Luke 14 - Mofa New Testament

¹ Te deɓ nasa, a pats nshèk va, a ndo a gi bi ndohi pharisie ngiƋè, aman a ndi skwi te pa. A ta pu dia'a.

² A ndo ngiƋè a zhè a sam na, goƋa t'hwaƋ.

³ A Yèsu a hüno man a ngaƋa ta ndohi njèngè ma kita a ndohi pharisie: Amba, aman nga mbél ndo a pats nshèk va Ƌè, ambaɓi Ƌè?

⁴ A ta nza tètè. A Yèsu a ngso ria'a, a m'mbela'a, a mpra'a.

⁵ A ngaƋa ta: Te ndev kinè, man kra na, man zlè na, nkala a thal iyam, ko a pats nshèk va a ckoƋauda tsam tsam azɓi wa?

⁶ A ta slaha ta mbeƋa na a ma ɓai.

⁷ A ngaƋa ta ndohi man ta baba ta a sam skwi n'ndai, a ngèlègèƋma (te man a rka, ta woya sam n'nzi mbela'a), a ngaƋa ta:

⁸ Aman ta baba ka a sam ngolala nfi ngwoz a gai, ko do a ka nza a sam mbela'a ɓai.

⁹ Aman ndo mbia'a, man a baba kin cèw a sam ngolala, a gaƋa ka: Vana sam n'nzi a ndo sa! ka Ƌè a sam n'nzi te deɓa'a a hori a dai.

¹⁰ Aman ta baba ka a sam ngolala, ka Ƌè, a ka nzi a sam n'nzi te deɓa. Aman a shkè, a baba ka, a gaƋa ka: Mandal ga, washkè, a ka nza a ma! Ka ngots n'njèlè a sam di ndohi tèlèba, man kinè a sam skwi n'ndi a nda tenga'a.

¹¹ Aman ko wawa man a grè gèƋ na a ri na, ta manda na gèƋ a hai. Ko wawa man a manda gèƋ na a hi a ri na, ta da slambaƋda na gèƋ na.

¹² A ngaƋa na ndo man a baba na a skwi n'ndai: Aman ka ti skwi n'ndai a geƋ pats, a skwi n'ndi dakwad, ka baba ta mandalahi ngaya ɓai, kramamhi ngaya ɓai, gwoli ngaya ɓai, ndohi mèshèlè a ntamagi ngaya ɓai. Te man tenga'a ta baba ka za'a, a ta pela ka skwi ngaya a vna sa.

¹³ Aman ka ti skwi n'ndai, baba ta ndohi ntawassa'a, ndohi vedal, ndohi man wuƌi ta azɓai, ndohi mandazlai.

¹⁴ A mwuffè a zhè a sam ngaya, aman ta ngatsa skwi man ta pela ka a vna ɓai. Zhiklè a da pela ka, a pats man ndohi nzura'a ta slambaƋkaƋauda te m'metsai.

¹⁵ Aman ndo ngiƋè man ta nza a sam skwi n'ndi a vna, a ntsena ma haha, a ngaƋa na: Mwuffè a sam ndo man a ndi movar te kokwar Bi Zhiklè!

¹⁶ Aman Yèsu a ngaƋa na: Ndo ngiƋè a zhè, a ntu skwi n'ndi ngolala nenga'a mbia'a, a mbaba ta ndohi kumba.

¹⁷ Aman nta ma, anzlindetaɓèlèlihi nenga'a, aman ta gaƋa ta ndohi man a baba ta: Vowashkè, skwi tèlè ntila ma!

¹⁸ A ta hüno a ta ngreda ta, staƌ staƌ tèlèba: Nshèlèkura'a a ngaƋa: I sum gi dau, anai sèi i da zeɓia'a. Ria azɓai!

¹⁹ NgiƋè a ngaƋa: I sum zlèhi kula, sèi i Ƌè wèrè'a. Ria azɓai.

²⁰ Mamakara'a a ngaƋa: I co ngwoz, i slaha ì Ƌè azɓai.

²¹ A ɓèl ndo matsa a mshkè, a m'menda na tèlèba a bi nenga'a. A bi a ngu ndav, a ngaƋa na ɓèl nenga'a: Do a civèƋ tsam tsam, do a gaba kokwar, a ka helka ta ndohi ntawassa'a, ndohi vedal, a ndohi man wuƋi ta azɓai, a ndohi mandazlai.

²² A ɓèl nenga'a a ngaƋa: Bai, nga gu arsa, aman sam n'nzi a zhè genè.

²³ A bai a ngaƋa na ɓèl nenga'a: Vodo a civèƋ, a dal kokwar, vatétika ta, aman ta shkè, a gi ga a ndhè.

²⁴ Aman i gaƋa kinè, tc va ndohi man i baba ta nshèlèkura'?, ko staƋ a tèr skwi n'ndi ga azɓai.

²⁵ A ndohi rèƋèƋè'a ta dzodzora, a nenga'a a n'ngwoda ta ma, a ngaƌa ta:

²⁶ Ndo man a shkè a sam ga, a ngwoda na deɓa a bab na, a mam na, a ngwoz na, a wudahi na, a kramamhi na, a demamhi na, a nshèffè nenga"a tèlèba, azɓai, a slaha man a ngi a gol ga ɓai.

²⁷ A ndo man a zhüɓ wof ngézlèl na azɓai, a dzadzarkayè, a slaha a ngi a gol ga ɓai.

²⁸ Te ndev kinè, ndo man a woya a nrèm gi mbia'a: a n'nzi a hi nshèlèkura'a azɓi wa, a hér gania'a a skwi tèlèba man a gi gi a vna.

²⁹ Man ɓai a hinè verzia'a, a slaha a nrufagi bai, tèlèba man ta rka'a, ta da ngwossaha, a ta gaƋa:

³⁰ Ndo haha a hüno nrèm gai, a slaha man a nrufa ɓai.

³¹ Te ndev bihi man a gi var a bi ngiƋè: a nzi a hi nshèlèkura'a azɓi wa, a nhérè'a: nga ndohi 10.000, nga slaha nga gi var a ndohi 20.000 Ƌè?

³² Aman a rka, a slaha ɓai, a zlinde ta ndohi sak na, aman ta mènƋè gumi a hai.

³³ Gar haha kinè lèmèlèmè: ndo man a kwèl skwi nenga'a tèlèba azɓai, a slaha a ngi a gol ga ɓai.

³⁴ Boma skwi man amba. Aman boma a jèn ɓai wurzkwurzka'a, ta da vrè a mè?

³⁵ Ko ta pa na a va herkeda ba, ko ta pa na a va ndaderƌa ba, ambaɓi genè, a ta wushedaussa. Ndo man zlembaƋ na a zhè, da tsena'a!