Marc 2 - Mofa New Testament

¹ Te deɓ m'mèn kètè, Yèsu a mdo a deɓa a kokwar Capemaum, a ta tsena man nenga'a te ngwai.

² Ta kumba ta ɓica va, dala a slra ɓai, ko a ntamagai. A nenga'a a njè ta ma Zhiklè.

³ Tengahi ngiƋè ta shkè a sam na, a ta zuɓkoƋi ndo vedal a sam na. Ndohi faƋ a nzuɓkoƋai.

⁴ Aman ta slaha ta ndikè a sam nenga'a ɓai, ndo kumba. A ta pelassa gèƌ gai, man Yèsu te pa. A ta co sam m'mènè, man ndo vedal a pa, a ta bezda a pa a géƋ gai.

⁵ Yèsu, man a rka, ta co a ndav ta, a ngaƋa na ndo vedal: Kra ga, malihi ngaya ta pra ma!

⁶ Malamhai matskata ta nza a pa, a ta huro.

⁷ Ndo haha a goƌ ar haha èhèmè? A derƌe Zhiklè. Nslaha a mprè mali ndohi wa, sei Zhiklè staƌgenè kla.

⁸ A nasa nasa Yèsu a sun te Mèzhèɓ na, skwi man ta hur te ndav ta, a ngaƌa ta:

⁹ Kin hur skwi kata èhèmè? Mwuƌi a te pa ɓi nangwa: Ngèƌè a ndo vedal: Mali ngaya mpra ma ƌè, ƌè slambaƌa, co sam m'mènè ngaya, a ko do, ƌè?

¹⁰ A géƌ man a kin shinèa, wuƌi Kra-ndo a zhè, aman a prè malai a géƌ herkeda, a ngaƌa na ndo vedal:

¹¹ I gaƌa ka: slambaƌa, co sam m'mènè ngaya, a ko do ngwai!

¹² A nasa nasa a nslambaƌa, a nco sam m'mènè na, a ndo auda a sam di ndo tèlèba. Gar haha ta tèlèba ta rzl ta, a ta slubordo Zhiklè, a ta gaƌa: Nga rka skwi ar haha di ɓai.

¹³ Yèsu a mdo a ma, a ma iyam mbia'a. Ndohi rèƋèƋè'a tèlèba ta shkè a sam na, a nenga'a a nsenda ta.

¹⁴ Aman a Ƌè, a nrka Lévi, kra Alphée, n'nza a ma gi duak, a ngaƋa na: Dzadzarkayè! A Lévi a nslambaƋa, a ndzodzora.

¹⁵ A Yèsu a n'nza a gi Lévi, aman a ndi skwi n'ndai. Ndohi ncèkèlè skwai, a ndohi malihai a vata ta nza a nda Yèsu a golahi nenga'a, te man ndohi kumba ta dzodzora.

¹⁶ Malamhai a ndohi pharisie, man ta rka, a ndi skwi n'ndai a nda ndohi malihai a ndohi ncèkèlè skwai, ta gaƌa ta golahi Yèsu: Nenga'a a ndi skwi n'ndai a nda ndohi duakhai a ndohi malihai èhèmè?

¹⁷ Aman Yèsu a ntsena'a, a ngaƌa ta: Ndohi man skwa a dza ta azɓai, ta Ƌè a sam ndo madzaf azɓai, aman ndohi matakwan a nƋè. I shkè aman i bèhè ndohi nzura'a ka ɓai; i shkè, a i bèhè ndohi malihai.

¹⁸ A pats ngiƋè, golahi Jean a golahi malamhai ta jèkeda skwi n'ndai. A ta shkè, a ta gaƋa na Yèsu: Golahi Jean a golahi malamhai ta jèkeda skwi n'ndai; aman golahi ngaya te jèkeda skwi n'ndi azɓi èhèmè?

¹⁹ Yèsu a ngaƋa ta: Mandalahi ntsima ta slaha ta jèkè skwi n'ndi Ƌè, man ta a nda ntsim ta dai? A pats man ta a nda ntsim ta dai, ta slaha ta jèkeda skwi n'ndi ɓai.

²⁰ Aman pats a di a shkè, a ta da ceda ntsim tenga'a a ma, a mandalahi nenga'a ta da jèkeda skwi n'ndai a pats sa.

²¹ Ndo a tsi maslaka mɓua'a a maslaka m'mova'a azɓai. Man ɓai maslaka m'mova'a a zlaraha ma na, a kurècè holhola'a.

²² Ndo a ɓejè zom ɓeslɓia'a a duzlakhi man hwaƌa'a n'nda'a, azɓai. Man ɓai zom ɓeslɓia'a a tuw ta duzlakhai, a zom ɓeslɓia'a a duzlakhi ta gedas ta. Aman sèi ta béjè zom ɓeslɓia'a a duzlakhi man hwaƌa'a n'nde ɓai.

²³ N'nga ar haha: a pats nshèk va, Yèsu a mbeza a ndev gi dau. A golahi nenga'a ta hüno a ta pèsl dau.

²⁴ A ndohi pharisie ta gaƋa na Yèsu: Ehèmè ta gi skwi ambaɓia'a a pats nshèk va?

²⁵ A Yèsu a ngaƋa ta: Kin jènga ɓi Ƌè, skwi man David a gau, aman a woy skwi n'ndai, mi a nkeƋa'a, a tengahi man ta zhè a sam na.

²⁶ A mdo a gi Zhiklè, te va man Abiathar bindohi mvi skwi a Zhiklè. A n'ndau movar nkezla'a te gi Zhiklè, movar man sèi ndohi mvi skwi a Zhiklè ta ndia'a genè. A mva ta tenga'a ba, man ta zhè a sam na.

²⁷ Te deɓa'a a ngaƌa ta: Ta gu pats nshèk va a géƋ ndohai, ndo a géƋ pats nshèk va ka ɓai.

²⁸ Gar haha, Kra-ndo, bai a géƋ pats nshèk va ba.