Luke 9 - Mofa New Testament

¹ Aman Yèsu a ɓic ta tengahi 12 ma, a mva ta wuƋai, a wuƋibai a géƋ madzagihai, a géƋ matakwan, aman ta slaha ta mbel ta.

² A nzlinde ta, aman ta njè ma kokwar Bi Zhiklè, a ta mbel ta ndohi matakwan.

³ A ngaƋa ta: Kin helda skwa a ri a nshèwèlè ɓai: gaƌa ka ɓai, gozhèm ka ɓai, movar ka ɓai, suli ka ɓai, maslaka cèw ka ɓai.

⁴ Te gi man kin Ƌè a pa, vanza a pa, ha pats man kin Ƌè a ma ma za'a.

⁵ A sam man ndohi ta ce kinè azɓai, vajèka ta kokwar ta, vatassa lokotor a sak kinè. A skwi haha a gi a skwi malwuƋai a sam tenga'a.

⁶ A to do, a ta sawala te kokwar tèlèba, a ta njè ta ma mbela'a a sam tèlèba, a ta mbel ta ndohi matakwan.

⁷ A Hérode, bai, a ntsena ma tèlèba man a gau, a nhur a vata. Aman ndohi ngiƌè ta gaƌa: Jean a nslambaƌa te ndev ndohi m'metsa'a.

⁸ Ndohi ngiƌè ta gaƌa: Elie a ngudoko nga va a dai. Ndohi ngiƋè ta gaƋa: StaƋ te va ndohi nhadka ma nhala'a a nslambaƋkaƋa.

⁹ A Hérode a ngaƋa: Iyè, i ngelama na gèƋ a Jean. Aman nenga'a wa, man i tsena ma haha? A woya a nrka Yèsu a di na.

¹⁰ Aman ndohi sak ta shkè a deɓa, ta ngreda na Yèsu skwi tèlèba man ta gau. A nenga'a a nhel ta a nda nenga'a, a m'menda va na a deɓa a kokwar ngiƋè, nzlembaƋ na Béthsaida.

¹¹ Aman ndohi rèƋèdea ta tsena'a, ta dzodzora. A Yèsu a ngaƋa ta: Vowashkè! A njè ta ma kokwar Bi Zhiklè, a m'mbel ta ndohi man skwa a dza ta.

¹² A pats buwè'a, ta 12 to do a sam Yèsu, a ta gaƋa na: Jèke ta ndohi rèƋèƋèa haha, aman ta Ƌè a kokwar, kokwar, aman a ta ngècè gi ndo, a ta ndi skwai. Aman na haha hèshèkèƌ.

¹³ A Yèsu a ngaƌa ta: Vava ta skwi n'ndi ar kinè! A ta gaƌa na: Nga ngatsa skwi ngiƌè ɓai, sèi movar zlam a klèfi cèw. Man nga Ƌè a nga shum skwi n'ndi ndohi rèƋèƋè'a haha ma kla!

¹⁴ Aman, ta gi 5.000. A Yèsu a ngaƌa ta golahi nenga'a: Vanger ta 50, 50, aman ta nzi a hai.

¹⁵ A ta gu arsa, a ta nzahai.

¹⁶ A Yèsu a nco movar zlam, a klèfi cèw, a mpu di a zhiklè, a mpshè na ma, a ntsaka'a, a mva ta golahi nenga'a, aman ta va ta ndohi rèƋèƋè'a.

¹⁷ A ta ndau, a ta ngeza, a ta ɓica njèkèƌi movar, gaƋagar 12, n'ndha'a.

¹⁸ Te deɓ nasa, aman Yèsu a ntsu rai, na a gèƋ na, golahi nenga'a ta zhè a sam na. A Yèsu a ndzhaƋ ta: Ndohi rèƋèƋèa ta gaƋa, i wa?

¹⁹ A ta mbeƋa na a ma: Jean Baptiste. Ndohi ngiƋè, Elie. Ndohi ngiƋè, staƋ te va ndohi nhadka ma nhala'a a nslambaƌkaƌna.

²⁰ A nenga'a a m'mbeƋa ta a ma: Kinè, kin gaƋa, i wa? A Pierre a ngaƋa na: Ka Kristi, Zhiklè.

²¹ A Yèsu a mfa ta ma a gèƌ zura'a, aman ta ngrèƌè ma haha a ndo ngiƌè azɓai.

²² A ngaƋa: Sèi skwa a dza na Kra-ndo a vata, a ndohi nhala'a, a ndohi mvi skwi a Zhiklè mbibihia'a a malamhai ta da kwola'a, a ta da keƌa'a, a pats mamakara'a a da slambaƌkauƌauda.

²³ A ngaƋa ta ndohi tèlèba: Ndo man a woya a ndzadzarkayè, da hur a géƋ nshèffè na ɓai, da co wof ngézlèl na pèc pècèk, da dzadzarkayè.

²⁴ Aman ndo man a woya a mbél nshèffè na a ri na, a da zede nshèffè na. A ndo man a zede nshèffè na a géƋ ga, nenga'a a da mbela'a.

²⁵ Ndo man a ngots herkeda tèlèba, aman nshèffè nenga'a a zi na, a ngedassa'a, a n'ngats te pa mè?

²⁶ Aman ndo man a gi hori ga, a hori ma ga, ko Kra-ndo a da gi hori nenga'a, aman a shkè a n'njèl na, a n'njèl Bab na, a n'njèl golahi Zhiklè nkezlahia'a.

²⁷ A vava i gaƋa kinè: Ndo hi ngiƋè man ta zhè haha, ta tèr m'metsi di azɓai, sèi ta rka kokwar Bi Zhiklè dai.

²⁸ Te deɓ nasa n'ngu ar haha: M'mèn tsamakaƋ te deɓ man a ngoƋ ma haha, Pierre a Jean a Jacques to do a nda Yèsu a géƋ za, aman ta tsi rai.

²⁹ Aman Yèsu a tsi rai, n'nga ar haha: Va nenga'a a n'ngwode na, a maslaka nenga'a a nslekaƌ na nkuƌèkuƌè'a, a si dai.

³⁰ Na haha, ndohi cèw ta gèƌè a vna. Tenga'a, nda Moise a Elie.

³¹ A ta gudoko ta va a dai a n'njèlè, a ta goƌ ma a gèƌ n'ndikèma civèƋ nenga'a, man Yèsu a da ndikèƋè'a te kokwar Jérusalem.

³² A Pierre a ndohi man ta zhè a sam na, ta zhingétè, a ta nzhunè. Aman ta piƋèkwe ta ma, ta rka n'njèl nenga'a. A ndohi cèw man ta zlatsa a sam na.

³³ Te deɓa'a, aman tenga'a ta jèkeda Yèsu, Pierre a ngaƋa na: Bai, amba aman nga zhè a haha. Ngogokoy gihi makar, staƌ a ngaya, staƌ a Moise, staƌ a Elie. Aman nenga'a a sun skwi man a gèƌè ɓai.

³⁴ Aman a ngoƌ ma haha, vani staƌ a mshkè, a mva ta mèzhèɓ a gèƌ.

³⁵ A zlau a ndza ta te va vanai. A ta tsena ngèƌè staƌ te va vanai, man a gaƌa: Nenga'a kra ga man i ngotskoƌauda. Vatsun ma na!

³⁶ Aman ta tsena ngèƌè haha ma, Yèsu a zhè a géƌ na. A ta nza tètè. A pats nasa ta ngreda na skwi man ta rka'a a ndo ngiƋè ɓai.

³⁷ Te deɓ nasa, te mangoslèma'a, man ta shkèhi te za ma, ndohi rèƋèƋèa ta shkè a sam ta.

³⁸ Na haha, ndo ngiƋè te va ndohi rèƋèƋèa a mboho a wuƋai, a ngaƋa: Ndo njengè ma, i tsi ri a ka, rka kra ga dai, nenga'a kra man i yau staƋgenè.

³⁹ Na haha, mèzhèɓ ambaɓia'a a gshè'a, a nasa nasa a ntsu lalau, a nkaldahai, a ngudzeda, a kra a mɓerzl na, maslokof te ma. A njèkeda kra sèi a wuƌai, a woya a nkeƌa'a.

⁴⁰ I tsu ri a golahi ngaya, aman ta jèr mèzhèɓ ambaɓia'a auda. Aman ta slaha ɓai.

⁴¹ A Yèsu a m'mbeƋa ta a ma: Kinè ndohi man ambaɓai, man kin ca a ndav kinè ɓai!

⁴² N'nzi ga a sam kinè tèkè? A i takaha kinè n'nzi tèkè? Cko kra ngaya a sam ga! Aman a herda na va, madzagi a n'nga na kra, a ngudzeda, a mberzl na mèzhèɓ ambaɓia'a. A Yèsu a nguva, a m'mbela kra ngura'a, a mva na a deɓa a bab na.

⁴³ Tèlèba ta hur te ndav ta a vata, a géƌ wuƌi Zhiklé mbia'a. Aman tèlèba ta rzl ta a géƌ skwi man Yèsu a gau, Yèsu a ngaƋa ta golahi nenga'a:

⁴⁴ Vatsena ma haha a zlembaƋ kinè! Ta da gshè Kra-ndo, a ta da va na a ri a ndohai.

⁴⁵ Aman tenga'a ta tsena ma haha ɓai. Ma haha n'ngheda a sam ta, aman ta slaha a ta cinè di ɓai. A ta gu zlau, aman ta jhèƋè a géƋè'a.

⁴⁶ Aman ta hüno, ta gu gèjau a va ta: Ndo man a fena ngiƋè te ndev nga, wa?

⁴⁷ Aman Yèsu a sun skwi man ta huro, a nco kra nkèshèa, a mfeda a tsagi nenga'a, a ngaƌa ta:

⁴⁸ Ko wawa man a cè kra nkèshèa aranta, a géƋ nzlembaƋ ga, a ciyè. Ko wawa man a ciyè, a cè nenga'a man a zlindekayè. Aman ntabawa'a te ndev kinè, nenga'a ndo mbia'a.

⁴⁹ Jean a m'mbeƋa na a ma: Bai, nga rka ndo ngiƋè, a jèr madzagihai auda a nzlembaƋ ngaya. A nga gedassa skwi na, te man a te va nga ɓai.

⁵⁰ A Yèsu a ngaƋa na: Kin gedassa skwi nenga'a ɓai! Ndo man ndo mayam kinè ka ɓai, nenga'a mandal kinè.

⁵¹ Te deɓ nasa: Ndul ndul ma, man ta gshè Yèsu, a m'mana ndav na, a nƋè a kokwar Jérusalem.

⁵² A nzlinde ta golahi a ma, a to do, a ta shkè a kokwar ngiƌè te Samarie, aman ta tila na sam m'mènè.

⁵³ A ta ca Yèsu ɓai, te man a woya a nƋè a Jèrusalem.

⁵⁴ Aman Jacques a Jean, golahi nenga'a, ta rka'a, ta gaƋa: Bai, ka woy a nga tsi rai, aman vogwa a shkèhai te zhiklè, a n'nde ta tèlèba a ma, lèmèlèmè ara Elie a ngau Ƌè?

⁵⁵ A Yèsu a n'ngwoda ta ma, a n'nga ta ndzoan.

⁵⁶ A to do a kokwar ngiƋè.

⁵⁷ Aman to do a civèƋ, ndo ngiƋè a ngaƋa na Yèsu: I woya man i jèjèr ka a sam tèlèba man ka Ƌè a pa.

⁵⁸ A Yèsu a ngaƋa na: Barkdadihai ta ngots vèvèƋ ta, Ƌiakihai t'hwaƋ giƋfèk ta ngots gi ta. Aman Kra-ndo a n'ngatsa sam na ɓai, aman a fí gèƋ a pa.

⁵⁹ A ngaƋa na ndo ngiƋè: Dzadzarkayè! A nenga'a a ngaƋa na: Bai, jèkyè, aman i Ƌè a i da ra bab ga dai!

⁶⁰ A Yèsu a ngaƌa na: Sèi ndohi m'metsa'a ta ri ndohi tenga'a m'metsa'a. Aman ka, do, a ka njè ma kokwar Bi Zhiklè.

⁶¹ A ndo ngiƋè a ngaƋa: I woya man i jèjèr ka, Bi ga. Aman jèkyè, aman i gaka ta mbalai a ndohi gi ga dai!

⁶² A Yèsu a ngaƋa na: Ndo man devar te rai a mpizhè a vna, a pi di a deɓa, a slaha a ngi mizlinè kokwar Bi Zhiklè azɓai.