Marc 16 - Mofa New Testament

¹ Te deɓ pats nshèk va, Marie Magdala, Marie mam Jacques, a Salomé ta sum mbar burdi, aman ta Ƌè a ta fèƋè a va Yèsu.

² Pats nshèlèkura'a te luma, to do a ma gi dzavai, a prèk vaƌ, mshkè pats auda lèshè'a.

³ A ta goƋ a va ta: Nda gudumbala nga ngezlanibar kwa auda a ma gi dzavi wa?

⁴ A ta pi di a ma, a ta rka, ngezlambar kwa ngudumbala ma. Ngezlambar kwa mbia'a.

⁵ To do a gi dzavai, a ta rka gola, n'nza te civèƋ ri mandai, maslaka nslekaƋa'a a va, a ta gu zlau.

⁶ A nenga'a a ngaƋa ta: Kin gu zlau ɓai! Kin woya Yèsu te Nazareth, man ta gezlala'a. Nenga'a a nslamaƌkaƌauda ma, na az a haha ɓai. Na haha sam man ta feda a pa.

⁷ Aman vodo, vagaƋa ta golahi nenga'a, a Pierre ba, a Ƌè a ma kinè a Galilée. Te pa kin da rka'a, ara man a gaƋa kinè.

⁸ A ta shkè auda te gi dzavai, a ta hu ta. Ta gudzai, zlau a ndzakaɓama ta gèƌ, a ta ngreda na a ndo ngiƌè azɓai, te ri zlau.

⁹ A Yèsu man a slambaƌkaƌauda, a prèk a pats nshèlèkura'a te luma, a ngudoko na va a dai a Marie Magdala nshèlèkura'a, te va nenga'a man a ndzor madzagihi auda tsarad.

¹⁰ Nenga'a a mdo a n'ngreda ta ma'a a ndohi man ta nza a Yèsu pèc pècèk.

¹¹ A ndav tenga'a a mbeƌè, a ta kuƌai. Ko man ta tsena, Yèsu a zhè a nshèffè, Marie a nrka'a, ta ca a ndav ɓai.

¹² Te deɓa'a a ngudoko ta va a dai, a va nenga'a n'ngwoda, a ndohi cèw te ndev tenga'a, a civèƋ man a Ƌè a kokwar ngiƋè.

¹³ A to do a ta ngreda ta ndohi ngiƋè. Aman ta ca ma tenga'a a ndav ɓi genè.

¹⁴ Te deɓa tèlè a ngudoko ta va a dai a tengahia 11, aman ta ndi skwai. A n'nga ta ndzoan, a géƋ man ta ca a ndav ɓai, a ndav tenga'a ngwora, a ta ca ma ndohi man ta rka'a, a nslambaƋkaƋauda ma, a ndav ɓai.

¹⁵ Te deɓa'a a ngaƌa ta: Vodo a gèƌ herkeda tèlèba, vanjè ta ma mbela'a a ndohi herkeda tèlèba!

¹⁶ Ko wawa man a cè a ndav, a gi baptême, a mbel na. Aman ko wawa man a cè a ndav azɓai, a da ngècè kita a gèƌ.

¹⁷ Na haha nrkedi man a gi a sam tenga'a, man ta co a ndav ta: Ta da jèr madzagihi a nzlembaƌ ga, ta da gèƌè ma a nè'èn mɓua'a, ta da pèr zhüzhokihai, ta da si Ƌèrè, a da ga ta skwa azɓai.

¹⁸ Ta da fa ta ri a gèƌ a ndohi matakwan, a ndohi matakwan ta mbel ta.

¹⁹ Bai Yèsu, man a njè ta ma haha ma, a mdo a zhiklè, a n'nzahai te ri mandi Zhiklè.

²⁰ A to do ta, a ta nju ma Zhiklè a sam tèlèba. Bi Zhiklè a ngu mizlinè a nda tenga'a, a n'nzala ma nenga'a a nrkedihai.