Luke 17 - Mofa New Testament

¹ A Yèsu a ngaƋa ta golahi nenga'a: Skwi man a slafaƋama ta sak a ndohi a zhè genè! Aman woba a nenga'a, man a slafaƌama ta sak a ndohai!

² Dara ta mana na vova a da'ai, a ta kalda a drav iyam, a gèƌ man a slafaƌama na sak a kra nkèshè'a staƌ haha. Vagu maya a gèƋ va kinè.

³ Aman kramam ngaya a gi malai, ngatsa na maya! Aman a hèr mali na, pra na malai.

⁴ Aman a gi mali a sam ngaya, a gi tsaraƋ, pats staƋ, a m'menkaƋa deɓa sak tsaraƋ, a gaƋa: I hèr mali ga, sèi ka pra na mali nenga'a.

⁵ A ndohi sak ta gaƋa na Bai: Zledaha ncè-a-ndav nga!

⁶ A Bai a ngaƋa: Aman kin cè a ndav kèshkata, ara tser gevda, nkütèkütè'a, ar kin da gaƋa na wof kslor haha: Ca na va ngaya auda, a ka kala a woyam mbia'a, a nenga'a a fi gèƋ a ma kinè.

⁷ Te ndev kinè wa, man ɓèl na a zhè, a pizhè, a wèr skwai, te deɓa'a man a shkè ngwai te gi dau, a ngaƋa na: Washkè a ka ndau skwi tsam tsam? Sèi a gaƋa na:

⁸ Tila skwi n'ndi ga, mana maslaka ngaya a ka takahayè! Aman i nda skwi ma, i sa skwi ma, te deɓa'a ka ba ka ndi skwai, a ka si skwai.

⁹ A shida na gèƋ a ɓèl Ƌè, aman a gi skwi ara man a gaƋa na? Arsa ka ɓai.

¹⁰ Lèmèlèmè kinè, aman kin gu skwi tèlèba, man ta gaƋa kinè, sèi kin gaƋa: Nga ɓèlèlihi ambalai, nga ga skwi man ta gaƋa nga genè.

¹¹ Te deɓa'a, aman a ndo a kokwar Jérusalem, a mbeza a ndev kokwar Samarie a Galilée.

¹² Aman a mdo a kokwar ngiƋè staƋ, ta zlü gèƋ a ndohi hutsoƋ kula, man ta zlatsa dra.

¹³ A ta hüno a ta boho a wuƋai, a ta gaƋa: Yèsu, Bai, nga da se ka te va!

¹⁴ Aman a rka ta, a ngaƋa ta: Vodo, a kin ngra ta va kinè a ndohi mvi skwi a Zhiklè! A tenga'a, man to do, ta suƋ ta.

¹⁵ `StaƋ te va tenga'a, aman a rka'a, a nsuƋ na ma, a m'menkaƋa deɓa, a hèzlèwè a vata, a nslubordo Zhiklè.

¹⁶ A nkalahi a deɓ sak Yèsu, a nshida na gèƋ. Nenga'a ndo Samarie.

¹⁷ A Yèsu a m'mbeƋa na a ma: Ta kula, man ta suƋ ta ka ɓi Ƌe? Tengahia cüƋ, ta tema?

¹⁸ Ndohi ngiƋè ta shkè a deɓa aman ta slébèrƋè Zhiklè azɓi ƌè, sèi ndo man verzi na tsaƌ haha Ƌè?

¹⁹ A nenga'a a ngaƋa na: SlambaƋa, a ko do, ncè-a-ndav ngaya a m'mbel ka ma!

²⁰ Aman ndohi pharisie ta dzhoƋo: Kokwar Bi Zhiklè a shkè a ngèmè? Yèsu a m'mbeƋa ta a ma, a ngaƋa: Kokwar Bi Zhiklè a shkè azɓai, aman ndohi ta slaha ta rka'a.

²¹ A ta gèƋè azɓai: Na haha, na ahngata! Aman na haha, kokwar Bi Zhiklè a zhè te ndev kinè.

²² A ngaƋa ta golahi nenga'a: Aman a pats ngiƋè kin woy a kin rka pats Kra-ndo; aman kin da rka azɓai.

²³ A ta gaƋa kinè: Na ahngata, na haha! Kin do ɓai, kin dzodzor ma tenga'a ɓai!

²⁴ Lèmèlèmè ara ntsi iyam a hél sam tèlèba t'hwaƋ giƋfèk, lèmèlèmè Kra-ndo a da gi arsa a pats nen­ga'a.

²⁵ Aman sèi skwa a dza na a vata nshèlèkura'a dai, a ndohi a géƋ herkeda haha ta da kwola'a.

²⁶ Lèmèlèmè ara man ta gu a pats Noé, lèmèlèmè ta da gia a pats Kra-ndo.

²⁷ Ta ndau, ta sau, ta co ngwoz, to do ngwoz, ha pats man Noé a ndo a wurom, a iyam mbia'a a mshkè, a mbazl ta tèlèba.

²⁸ Lèmèlèmè a pats Lot: Ta ndau, ta sau, ta sum skwai, ta pro skwai, ta zlekau, ta rom gai,

²⁹ aman a pats man Lot a njèkeda SoƋome, vogwa a mshkèhai te zhiklè, a skwi nvècè vogwa, ara iyam, a mbazl ta tèlèba.

³⁰ Lèmèlèmè a da gia a pats nasa, aman Kra-ndo a gudko va a dai.

³¹ A pats nasa ndo man a zhè a géƋ gai, a skwi nenga'a a zhè te gai, da shkèhi ɓai, aman a Ƌè hilè'a. A ndo man a zhè te gi dau, da mena a deɓa a ngwi ɓai.

³² Vahur ma ngwoz Lot!

³³ Ndo man a woya a mbél nshèffè na a ri na, a da zede nshèffè na. Ndo man a da zede nshèffè na, a da ngècè a deɓa.

³⁴ I gaƋa kinè: cèw ta mana a sam staƌ, staƌ ta cè'a, ngiƌè ta jèkeda.

³⁵ Ngwozi cèw ta shiƋè, staƋ ta cè'a, ngiƋè ta jèkeda.

³⁶ Te va ndohi cèw te gi dau, staƋ ta cè'a, ngiƋè ta jèkeda.

³⁷ A ta gaƋa na: Bai, tema? A nenga'a a m'mbeƋa ta a ma: A sam skwi m'metsa'a, mohoƋokihi ta haya a pa.