Luke 20 - Mofa New Testament

¹ Te deɓ nasa, aman a senda ta ndohi te gi Zhiklè, a njè ta ma mbela'a, ndohi mvi skwi a Zhiklè mbibihia'a, a malamhai, a tsuvom ndohai, ta shkè, a ta gaƌa na:

² Ngra nga, ka gi skwi haha a wuƌi ngè? A mva ka wuƌi haha wa?

³ A nenga'a a m'mbeƌa ta a ma: Ko i ba, i woya man i dzhaƌ kinè: Vamendayè!

⁴ Baptème Jean a shkè te zhiklè te géƌè'a ƌè, ƌè te ndo ƌè?

⁵ Aman tenga'a ta goƌ a va ta: Aman nga gaƌa: te zhiklè, nenga'a a da gaƌa nga: Kin co ma nenga'a a ndav kinè ɓi èhèmè?

⁶ Aman nga gaƌa: te ndo — ndohi tèlèba ta da kal nga a kwa, aman tèlèba ta huro, Jean ndo nhadka ma.

⁷ A ta mbeƌa na a ma: Nga sun ɓai.

⁸ A Yèsu a ngaƌa ta: I ba i ngreda kinè azöai, a wuƌi ngè man i gi skwi haha.

⁹ Te deɓa'a a nhüno man a ngaƋa ta ndohi a ngèlègèƋma haha: Ndo ngiƋè a ngu gi wof barassa, a mva na a ri a ndohi mizlinè nenga'a, a njèkeda kokwar; a ndo nshèwèlè n'nzi kètè.

¹⁰ A pats man skwi n'ndha, a nzlündo ɓèl nenga'a staä a sam ndohi mizlinè, aman ta porko na nyi wof. Aman ndohi mizlinè ta tsau, a ta zlündo a deɓa aƋai.

¹¹ A nenga'a a nzlinda ɓèl nenga'a ngiƋè; a ta tsau, a ta durƋo, a ta zlinda a deɓa aƋai.

¹² A nenga'a a nzlündo mamakara'a; aman ta ga na mblè a va nenga'a ba, a ta koldkoƋauda.

¹³ A bi gi wof barassa a ngaƋa: I da gi ma kè? I woya man i zlinƋè kra ga man i woya a ndav ga. Man ta rka nenga'a, wa ngiƋè ba, ta gi horai.

¹⁴ Aman ndohi mizlinè ta rka'a, tagoƋavata: Nenga'ando n'ndi gai. Vowashkè, ngokuƋokoya, a nga ndi gi nenga'a!

¹⁵ A ta dzardauda a dal gi wof barassa, a ta keƋa'a. Gar haha bi gi wof barassa a da ga ta mè?

¹⁶ Nenga'a a shkè, a bazl ta ndohi mizlinè haha, a vi gi wof barassa nenga'a a ri a ndohi ngiƋè. Aman ta tsena'a, ta gaƌa: Skwi haha da gu arsa ɓai.

¹⁷ A nenga'a a mpa ta dai, a ngaƋa: Na haha, ma mè, man ta windo: Kwa man ndohi nrèm gai ta kwola'a, n'nga'a a kwa nte verzia'a?

¹⁸ A ndo man a kèlèhi a géƋ kwa haha, va nenga'a a mpasl na. A ndo man kwa a nkala na a gèƋ, a hasleda a pa.

¹⁹ A malamhai a ndohi mvi skwi a Zhiklè mbibihia'a ta hosso a pats nasa, aman ta fi ri a Yèsu. Aman ta gu zlau ndohai. Ta suna, Yèsu a ngoƋ ngèlègèƌma haha a géƌ tenga'a.

²⁰ A ta wèrè'a, a ta zlinde ta ndohi nkotè'a; ta ngwoda va ta a ndohi nzura'a, a ta zeɓia'a: a gi mali te ma na Ƌè? A ta woy a ta pinè'a a sam ndohi mbibihia'a a kita ngomna.

²¹ A ta dzhoƌo; Ndo njèngè ma, nga suna, ka gèƋè ma a ka senda nga zura'a. Ka gi zlau ndo azɓai, sèi ka njè civèƋ Zhiklè zura'a.

²² Amba aman nga pi budu a bi Ƌè, Ƌè ambaɓi Ƌè?

²³ Aman Yèsu a sun maya shèwa tenga'a, a ngaƋa:

²⁴ Vangray suli staƋ! GèƋ ngè, man ta vèhda a pa? A ta gaƋa na: A bai. A nenga'a a ngaƋa ta:

²⁵ Gar haha, vava na skwi bai a bai, a skwi Bi Zhiklè a Bi Zhiklè!

²⁶ A ta slaha ta gshè'a a géƋ ma nenga'a ɓai, a ta rzl ta a géƋ ma nenga'a, a ta nza tètè.

²⁷ Te deɓa'a ndohi sadducée ngiƋè ta shkè. Tenga'a ta gaƋa, nslambaƋkaƋauda te m'metsi azɓai.

²⁸ A ta dzhoƋo, a ta gaƋa: Ndo njèngè ma, Moise a winda nga: Man kramam ndo ngiƋè a m'mets na, ngwoz na a zhè, aman wuda na azɓai, kramam na da co a ngwoz mazai, aman a ya na kra a kramam na.

²⁹ A kramamhi tsarad ta zhè. Tsuvoma'a a nco ngwoz, a m'mets na, wuda na azɓai.

³⁰ MbegéƋè'a a nco a ngwoz, a m'mets na, wuda na azɓai.

³¹ Mamakara'a a nco, lèmèlèmè ta tsaraƋ tèlèba, wuda ta azɓai, a ta bazl ta.

³² Te deɓ tenga'a tèlèba, ngwoz ba a m'mets na.

³³ A sam nslambaƋkaƋauda, a ngi a ngwoz te va 7 haha wa? Aman ta 7 tèlèba ta co a ngwoz.

³⁴ A Yèsu a ngaƋa ta: Wudahi herkeda haha ta cè ngwoz, a ta Ƌè ngwoz.

³⁵ Aman tengahi man ta slaha ta ngècè nshèffè te zhiklè, a ta slambaƋkaƋauda te m'metsai, ta cè ngwoz azɓai, a ta Ƌè ngwoz azɓai.

³⁶ Ta slaha a ta metsi te deɓa'a azɓai, aman ta gi lèmèlèmè ara golahi Zhiklè. Ta wudahi Zhiklè, a géƋ man ta wudahi nslambaƋkaƋauda te m'metsai.

³⁷ Aman ko Moise a ngreda nga, ndohi m'metsa'a ta slèmbèƋè. A sam vatak wondar, a mbaba na Bai, Zhiklè Abraham, Zhiklè Isaac, a Zhiklè Jacobf

³⁸ Nenga'a Zhiklè ndohi m'metsa'a ka ɓai, aman Zhiklè ndohi a nshèffè; a géƋ man te nenga'a tèlèba ta nzi a nshèffè.

³⁹ A malamhi ngiƋè ta mbeƋa na a ma: Ndo njèngè ma, ka goƋ amba.

⁴⁰ A ta gu zlau, aman ta jhèƋè ma ngiƋè a va'a.

⁴¹ A nenga'a a ngaƋa ta: Na haha mè, aman ta gaƋa: Kristi kra David.

⁴² A David a ri na, a ngoƌ te ƌèlèwèr Psaume: Bai a ngaƌa na bi ga:

⁴³ Nzahai a civèƌ ri mandi ga, ha i pe ta mayamhi ngaya a hwaƋ sak ngaya.

⁴⁴ Aman David a ri na a baba na Bai, kos verzi na èhèmè?

⁴⁵ Aman ndohi tèlèba ta tsena'a, a ngaƋa ta golahi nenga'a:

⁴⁶ Vagu maya a sam malamhai! Ta woy a ta shèwèlè a dawar a va, a ta woya ndohi ngiƋè ta ga ta mbalai a luma, a ta woy sam n'nzi a ma te gi njèngè ma Zhiklè, a sam n'nzi mbela'a a ma, te ngolala.

⁴⁷ A ta ndi gi ngwozi mazihai, a ta gi ara man ta tsi ri kumba, a sam di ndohai. Kita tenga'a a gi wuƋitpa holhola'a.