Luke 23 - Mofa New Testament

¹ A nhèyè ndo tèlèba ta slambaƋa, a ta da'a a sam Pilate.

² A ta hüno, a ta pinè'a, a ta gaƋa: Nga ngotso, aman a pe ta ndohi nga a wai, a ngaƋa ta: Kin pa na budu a bi ɓai. A goƋo a ri na: I Kristi, Bai.

³ A Pilate a ndzhoƋo: Kabi ndohi Juif Ƌè? A nenga'a a m'mbeƋa na a ma: Ara ngèƋè ngaya.

⁴ A Pilate a ngaƌa ta ndohi mvi skwi a Zhiklè mbibihia'a, a ndohi rèƋèƋèa: I ngatsa mali m'metsai a sam ndo haha ɓai. Aman tenga'a ta gèƋè genè:

⁵ A poko ta gèƋ auda a ndohi tèlèba, a senda ta te kokwar Judée tèlèba, a hinè te Galilée, ha mshkè haha.

⁶ Aman Pilate a ntsena ma Galilée, a ndzhoƋo: Kos ka ndo Galilée Ƌè?

⁷ Aman a ntsena, nenga'a a shkè te kokwar bi Hérode, a nzlündo a sam Hérode. Hérode a zhè te kokwar Jérusalem a pats nasa.

⁸ Aman Hérode a rka Yèsu, a wuffè a vata, aman n'nzi a zhè a woya a nrka'a. A ntsena ma tsaƋ tsaƋ a géƋ nenga'a; a nhur te ndav na, i da rka nrkedi ngiƋè man a gia'a.

⁹ A ndzhoƋo ma kumba. Aman nenga'a a m'mbeƌa na a ma ɓai.

¹⁰ A ndohi mvi skwi a Zhiklè mbibihia'a, a malamhai, ta zlatsa a pa, a ta pinè'a holhola'a.

¹¹ Aman Hérode a sojèhi nenga'a ta durƌo, a ta ngwossaha a ta va na maslaka mbela'a a va, a ta zlündo a deɓa a sam Pilate.

¹² A Pilate a Hérode ta hüno ngi mandala a pats nasa. Pats ngiƌè ta mba a va ɓai.

¹³ Aman Pilate a mbaba ta ndohi mvi skwi a Zhiklè mbibihia'a, a ndohi mbibihia'a, a ndohi tèlèba, a ngaƌa ta:

¹⁴ Kin cko ndo haha a sam ga, ara man a pe ta ndohi a wai. Na haha, i dzhoƌo, a i ngatsa mali m'metsi a sam ndo haha ɓai, a géƌ skwi man kin pinè'a.

¹⁵ Ko Hérode lèmèlèmè, a m'mendkoƌa deɓa, a n'ngatsa mali m'metsi ɓai.

¹⁶ I woya man i nƋèha'a, te deɓa'a i pra'a.

¹⁷ Aman pèc pècèk a sam ngolala ta dzhoƌo, aman a pra ta ndo staƌ.

¹⁸ A ndohi rèƋèƋèa tèlèba ta boho a sam staƌ, a ta gaƌa: Co a ka keƌa'a! Pra nga Barabbas!

¹⁹ Nenga'a te dangai a géƋ man a nkeƋa ndo a sam rubai te kokwar mbia'a.

²⁰ A Pilate a mbaba ta za'a, ara man a woya a mpra Yèsu.

²¹ Aman ta boho a wuƋai, a ta gaƌa: Gezlala'a, gezlala'a!

²² A nenga'a a ngaƌa ta mamakara'a: A ge mali mè? I ngatsa mali m'metsi a sam na ɓai. I woya man i nƋèhè'a, te deɓa'a i pra'a.

²³ Aman ta jèjèrè'a a nhèzlèwè mbia'a, a ta dzhoƋo, aman a gezlala'a.

²⁴ A Pilate a n'ngela kita: da gu ara man ta dzhoƋo.

²⁵ A mpra ta nenga'a man ta feda a gi dangai a géƋ nrubai, a géƋ nkeƋe ndo, nenga'a man ta dzhoƋo. A mva na Yèsu a ri a ndohai, a ta gi a vna, ara ndav tenga'a man a woya'a.

²⁶ Aman ta Ƌè, ta gso ndo ngiƋè, Simon te Cyrène, man a shkè te gi dau, a ta va na wof ngézlèl Yèsu a gèƋ, aman a nzuɓa na.

²⁷ A ndohi rèƋèƋè'a kumba ta dzodzora, a ngwozai, man ta gu wobau, a ta kuƋau.

²⁸ A Yèsu a n'ngwoda ta ma, a ngaƌa ta: Dalahi Jérusalem, kin kuƌau a géƋ ga ɓai, aman vakuƋau a géƋ kinè, a géƋ wudahi kinè!

²⁹ Na haha, pats a di a shkè, aman ta gaƋa: Mwuffè a sam deli ngwozai, a sam ngwoz man kra az a ri ɓai, a sam ngwoz man ta tseda wa ɓai.

³⁰ Te deɓa'a ta da gaƋa ta zahai: Vawurzlka nga a gèƋ! A ta da gaƋa ta ngègèƋhai: VambeƋka nga a gèƋ!

³¹ Aman ta gi skwi haha a sam wof mɓaya'a, ta da gi a sam wof ngwora'a mè?

³² A ta da ndohi cèw ngiƋè a nda nenga'a, ndohi nkèƌ ndo. Ta woy a ta bazl ta a nda nenga'a.

³³ Aman ta shkè a sam man ta baba na 'sam vatasl gèƋ' ta gezlala a pa. A ndohi nkèƌ ndo, staƌ te ri mandai, ngiƌè te ri gula nenga'a.

³⁴ A Yèsu a ngaƌa: Bab ga, pra ta mali ta, aman ta sun skwi man ta gia bai. A tenga'a ta kezla maslaka nenga'a, a ta gu jimèr a gèƋè'a.

³⁵ A ndohi ta zlatsa a pa, a ta rka'a. A ndohi mbibihia'a ta ngwossaha, a ta gaƋa: A m`mbe! ta ndohi ngiƋè. Aman nenga"a Kristi, ndo man Zhiklè a ngotskodauda, da mbela va na a ri na!

³⁶ A sojèhi ba ta ngwossaha, a ta shkè, a ta cko iyam mbertèktèka"a, a ta gaƋa:

³⁷ Aman ka bi ndohi Juif, mbela va ngaya a ri ngaya!

³⁸ A ta windo ma a gèƋ nenga"a: Nenga`a bi ndohi Juif

³⁹ Staƌ te va ndohi nkeƌ ndo, man ta gezlal ta, a ƋèrƋè"a, a ngaƋa: Ka Kristi ka ɓi Ƌè? Mbela va ngaya a ri ngaya, a ka mbel nga ba!

⁴⁰ A ngiƋè a n"nga na ndzoan, a m'mbeƋa na a ma: Ka ba, ka gi zlau Zhiklè azɓi Ƌè? Ka ngots kita lèmèlèmè.

⁴¹ Nga, ta ga nga kita zura"a a gèƋ skwi man nga gau. Aman nenga'a a n'nga mali bai.

⁴² A ngaƋa na Yèsu: Heryè, Bai, aman ka Ƌè a kokwar Bi ngaya!

⁴³ A Yèsu a ngaƋa na: A vava, i gaƋa ka, a patsna ka da zhè a sam mbela'a a nda iyè.

⁴⁴ A gèƋ pats, ruva a gai a gèƋ herkeda tèlèba, ha pats tsaf kata.

⁴⁵ A pats a nde na a zhiklè, a maslaka te gi Zhiklè a nkurats na te va.

⁴⁶ A Yèsu a mboho a wuƋai: Bab ga, i vi mèzhèɓ ga a ri ngaya! Aman a ngoƌ arsa, a m'mets na.

⁴⁷ Aman bi sojè a rka skwi man a ga, a nslubordo Zhiklè, a ngaƋa: A vava, ndo haha ndo nzura'a.

⁴⁸ A ndohi rèƋèƋè'a tèlèba man ta shkè a sama'a, a mpi dia'a, ta pi ri a gèƌ, a ta men ta a deɓa a ngwai.

⁴⁹ A mandalahi Yèsu, a ngwozi man ta dzodzora te Galilèe, ta zlatsa dra, a ta pu dai.

⁵⁰ Na haha, ndo ngiƋè, nzlembaƋ na Joseph, ndo ncemma, ndo man amba a nzura'a, a zhè a sam ncèmma tenga'a; a skwi man ta gau, ambaba nenga'a ɓai.

⁵¹ Nenga'a te Arimathèe, kokwar ndohi Juif ngiƋè. Nenga'a ba a zhèr kokwar Bi Zhi­klè.

⁵² A ndo a sam Pilate, aman a njhèƋè va Yèsu.

⁵³ Aman a ckodahi ma, a mpaƋa'a, a bata mbela'a, a mfeda a gi dzavi te za, a sam man ta fa ndo a pa di ɓai.

⁵⁴ A pats ntil Pâques, ncid sama'a pats nshèk va.

⁵⁵ A ngwozi ngiƋè, man ta shkè te kokwar Galilée a nda Yèsu, ta dzodzor Joseph, a ta rka gi dzavai, man ta feda va Yèsu a pa.

⁵⁶ Aman ta shkè a deɓa, ta tül ɓurdi a mbar; a pats nshèk va ta sok va, ara man ma nkwèr Zhiklè a gaƋa.