn nenga'a a mpre na, a ngoƋ ngèƋè tsaraya'a.

³⁶ A Yèsu a mfa ta ma a gèƋ, aman da ngreda na ndo ɓai. Aman ko a mfa ta ma a gèä, ta nju ma'a tèlèba, holhola'a.

³⁷ A ta rzl ta a vata, a ta gaƋa: Nenga'a a gi skwi tèlè, tèlè amba a vata. A gi aman ndaɓazlam ba a tsena'a, ndo ɓagga ba a gèƋè.