Marc 10 - Mofa New Testament

¹ A Yèsu a nslambaƋa, a mdo a kokwar Judée, a wud woyam Jourdain. Ndohi rèƋèƋèa ta nzahi za'a a sam nenga'a. Ara man a gia pèc pècèk, a hüno man a senda ta.

² Ndohi pharisie ta shkè a sam na, ta dzhoƌo, a ta jkeda'a: Ndo a slaha a nkwola ngwoz na Ƌè?

³ A Yèsu a m'mbeƋa ta a ma: Moise a gaƋa kinè kè?

⁴ Ta gaƋa: Moise a mva nga civèƋ, aman nga winƋè Ƌèlèwèr njèkè ngwoz, a nga jekeda.

⁵ Yèsu a m'mbeƋa ta a ma: Moise a mva kinè ma haha, a gèƋ man ndav kinè nsassaya.

⁶ Te nhinkaƋ na, Zhiklè a ngu ngura'a a ngwoz.

⁷ Gar haha ngura'a a di a jèkeda bab na a mam na,

⁸ a ta nzi a ngwoz na, ta cèw ta gi ara ndo staƌ. Tenga'a ta az cèw ɓai, aman ta nstaƌ.

⁹ Gar haha skwi man Zhiklè a humda, ndo da kezla ɓai!

¹⁰ Aman ta te gai, golahi Yèsu ta dzhoƋo za'a a géƋè'a.

¹¹ A Yèsu a ngaƋa ta: Ko wawa man a jèkeda ngwoz na, a cè ngwoz ngiƋè, a gi mphömè a sam ngwoz na nshèlèkura'a.

¹² Aman ngwoz ngiƋè a jèkeda baki na, a Ƌè a gi baki ngiƌè, a gi mphömè.

¹³ A ta hulkoƋi wudahi a sam na, aman a lama ta. Aman golahi Yèsu ta ga ta ndzoan a ndohi nhelka ta wudahai.

¹⁴ Aman a rka'a, a ndza na a ndav a Yèsu, a ngaƋa ta: Vajèk tawudahi aman ta shkè a sam ga! Kin gedassa civèƋ tenga'a ɓai, aman kokwar Bi Zhiklè a ndohi ara tenga'a.

¹⁵ A vava i gaƌa kinè: ko wawa man a cè kokwar Bi Zhiklè ara kra azɓai, a Ƌè a pa azɓi fèt.

¹⁶ Te deɓa'a a nhumbat ta, a mpshè ta ma, a mfa ta ri a gèƌ.

¹⁷ Aman Yèsu a civèƋ ma, ndo ngiƋè a nhakaƋai, a ngurɓahai a sam na, a ndzhoƋo: Ndo njèngè ma man amba: I da gi be kè, aman i ngècè nshèffè mbia'a man a ndev azɓai a mèƋèp?

¹⁸ Yésu a ngaƋa na: Ka babayè man amba èhèmè? Man amba, na staƋgenè, sèi Zhiklè.

¹⁹ Ka sun ma Zhiklè: Ka kuƋ ndo ɓai, ka gu mphömè ɓai, ka gu metsar ɓai, ka gu malwuƋi ncèkèlma ɓai, ka ngwoda ri a ndo ɓai, slubordo bab ngaya a mam ngaya!

²⁰ Nenga'a a ngaƋa na: Ndo njèngè ma, i goko skwia daga man i kra.

²¹ A Yèsu a mpa na dai, a woya'a a ndav na, a ngaƋa na: Njèkè skwi staƋ a sam ngaya: Do, preda skwi ngaya tèlèba a ma, va ta ndohi ntawassa'a, a ka ngècè skwi mèshèlè te zhiklè te géƋè'a. A ka shkè, dzadzarkayè!

²² A ndav ndo matsa a m'mbeƋ na, a géƋ ma haha. A mdo na, a ndav man a kuƋai; aman skwi nenga'a a zhè a vata.

²³ A Yèsu a mpu dai, a ngaƌa ta golahi nenga'a: Wuƌitpa a ndohi man skwi ta a zhè a vata, aman a ta Ƌè a kokwar Bi Zhiklè.

²⁴ Golahi Yèsu ta huro a vata a gèƌ ma nenga'a. A Yèsu a hüno a ngaƌa ta: Wuƌahi ga, wuƌitpa a sam ndohai, aman a ta Ƌè a kokwar Bi Zhiklè.

²⁵ Dara zlugumai man a ɓizhè a vèvèƌ lèpèr, a gèƌ ndo mèshèlè man a Ƌè a kokwar Bi Zhiklè.

²⁶ A golahi Yèsu ta rzl ta kurzla'a, a ta goƌ a va ta: Nslaha a mbel wa?

²⁷ A Yèsu a mpa ta dai, a ngaƌa: Ndo a slaha ɓai, sèi Bi Zhiklè! Bi Zhiklè a slaha skwi tèlèba.

²⁸ A Pierre a hüno a ngaƋa na: Na haha, nga jèkeda skwi tèlèba, a nga dzadzar ka.

²⁹ A Yèsu a ngaƋa na: A vava i gaƋa kinè, ko wawa man a njèkeda gi na, man kramamhi na, man demamhi na, man mam na, man bab na, man wudahi na, man gi dauhi na, a géƋ ga, a géƋ ma mbela'a,

³⁰ aman a ngècè a va'a azɓai a gi 100,100, ko ta paraha, t'herkeda antanta: gihai, kramamhai, demamhai, mamhai, wudahai, gi dauhai; te deɓa'a te zhiklè te géƋè'a nshèffè mbia'a man a ndiv azɓai a mèƋèp.

³¹ A ndohi kumba te va ndohi nshèlèkurhia'a ta da ndi a n'ndikèma ndohai. A n'ndikèma ndohai, ta da ndi a ndohi nshèlèkurhia'a.

³² Ta a civèƋ man ta Ƌè Jérusalem, a Yèsu a mdo a ma tenga'a. A golahi Yèsu ta hur te ndav a vata, a ta dzodzora a zlau.

³³ Yèsu a nhelka ta 12 za'a a sam na, a hüno man a ngreda ta skwi man sèi a di a shkè a géƋ nenga'a: Na haha, nga Ƌè a kokwar Jérusalem; ta da vi Kra-ndo a ri a ndohi mvi skwi a Zhiklè mbibihia'a, a malamhai. Ta da ngela na kita m'metsai, a ta da va na a ri a ndohi herkeda.

³⁴ Ta da ngwossaha kiƌèkiƌè'a, a ta njfa na slèslèɓ a dai, a ta nƋèha'a a mènèwèƌ, a ta da keƌa'a. Te deɓ mèn makar a da slambaƌkaƌauda.

³⁵ Jacques a Jean, wudahi Zébédée cèw, to do a sam Yèsu, a ta gaƋa na: Ndo njèngè ma, nga woy a ka ga nga skwi mèmè man nga jhèƋè a sam ngaya.

³⁶ A Yèsu a ngaƋa ta: Kin woy a i ga kinè mè?

³⁷ Ta gaƋa na: Va nga, aman nga nzi a sam ngaya, staƋ a ri mandi ngaya, staƋ a ri gula ngaya, aman ka zhè a sam n'njèl ngaya.

³⁸ A Yèsu a ngaƋa ta: Kin sun skwi man kin jhèƋè ɓai. Kin slaha kin si a kokwi man i sia te pa Ƌè? A kin slaha kin gi baptême man sèi ta gayè nƋèzl Ƌè?

³⁹ Ta gaƋa na: Nga slaha. A Yèsu a ngaƋa ta: Kin si a kokwi man i sia te pa nƋèzl, a kin gi baptême man sèi ta gayè nƋèzl.

⁴⁰ Aman n'nzi te ri mandai, te ri gula ga, nasa ma ga ka ɓai. Sam n'nzi sa sèi a tenga'a, man Zhiklè a tila ta a tenga'a.

⁴¹ Ta kula, aman ta tsena ma haha, ta hüno ngi ndav a géƋ Jacques a Jean.

⁴² A Yèsu a mbaba ta, a ngaƋa ta: Kin suna, bihi herkeda ta kwor ta ndohi herkeda, a ndohi mbibihia'a ta ga ta wuƋai.

⁴³ Te ndev kinè az arsa ɓai! Aman ko wawa man a woya a ngi a mbia'a te ndev kinè, da gu a ndo ntakaha kinè;

⁴⁴ ko wawa man a woya a ngi a tsuvoma'a te ndev kinè, da gu a ɓèl ndohi tèlèba.

⁴⁵ Aman Kra-ndo ba a shkè aman ndohi ta takaha ka ɓai; aman a shkè, aman a ntakaha ta ndohai, a vi nshèffè nenga'a a skwi mpil gèƌ a gèƌ ndohi kumba.

⁴⁶ A ta shkè a kokwar Jéricho. Mshkè Yèsu auda te kokwar, a nda golahi nenga'a, a nda ndohi kumba, Bartimée, kra Timée, mandazlai man a hèsh skwai, a n'nza a zolom civèƌ.

⁴⁷ Aman a ntsena'a, nasa Yèsu te Nazareth, a nhüno man a bèhè a wuƋai: Kra David, Yèsu, i da se ka te va!

⁴⁸ Tengahi ngiƋè ta ga na ndzoan, aman a nzi tètè. Aman nenga'a a mboho a wuƋi holhola'a: Kra David, i da se ka te va!

⁴⁹ A Yèsu a nzlatsahai, a ngaƋa: Vababa na! A ta baba na mandazlai, a ta gaƋa na: Mana ndav ngaya, ka gu zlau ɓai, slambaƋa, a baba ka!

⁵⁰ Ndo mandazlai a nkalda maslaka nenga'a, a nslambaƋa, a nzevai, a mshkè a sam Yèsu. Yèsu a ngaƌa na:

⁵¹ Ka woya a i ga ka mè? Ndo mandazlai a m'mbeƌa na a ma: Rabbuni, i woya aman i rka dai!

⁵² A Yèsu a ngaƌa na: Do, ncè-a-ndav ngaya a m'mbel ka ma!

⁵³ A nasa nasa a rka dai, a ndzodzor Yèsu.