Luke 13 - Mofa New Testament

¹ A pats nasa ndohi ngiƋè ta zhè, a ta menda na Yèsu: Pilate a nhumda pombaz ndohi Galilée a pombaz skwi man ta va na Zhiklè.

² A Yèsu a m'mbeƌa ta a ma: Kin huro, mba mali ndohi Galilée haha a ndohi Galilée ngiƌè Ƌè? A géƌ man ta su matakwan aranta.

³ I gaƌa kiné: A'ai! Aman kin ngwéƋè ndav kinè azɓai, kin da zi kinè lèmèlèmè.

⁴ Aman ndohi ngiƌè 18, man gi ngurè'a te Siloé a m'mbeƌa ta a gèƌ, kin huro, mba mali ta a gèƌ ndohi ngiƌè te kokwar Jérusalem ƌè?

⁵ A'ai; aman kin ngwèƋè ndav kinè azɓai, kin da zi kinè lèmèlèmè.

⁶ A ngaƋa ta a ngèlègèƋma: Ndo ngiƋè a n'ngots wof kslor te ndev gi wof barassa na. A mshkè, a woya nyi wof te pa, a n'ngatsa ɓai.

⁷ A ngaƋa na ndo mɓer gi wof barassa: Na haha, mvi makar man i shkè, a i woya nyi kslor haha, à i ngatsa ɓai. Ngela'a! A ɓaray gi wof barassa ga èhèmè?

⁸ A nenga'a a m'mbeƋa na a ma: Bai, jèkedaavi naƋai, ai pizhègerziaƋai, a i nƋèrh ndaderƌa a verzia dai.

⁹ Aman te deɓa'a a yi wuda, amba; man ɓai ka da ngeldaussa.

¹⁰ A pats nshèk va Yèsu a nsenda ta te gi njèngè ma Zhiklè.

¹¹ Na haha, ngwoz ngiƋè a zhè, mèzhèb ambaɓia'a a ga na, mvi 18, nhurva'a, a slaha a nzlècèƋè va ɓai.

¹² Aman Yèsu a rka'a, a mbaba na, a ngaƌa na: Ngwoz, ka mbela te ri matakwan ma!

¹³ A mfa na ri a gèƋ, a nasa nasa nzlatsa sara'a, a nslubordo Zhiklè.

¹⁴ Aman ndo mɓer gi njèngè ma Zhiklè a ngu ndav, a géƋ man Yèsu a mbela'a a pats nshèk va. A hüno a ngaƋa ta ndohi rèƋèƋèa: M'mèn mokwa ta gi mizlinè. Vowashkè, da mbel kinè te matakwan t'hwaƌ m'mèn mokwa, a pats nshèk va ka ɓai!

¹⁵ A Bai Yèsu a ngaƋa na: Ndohi n'ngwèƋè ndo! Kin prè zlè a kƋèh auda te kuƋom, a kin de ta a ma iyam a pats nshèk va azɓi Ƌè?

¹⁶ Aman ngwoz haha, dem Abraham, man SaƋan a ndzawa'a mvi 18, da pra teɓa nenga'a á pats nshèk va ɓi ƌè?

¹⁷ Aman a ngoƌ ma haha, ndohi tèlèba man ta sassaya ndav ta a sam na, ta gu horai. A ndohi rèƋèƋè'a ta wuffè a géƌ skwi mbia'a tèlèba man Yèsu a gau.

¹⁸ A ngaƋa: I lèmƋè kokwar Bi Zhiklè a mè?

¹⁹ Nenga'a ara tser gevda, man a nwushahai a gi dau ndo ngiƋè. A grè, a grè, a gi a wof, man ƌiakihi t'hwaƌ giƌfèk ta gi gi ta a hwaƌa'a.

²⁰ A ngoƋ za'a: I lèmƋè kokwar Bi Zhiklè a mè?

²¹ Lèmèlèmè ara skwi nshégèr skwai, man ngwoz a nco, a nhumda na va a gufa, a gi agoƋa 30, ha tèlèba nsegara'a.

²² A Yèsu a nsawala te kokwar mbia'a, te kokwar nkèshèa tèlèba, a nsenda ta. A ndo a kokwar Jérusalem.

²³ A ndo ngiƋè a ngaƋa na: Bai, ndohi kètè genè, man ta mbél ta Ƌè? A Yèsu a ngaƌa ta:

²⁴ Vagu wuƌai, a kin bizhè a ntamagi nlüha'a. I gaƌa kinè, ndohi kumba ta woy a ta Ƌè a pa, aman ta slaha ɓai.

²⁵ Te deɓa'a, aman babgia'a a nslambaƌa, a mpizla ntamagi ma, a kin zlatsa t'uda, a kin bèhè a ntamagai, a kin gaƋa: Bai, wina nga! A nenga'a a da mbeƋa kinè a ma: I sun sam man kin shkè te pa ɓai!

²⁶ Te deɓa'a kin hinè a kin gaƋa: Nga ndau skwi a nda ka, nga sau skwi a nda ka, a ka senda nga a gaba nga.

²⁷ A nenga'a a da gaƋa ta: I gaƋa kinè, i sun sam man kin shkè te pa ɓai. Vakazlay auda a tsagai, kinè ndohi mphömè!

²⁸ Te deɓa'a kin kuƋai, a kin peƋi zlè'èn. A kin da rka Abraham, a Isaac, a Jacob, a ndohi nhadka ma te kokwar Bi Zhiklè. A kinè, ta dzam kinè auda.

²⁹ A di ndohi ta shkè te man a verzi gai, te géƋè'a, te tsagi te tsagai, a ta ndi skwi te kokwar Bi Zhiklè.

³⁰ A na haha, ndohi ngiƋè te va n'ndikèma ndohai, ta da ndi a ndohi nshèlekurhia'a. A ndohi nshèlèkurhia'a ta da ndi a n'ndikèma ndohai.

³¹ A pats nasa ndohi pharisie ngiƋè ta shkè, a ta gaƋa na: Do ngaya, jèkeda sam haha, aman Hérode a woya a keƋ ka. A nenga'a a ngaƋa ta:

³² Vodo, a kin gaƋa na zhüzhok ndo'a: Na haha i jèr madzagihai, i mbél ndohi matakwan, a patsna, angoslèm dai. Te pats mamakara'a i da ndeva mizlinè ga ma.

³³ Aman sèi i shèwèlè a patsna, angoslèm, anvakastaƋ dai. Ambaɓai, aman ndo nhadka ma a metsi na dra a kokwar Jérusalem.

³⁴ Jérusalem, Jérusalem, man ka bazl ta ndohi nhadka ma, a ka kal ta ndohi man Zhiklè a zlinde ta a sam ngaya, a kwa! Sak ngama, man i woy a i ɓic ta wudani ngaya a sam ga, ara wotsak man a ɓic ta wudahi na a hwaƋ kelpasl na. A kin woya ɓai.

³⁵ Na haha, ta da jèkeda gi kinè a dikai. Aman i gaƋa kinè: Anai kin da rkayè asaɓai, ha pats man kin da gaƋa: Nga slébèrƋè nenga'a man a shkè a nzlembaƋ Bi Zhiklè.