Marc 12 - Mofa New Testament

¹ Te deɓa'aYèsu a hüno man a senda ta a ngèlègèƋma: Ndo ngiƋè a ngu gi wof barassa, a n'ngalda a pa a zlazlar, a ntila sam nƋèc barassa. A nramda gi ngurèa a pa, a mva na gi wof barassa a ri a ndohi mizlinè nenga'a, a ndo na nshèwèlè.

² A pats man skwi n'ndha, a nzlündo ɓèl nenga'a staƋ a sam ndohi mizlinè, aman a da hulkona nyi wof.

³ A ta gso, a ta tsau, a ta zlündeda deɓa, ta va na skwa a ri ɓai.

⁴ A nzlündo ɓèl nenga'a ngiƋè za'a a sam ta, a ta tsau a gèƋ, a ta durƌo.

⁵ A nzlündo ngiƋè, a ta keƋa'a. Te deɓa'a a nzlinde ta tengahia'a ngiƋè, matrhia'a ta tsah ta, matrhia'a ta bazl ta.

⁶ Njèkè kra nenga'a staƋ, man a woya a ndav na. Te deɓa'a a nzlündo nenga'a a sam ta, a huro, a ngaƋa: Ta gi hori kra ga.

⁷ Aman ndohi mizlinè ta goƌ a va ta: Na haha, kra n ndi gai. Vowashkè, ngokuƋokoya, a nga ndi gia'a!

⁸ A ta gso, a ta keƌa'a, a ta kalda a dal gi wof barassa.

⁹ Anai, bab gi wof barassa a gi mè? Nenga'a a shkè, a bazl ta ndohi mizlinè, a va ta gi wofbarassa a ndohi ngiƋè.

¹⁰ Kin jongo te Ƌèlèwèr Zhiklè ɓi Ƌè? Kwa man ndohi ndizlè gai ta kaldaussa, n'nga'a a kwa nte verzia'a.

¹¹ Bi Zhiklè a ngau arsa, a nga rzl nga a pa.

¹² A ta woya a ta gshè'a, aman ta gu zlau ndohi rèƋèƋè'a. Ta suna, Yèsu a ngoƋ ngèlègèƋma a géƋ tenga'a. A ta jèkeda, a to do ta.

¹³ A ta zlínde ta ndohi pharisie a golahi Hérode a sam na. Ta woy a ta gshè'a, a géƋ ma nem, a'a.

¹⁴ A ta shkè, a ta gaƋa na: Ndo njèngè ma, nga suna, ka ndo nzura'a, ka gi zlau ndo azɓai, ka Ƌèl ndo te di ka ɓai, ka njè civèƋ Zhiklè zura'a. Amba aman ta pa na budu a bi Ƌè? Séi nga pa na nƋèzl Ƌè, Ƌè nga pa na ɓi Ƌè?

¹⁵ Yèsu a suna, ta ndohi n'ngwèƋè ndo, a ngaƌa ta: Kin jkedyè èhèmè? Vacko suli budu, a i rka'a.

¹⁶ A ta cko staƋ, a Yèsu a ndzhaƋ ta: GéƋ ngè man ta vèhèda pa? A bai, ta gaƋa na.

¹⁷ Àni haha, vava na skwi bai a bai, a skwi Bi Zhiklè a Bi Zhiklè. A ta rzl ta a géƋ ma nenga'a.

¹⁸ Ndohi sadducée ta gaƋa, nslambaƋkaƋauda te m'metsi azɓai. A ta shkè a sam Yèsu, a ta dzhoƋo:

¹⁹ Ndo njèngè ma, Moise a winda nga: Aman kramam ndo ngiƋè a m'mets na, a njèkeda ngwoz na, wuda na azɓai, kramam nenga'a da co a ngwoz nenga'a, aman a ya na kra a kramam na.

²⁰ Kramamhi tsaraƋ ta zhè. Tsuvoma'a a nco ngwoz, a m'mets na, a n'ngatsa kra ɓai.

²¹ MbegéƋè'a a nco a ngwoz mazai, a m'mets na, a n'ngatsa kra ɓai.

²² Narsa genè a sam mamakara'a. Ko staƋ te va tsaraƋ, kra ta azɓai. Te deɓ tenga'a tèlèba, ngwoz ba a m'mets na.

²³ A pats nslambaƋkaƋauda te ndev ndohi m'metsa'a, nda gi a ngwoz te va ntsaraƌ haha wa? Aman ta tsaraƌ tèlèba ta geda a va a ngwoz.

²⁴ Yèsu a ngaƋa ta: Kin pèkèt kinè ka ɓi Ƌè, te man kin sun ma Zhiklè ɓai, a kin sun wuƋi Zhiklè ɓai.

²⁵ A pats nslambaƋkaƋauda te ndev ndohi m'metsa'a, ta cè ngwoz azɓai, ta Ƌè ngwoz azɓai, aman ta ara golahi Zhiklè te zhiklè te gèƋè'a.

²⁶ A géƋ nslambaƋkaƋauda te ndev ndohi m'metsa'a kin jongo ɓi Ƌè, te Ƌèlèwèr Moise, ara man Zhiklè a gaƋa na ma te wof ntustusa'a: Iyè i Zhiklè Abraham, Zhiklè Isaac, Zhiklè Jacob.

²⁷ Nenga'a Zhiklè ndohi m'metsa'a ka ɓai, aman Zhiklè ndohi a nshèffè. Kin pèkèt kinè a vata.

²⁸ Ndo malam ngiƋè a ntsena ngèƋè ten­ga'a, a suna, Yèsu a m'menda ta ma man amba a ndohi sadducée, a nherda na va, a ndzhoƋo: Te va ma Zhiklè man a kwor ta ndohi a vna, mbia nangwa?

²⁹ A Yèsu a ngaƋa na: Na haha ma man a fena ngiƋè: Vatsena'a, ndohi Israel! Bi Zhiklè, Zhiklè nga, Bi staƋgenè.

³⁰ Woy Bi Zhiklè ngaya a ndav ngaya tèlèba, a nshèffè ngaya tèlèba, a nhér gèƋ ngaya tèlèba, a wuƋi ngaya tèlèba. Na haha ma man a fena ngiƋè.

³¹ Na haha, macecèwa'a: Woy ndo, ara man ka woy nshèffè ngaya. Ma ngiƌè, man Zhiklè a kwèr ndo a vna, a nfena nta asaɓai.

³² Ndo malam a ngaƋa na: Ndo njèngè ma, amba! Ka goƋ zura'a, Zhiklè staƋgenè, ngiƋè azɓai, sèi nenga'a. Aman nga woya'a a ndav nga tèlèba,

³³ a nhér gèƋ nga tèlèba, a nshèffè nga tèlèba, a wuƌi nga tèlèba, a nga, woy ndo, ara man nga woy nshèffè nga, a fena skwi tèlèba man nga ndara na Zhiklè, a nga zla na Zhiklè.

³⁴ A Yèsu, aman a rka'a, nenga'a a m'menda na ma a maya, a ngaƋa na: Ka dra ka ɓai a kokwar Bi Zhiklè. A ta gu zlau, aman ta jhèƋè ma ngiƋè a va'a.

³⁵ Yèsu a nsenda ta te gi Zhiklè a ma ma, a ngaƋa: Naha mè, aman malamhai ta gaƌa, Kristi kra David?

³⁶ David a ri na a ngoƋo te Mèzhèɓ Zhiklè nkezla'a: Bai a ngaƋa na Bi ga, nzahai a civèƋ ri mandi ga, ha i pe ta ndohi mayamhi ngaya a hwaƋ sak ngaya.

³⁷ Aman David a ri na a baba na Bai, kos verzi na èhèmè? A ndohi rèƋèƋèa ta tsena ma nenga'a a mwuffè.

³⁸ A ngaƋa ta, aman a senda ta: Vagu maya a sam malamhai, aman ta woy a ta Ƌè nshèwèlè a dawar, a ta woy a ndohi ta ga ta mbalai a luma.

³⁹ Ta woy a ta nzi a ma te gi njèngè ma Zhiklè, a ta woy sam n'nzi mbela'a a sam ngolala,

⁴⁰ a ta ndi gi ngwozi mazihai, a ta gi ara man ta tsi ri kumba. Kita tenga'a a gi mwuƋitpa holhola'a.

⁴¹ A Yèsu a n'nza a ma koti sulai, man ta va na skwi a Zhiklè a pa. A nrka ara ndohi rèƋèƋèa ta fèda suli a pa. Ndohi mèshèlè tsaƋ tsaƋ ta feda a pa kumba.

⁴² Ngwoz mazi ngiƋè ntawassa'a a mshkè, a mpeda skwi cèw a pa, te di toro staƋ.

⁴³ Te deɓa'a Yèsu a mbaba ta golahi nenga'a, a ngaƋa ta: A vava, i gaƋa kinè, ngwoz mazi ntawassa'a haha a mpau, a fena skwi man ndohi ngiƋè ta peda a koti sulai tèlè.

⁴⁴ Aman tèlèba ta pe njèkèƌia'a te skwi man a ngeza ta ma. Aman nenga'a a mpau skwi tèlè man a ngotso, a gèƌ skwi n'ndai.