Luke 24 - Mofa New Testament

¹ A pats nshèlèkura'a te pats luma, a prèk te gai, ta shkè a gi dzavai, a ta cko ɓurdi man ta tildahai.

² A ta ngots ngezlambar kwa, ngudumbala auda te ma gi dzavi ma.

³ Aman to do a pa, ta ngatsa va Bi Yèsu te pa ɓai.

⁴ Aman ta hur ma haha a vata, ngurhi cèw, a maslaka a va, man a si dai, ta zlatsa a ma ta.

⁵ A zlau a ndza ta a vata, a ta peda di ta a hai. Aman ngurhi ta gaƋa ta: Kin woya ndo man a zhè a nshèffè te va ndohi m'metsa'a èhèmè?

⁶ Nenga'a az a haha ɓai, nenga'a a nslambaƋ na ma. Vahuro, ara man a gaƋa kinè, man a zhè te kokwar Galilée dai, man a ngaƋa:

⁷ Sèi ta va na Kra-ndo a ri a ndohi malihai, a ta gezlala'a, te deɓ m'mèn makar a da slambaƋkaƋauda.

⁸ A ma nenga'a a nhaka ta a gèƋ.

⁹ A ta men ta a deɓa, a ta gaƋa ta ma haha a tengahi 11, a ndohi ngiƋè tèlèba.

¹⁰ Tenga"a man ta ngreda ta skwi haha a ndohi sak: Marie Magdala, a Jeanne, a Marie, mam Jacques, a ngwozi ngiƌè man ta zhè a sam ta.

¹¹ A ta tsena ma haha ara tsaval ambalai, a ta ca a ndav ɓai.

¹² Aman Pierre a nslambaƋa, a nhu a gi dzavai, a nguɓda deɓa a hai, a nrka maslaka nsuda te pa. A n"ndo na ngwai, a nrzl na a géƌ skwi man a rka"a.

¹³ Na haha, a pats nasa, ndohi Yésu cèw to do a kokwar ngiƌè, nzlembaƌ na Emmaus, dra daf kata te kokwar Jérusalem.

¹⁴ A ta tsutsaval a géƌ skwi tèlèba man a ga.

¹⁵ Te deɓa'a ngu ar haha: Aman ta gèƌè, Yèsu a ri na a nherda ta va, a Ƌè a nda tenga'a.

¹⁶ Aman ta sun ɓai, nenga'a a nyakeda ta va a dai.

¹⁷ A nenga'a a ngaƌa ta: Ma mè, man kin gèƌè a civèƋ? A ta zlatsa a pa, a ta lèyè.

¹⁸ StaƋ te va tenga'a, nzlembaƋ na Cléopas, a m'mbeƋa na a ma: Ka staƋgenè te kokwar Jérusalem, man ka sun skwi man a gu te pa tok tok sata ɓi Ƌè?

¹⁹ A nenga'a a ngaƋa ta: Mè? A ta gaƋa na: Ma Yèsu, ndo Nazareth, ndo nhadka ma, man a ngu mizlinè njèma a wuƋai a sam di Zhiklè, a sam ndohi tèlèba.

²⁰ Ara ndohi mvi skwi a Zhiklè mbibihia'a, a bihi ta gso, ta ga na kita a gèƌ, a ta gezlala'a.

²¹ Nga, nga huro, nenga'a ndo m'mbel Israel. M'mèn mamakar antanta, man skwi haha a gau.

²² Aman ngwozi nga ngiƋè ta dzakaɓama nga gèƋ, a to do a prèk a gi dzavai.

²³ A ta ngatsa va nenga'a ɓai. A ta shkè, a ta gaƋa, ta rka golahi Zhiklè, man ta gaƋa ta, na zhè a nshèffè.

²⁴ A ndohi ngiƋè te va nga to do a gi dzavai, a ta ngotso, ara ngwozi ta menda nga; aman ta rka nenga'a ɓai.

²⁵ A nenga'a a ngaƋa ta: Kinè ndohi man maya kinè azɓai, kin wosl ɓai, aman kin cè ma ndohi nhadka ma a ndav.

²⁶ Sèi skwa a dza na Kristi di ka ɓi ƌè, ga a Ƌè a sam n'njèl nenga'a?

²⁷ Te deɓa'a a hinè a sam Moise, a sam ma ndohi nhadka ma tèlèba, a nsenda ta ma tèlèba te ƌèlèwèr Zhiklè a géƌ Yèsu.

²⁸ A ta ndulndul a kokwar man ta woy a ta Ƌè a pa. A nenga'a a ngu ara man a woya a nƋè a ma ma.

²⁹ A ta tsu ria'a, a ta gaƌa na: Nza a sam nga, ani dakwaƌ ma, pats a woya a nkèlè ma. A nenga'a a mdo, a ta nzi a nda tenga'a.

³⁰ Te deɓa'a, aman ta nza a sam skwi n'ndai, a nco movar, a nshüd gèƌ, a ntsaka'a, a mva ta.

³¹ A di tenga'a a mwin na, a ta sun nenga'a. A nasa nasa cerk n'az a sam ta ɓai.

³² A ta goƌ a va ta: A m'mbeƋama nga ndav ɓi Ƌè, aman a nsenda nga ma a civeƋ, a n'ngreda nga ma Zhiklè?

³³ A nasa nasa ta slambaƌa, a ta men ta a deɓa a kokwar Jérusalem. A ta ngats ta 11, aman ta ɓica va.

³⁴ A ta gaƋa: Bai a nslambaƋkaƋauda a vava, a ngudoko na va a di a Simon.

³⁵ A ta ngra ta skwi tèlèba man a gau a civèƋ, ara man ta sun nenga'a, man a tsaka ta movar.

³⁶ Aman ta gèƋè te rai, nenga'a a nzlatsa te va tenga'a, a ngaƋa ta: gumi a nda kinè!

³⁷ Aman tagudzai, a ta gu zlau, a ta huro, ta rka mèzhèɓ skwi ngiƋè.

³⁸ A nenga'a a ngaƋa ta: Kin gudzi èhèmè, a kin hér gèƌ zlau èhèmè?

³⁹ Varka'a ri ga a sak ga, i nenga'a. Vatarahayè, varka; aman mèzhèɓ a n'ngots zluèd va a vatasl ɓai, ara man kin rka man i ngotso.

⁴⁰ [Aman a ngaƋa ta ma haha, a n'ngra ta ri nenga'a a sak nenga'a.]

⁴¹ Aman ta ca a ndav di ɓai, a géƋ man ta wuffè, a ta rzl ta, a ngaƋa ta: Kin ngots skwi n'ndi a haha Ƌè?

⁴² A ta va na klèf msula kètè.

⁴³ A nenga'a a mco, a n'ndau a sam di ta.

⁴⁴ Te deɓa'a a ngaƋa ta: Ma haha man i gaƋa kinè, man i zhè a sam kinè dai: Aman skwi tèlèba man ta windo a géƋ ga te Ƌèlèwèr Moise, a ndohi nhadka ma, a Psaumes, sèi a gai.

⁴⁵ Te deɓa'a a winè maya ta, aman ta sun ma Zhiklè, a ngaƋa ta:

⁴⁶ Gar haha ta windo te Ƌèlèwèr Zhiklè, sèi skwa a dza na Kristi. Te deɓ m'mèn makar a da slambaƋkaƋ na te m'metsai.

⁴⁷ A ta da njè ma n'ngwèƋè ndav, a ma mprè malai a nzlembaƋ na a ndohi herkeda tèlèba, a hinè te kokwar Jérusalem.

⁴⁸ Aman kinè, kin gi a ndohi malwuƋihi te skwi sa.

⁴⁹ Anai i zlinda kinè skwi man bab ga a mpasla kinè rai. Aman kinè, vanza a kokwar, ha pats man kin ngots wuƋi te zhiklè.

⁵⁰ A Yèsu a nde ta auda a kokwar Béthanie, a mpeda ri a zhiklè, a mpshè ta ma.

⁵¹ Te deɓa'a n'nga ar haha: Man a mpshè ta ma, a mdo na auda a sam di ta, a mdo na zhiklè.

⁵² A ta tsi ria'a, a ta men ta a deɓa a kokwar Jérusalem a mwuffè mbia'a.

⁵³ A ta nza a gi Zhiklè pèc pècèk, a ta slubordo Zhiklè.