Luke 15 - Mofa New Testament

¹ Ndohi ncèkèlè skwai, a ndohi malihai tèlèba ta herda na va, aman ta tsena ma nenga'a.

² A ndohi pharisie, a malamhai, ta gu ndav, a ta gaƌa: Nenga'a a ndi skwi n'ndai a nda ndohi malihai.

³ A Yèsu a ngaƋa ta a ngèlègèƋma haha:

⁴ Te ndev kinè, ndo man a ngots tambakhi tèmèrè, staƋ te va'a a nze na; a njèke ta 99 ngiƋè t'hèshèkèƋ, a woy tambak man a ze na, ha a n'ngotso, ɓi wa?

⁵ Aman a ngotso, a feda a da'ai, a wuffè.

⁶ Aman a shkè ngwai, a baba ta mandalahi nenga'a, a nslamagihi nenga'a, a gaƋa ta: Ngo-wuffokoya, i ngots tambak ga man a ze na, a deɓa.

⁷ I gaƋa kinè. Lèmèlèmè ta wuffè te zhiklè te géƌe'a, a geƋ ndo mali staƋ, man a ngwèƋè ndav na, a fena ndohi 99, man ta gaƋa, nga ndohi nzura'a, a ta woya a ta ngwèƋè ndav, ta ɓai.

⁸ Ngwoz ngiƋè, man a ngots suli nenga'a 10, staƋ a nze na, a tiv vogwa azɓi Ƌè, a pècè gai, a woya'a, ha a n'ngotso.

⁹ Man a ngotso, a baba ta ngwoƋahi na, a nslamagihi na, a ngaƌa ta: Ngo-wuffokoya, i ngots suli ga, man a ze na, a deɓa!

¹⁰ I gaƋa kinè: Lèmèlèmè golahi Zhiklè ta wuffè a géƋ ndo mali staƋ, man a ngwèƋè ndav na.

¹¹ Ndo ngiƋè a n'ngots wud ngurhi cèw.

¹² Ntabawa'a a ngaƋa na bab na: Bab ga, kezla nga skwi n'ndi gi nga! A bab ta a nkezla ta skwi ta.

¹³ Te deɓa kètè ntabawa'a a mɓica skwi na tèlèba, a mdo a kokwar ngiƋè dra, a ngu falai, a n'ndeva skwi na tèlèba.

¹⁴ Aman a n'ndeda skwi nenga'a a ma, mi a ngu a kokwar matsa, a mi a n'nga na nenga'a ba.

¹⁵ A ndzodzor ndo ngiƋè te kokwar, a nenga'a a nzlinda a dak, aman a ɓir wodalahai.

¹⁶ A woya a ndhè hwaƋ na a skwi n'ndi wodalahai. Aman ndohi ta va na ɓai.

¹⁷ Te deɓa'a a nhuro, a ngaƋa: Bab ga a n'ngots ndohi mizlinè, tèlèba a ta ngots skwi n'ndi davdava'a, aman iyè i tiƋ ga a mai.

¹⁸ I woya man i slèmbèƋè, a i Ƌè a sam bab ga, a i gaƋa na: Bab ga, i gu malai a sam Zhiklè, a sam ngaya.

¹⁹ Anai ka babayè kra ngaya ɓai! Giyè a ndo mizlinè ngaya!

²⁰ A nslambaƋa, a mdo a sam bab na. Aman dra dai, bab nenga'a a nrka'a, a nsu te va, a nha na ma, a nkelawa na ri a da'ai, a mbiƋè'a.

²¹ A kra nenga'a a ngaƋa na: Bab ga, i gu malai a sam Zhiklè, a sam ngaya. Ani haha ka babayè kra ngaya ɓai!

²² Aman bab nenga'a a ngaƋa ta ɓèlèlihi nenga'a: VockoƋi maslaka mbela'a, vava na a va. Vava na tèslri a rai, a kin pa na kotokoroh a sak!

²³ VackoƋi krazlè ngra'a, vakeƋa'a, ngondokoya, ngo-wuffokoya!

²⁴ Kra ga haha, ara man a mets na ma, a n'ngots nshèffè a deɓa. A nze na ma, a i ngotso. A ta hüno a ta wuffè.

²⁵ Aman tsuvoma'a nte dak. Ndul ndul a ndikkaƋa ngwai, a ntsena nhèzlèwè ngolala.

²⁶ A mbaba na staƋ te va ɓèlèlihi na, a ndzhoƋo: Ta gi haha mè?

²⁷ A nenga'a a ngaƋa na: Kramam ngaya a mshkè ngwai. A bab ngaya a nkeƋa krazlè ngra'a, te man a ngotso a deɓa, skwa a dza na azɓai.

²⁸ A kramam nen­ga'a a ngu ndav, a woya a nƋè a sama ɓai. A ɓab nenga'a a ndo a sam na, a ntsa na rai.

²⁹ A nenga'a a m'mbeƋa na a ma bab na: Na haha, mvi kumba i gu mizlinè ngaya, i fu gèƋ a ma ngaya pèc pècèk, a ka vay ɓok ɓai, ko staƋ ba, aman i wuffè a nda mandalahi ga.

³⁰ Aman antanta kra ngaya a mshkè a deɓa, a n'ndeva skwi na tèlèba a falai, ka keƋa na krazlè ngra'a.

³¹ Aman bab na a ngaƋa na: Kra ga, ka zhè a sam ga pèc pècèk. Skwi ga, skwi ngaya.

³² Sèi nga wuffè, a nga gi langlanga'a, aman kramam ngaya haha ara man a mets na ma, a n'ngots nshèffè a deɓa. A nze na ma, a ta ngots a deɓa.