Marc 3 - Mofa New Testament

¹ Yèsu a mdo a deɓa a gi njèngè ma Zhiklè za'a. Ndo staƋ a zhè te pa, ri nenga'a ngwora.

² A ta kotè Yèsu, aman ta rka'a: a da mbela'a a pats nshèk va Ƌè? Ta hèsh maya aman ta slaha a ta pinè'a.

³ A Yèsu a ngaƋa na ndo man ri ngwora: SlambaƋ ngay auda te ndev tenga'a!

⁴ Te deɓa'a a ngaƋa ta: A pats nshèk va a woy ta gi skwi man amba Ƌè, Ƌè skwi man ambaɓi Ƌè? A woy ta mbél ndo Ƌè, Ƌè, ta keƋa'a Ƌè? Aman a ta nza tètè.

⁵ A Yèsu a mpu di a ndohi tèlèba, a ngu ndav, ndav nenga'a a nkuƋau, a géƋ man ndav tenga'a nsassaya, a ngaƋa na ndo matsa: Pelaha ri ngaya! A mpelaha rai, a ri nenga'a ntila ma.

⁶ Aman ndohi to do ta auda ma, tsam tsam ndohi pharisie a ndohi Hérode ta vhè ma a géƋè'a, a ta woya aman a ta keƋa'a.

⁷ A Yèsu a mdo na a ma iyam mbia'a a nda golahi nenga'a. Ndohi rèƋèƋè'a ta dzodzora te Galilée, te Judée,

⁸ te Jérusalem, te Idumée, t'wud woyam Jourdain, t'hwaƌ Tyr a Sidon. Ndohi rèƋèƋè'a, aman ta tsena skwi man a gau, ta shkè a sam na.

⁹ A Yèsu a fa ta ma a gèƋ a golahi nenga'a, a woy wurom nkèshèa a zhè a sam na, aman ndohi rèƋèƋèa ta nƋèƋècè'a azɓai.

¹⁰ A géƌ man a m'mbel ta ndohi kumba te matakwan, ndohi matakwan tèlèba ta gu gazawa, aman ta lama na.

¹¹ Mèzhèɓhi ambaɓihia'a, aman ta rka'a, ta gurɓahai a sam na, a ta tsu lalau, a ta gaƋa: Ka kra Zhiklè!

¹² A Yèsu a mfa ta ma a gèƌ zura'a, aman ta ngreƋè'a a sam ndohi ngiƌè azɓai.

¹³ Te deɓa'a a nteva za, a mbaba ta tengahi man a par ta, a ta shkè a tsagi na.

¹⁴ A mpar ta 12, aman ta nzi a sam na, a woy ta a ndohi sak na, a ta da njè ma mbela'a.

¹⁵ A mva ta wuƋai, aman ta jèr madzagihai.

¹⁶ Tenga'a nkula a géƋè'a cèw ta a haha: Simon, man a baba na Pierre;

¹⁷ Jacques, kra Zébédée, a Jean, kramam Jacques, tenga'a a mbaba ta Boanergès, ara ntsi iyam;

¹⁸ André; Philippe; Barthélemy; Matthieu; Thomas; Jacques, kra Alphée; Thaddée; Simon ndo Cana;

¹⁹ a Judas Iscariot, nenga'a man a nga na ri a gèƋ Yèsu.

²⁰ A ta shkè a deɓa a gai, a ndohi rèƋèƋèa ta ɓica va za'a, a Yèsu a golahi nenga'a ta ngatsa ri a ndi skwi n'ndi ɓai.

²¹ A ndohi gi Yèsu, aman ta tsena skwi man a gau, ta shkè aman ta gshè'a, aman ta gaƋa: GèƋ na za.

²² Malamhai, man ta shkèhi te Jérusalem, ta goƋ za'a: Madzagi a ga na. A jèr madzagihai auda a bi madzagihai.

²³ A Yèsu a mbaba ta, a ngaƋa ta a ngèlègèƋ ma: SaƋan a slaha man a jèr va na Ƌè?

²⁴ Kokwar-Bi nkezla te va, kokwar-Bi matsa a slaha man a nzi azɓai.

²⁵ Aman te gi staƋ, gèƋ ndohi nkezla, gi matsa a slaha man a nzi azɓai.

²⁶ Aman kokwar-Bi SaƋan a ngi gèƋ a va na, nenga'a nkezla te va, a slaha man a nzi azɓai, a di a ndiv na.

²⁷ Ndo a slaha a nƋè a gi ndo wuƋai, a ngi metsar te gi nenga'a, azɓai, sèi a dzawa ndo wuƌi dai. Te deɓa'a a nda gi metsar te gi nenga'a.

²⁸ A vava i gaƋa kinè: mali tèlèba, a ma ndérƋè ndo tèlèba, Zhiklè a pra ta ndohai.

²⁹ Aman ndo man a derƋe Mèzhèɓ Zhiklè nkezla'a, mali nenga'a a prè azɓai a mèƋèp. Nenga'a a ngu mali man a nzi a mèƋèp.

³⁰ Yèsu a ngoƋ ar haha, a géƋ man ta gaƋa, mèzhèɓ ambaɓi a ga na.

³¹ Mam nenga'a, a kramamhi nenga'a ta shkè, a ta zlatsa t'uda, a ta zlündo ndo a nda baba na.

³² Ndohi rèƋèƋè'a ta nza, a ta tèuda a pa, a ta gaƋa na: Na haha, nda mam ngaya a kramamhi ngaya t'uda. Ta dzhaƋ ka.

³³ A Yèsu a m'mbeƋa ta a ma: Mam ga a wa? Kramamhi ga a wa?

³⁴ Te deɓa'a a pi di a tenga'a man ta nza, a ta tèuda a pa, a ngaƋa ta: Na haha, mam ga, a kramamhi ga.

³⁵ Aman ko wawa man a gi skwi man Zhiklè a woya'a, nenga'a kramam ga, demam ga, mam ga.