Luke 12 - Mofa New Testament

¹ Aman ndohi a gi gozhèm go zhèm kumba ta ɓica va, sam mbècè sak azɓai, a hüno a ngaƋa ta golahi nenga'a nshèlèkura'a: Vagu maya a sam skwi ndohi pharisie man a shégèrè; aman nenga'a skwi n'ngwèƋè ndo.

² Aman skwi man mpizlèa pa, azɓai, man a di a giƋè va auda azɓai. A skwi man ta gu a metsar azɓai, man ndo a di a shinè azɓai.

³ Gar haha ma man kin goƋo te i uva, a cinè a sam nhela'a. A skwi man kin gaƋa na a ndo ngiƋè a metsar te gai; kala auda a géƋ gai.

⁴ I gaƋa kinè, mandalahi ga: Kin gu zlau tenga'a ɓai, man ta keda va kinè, te deɓa'a ta slaha ta ga kinè skwi ngiƋè ɓai.

⁵ Aman i woya man i ngra kinè nenga'a man sèi kin gi zlaua'a: vagu zlau nenga'a, man te deɓ man a keƋe kinè, a slaha man a kalda kinè a vogwa kita. Halau, i gaƋa kinè, vagu zlau nenga'a!

⁶ Ta prè shishihi zlam a suli cèw ka ɓi ƌè? Ko'staƌ a mpca na a gèƌ a Bi Zhiklè ɓai.

⁷ Ko gwots gèƌ kinè n'ngra'a tèlèba. Kin gu zlau ɓai, kin fena shishihi kumba.

⁸ Aman i gaƋa kinè: Ko wawa man a ngredyè auda a sam ndohai, Kra-ndo ba a ngréƋè'a a sam golahi Zhiklè.

⁹ Aman ko wawa man a gi ara man a senyè ɓai a sam ndohai, Kra-ndo a da gi ara man a sun nenga'a ɓai a sam golahi Zhiklè.

¹⁰ Ko wawa man a gèƋè ma ambaɓia'a staƋ a géƋ Kra-ndo, mali nenga'a a prè. Aman nenga'a man a derƋa Mèzhèɓ Zhiklè nkezla'a, mali nenga'a a prè azɓai.

¹¹ Aman ta de kinè a sam ndohi njèngè ma Zhiklè, a sam bihai, a sam kita, kin gu zlau ɓai a géƋ ma man kin woy a kin gaƋa ta, ara man kin tsoko gèƋ kinè auda.

¹² Aman Mèzhèɓ Zhiklè nkezla'a a da ngra kinè skwi man kin gèƋè'a a pats nasa.

¹³ Ndo ngiƋè te va ndohi rèƋèƋèa a ngaƋa na: Ndo njèngè ma, gaƋa na kramam ga, aman nga kezla skwi n'ndi gi bab nga.

¹⁴ A Yèsu a ngaƌa na: Masli ga, a mfiyè a ndo kita, a ndo nkezli skwi a sam kinè wa?

¹⁵ A ngaƋa ta ndohi tèlèba: Varka'a, vagu maya a ntétékè skwai. Ndo a nzi a nshèffè azɓai, a géƋ skwi man a ngotso kumba.

¹⁶ A ngaƋa ta ngèlègèƋma: Ndo mèshèlè ngiƋè a mɓüco skwi kumba te gi dau na.

¹⁷ A nhuro: I gi kè? I ngatsa sama man i ɓica a pa ɓai. A ngaƌa: I woy a i gi ar haha:

¹⁸ I ngèzleda wov ga a hai, a i rèm ngiƌè, mbia'a. I woya man i ɓicè skwi ga tèlèba a pa, a i woya man i gèƋè te ndav ga:

¹⁹ Ka ngots skwi kumba, te di mvi a vata ba. Sok va, ndau skwai, sau skwai, wuffa!

²⁰ Aman Zhiklè a ngaƋa na: Ka rzla! A vaƋ haha Zhiklè a da jhèƋè nshèffè te ri ngaya, a skwi man ka ɓica haha, a nda ndia'a wa?

²¹ Gar haha ndo man a ɓicè skwai a va na, a n'ngatsa skwi mèshèlè a sam Zhiklè ɓai.

²² A ngaƋa ta golahi nenga'a: Gar haha i gaƋa kinè: Kin hur gèƋ a géƋ nshèffè kinè ɓai, a géƋ skwi man kin ndia'a, a géƋ va kinè, a géƋ skwi man kin fí a va.

²³ Nshèffè a fena skwi n'ndai, va a fena maslaka.

²⁴ Varka Ƌiakihai, ta zleki azɓai, ta ɓicè skwi azɓai, ta ngatsa gi a wov ɓai, a Zhiklè a mva ta skwi n'ndi genè. A kin fèn ta Ƌiakihi a vata ba!

²⁵ Te ndev kinè wa, man a slaha a nƌerƌa na va a ngurè nenga'a, ntsi ri staƌ?

²⁶ Aman kin slaha a kin ga ko skwi nkèshèa ɓai, kin hér gèƌ zlau a géƌ skwi ngiƌè èhèmè?

²⁷ Varka nwurzhè mbèbèzh. Ta min gogumi azɓai, tagi mizlinè azɓai. Aman i gaƋa kinè, ko Salomon a n'njèl nenga'a tèlèba n'nga ara staƋ te va tenga'a ɓai.

²⁸ Aman Zhiklè a va na va a kuza arsa, nenga'a man a patsna a zhè, angoslèm ta wusheda vogwa, a sam kinè a gi arsa holhola'a azɓi Ƌè? Kinè ndohi man kin ca a ndav kumba ɓai!

²⁹ Gar haha kin dzhoƋ ɓai, a kin gaƋa: Nga da ndi mè, nga da si mè, kin gu zlau ɓai! Aman ndohi herkeda ta hér gèƌ arsa.

³⁰ Bab kinè a sun skwi man kin tèkwènè'a.

³¹ Aman vahur kokwar Bi Zhiklè, a kin ngècè skwi haha tèlèba a deɓa'a.

³² Kin gu zlau ɓai, kinè rèwè nkèshèa; aman Zhiklè a woya a va kinè kokwar Bi nenga'a.

³³ Vapreda skwi kinè a ma, vava ta skwi a ndohai, vadoho gozhèm, man ta hèlè azɓai, a kin ɓüco skwi mèshèlè man a zi azɓai te zhiklè, a sam man ndo metsar a Ƌè a pa azɓai, a pombok a ndia'a azɓai.

³⁴ A sam man skwi mèshèlè kinè a pa, ndav kinè ba a pa.

³⁵ Vatka hwad kinè; pitirla kinè da zhè a vogwa te pa!

³⁶ Vagu lèmèlèmè ara ndohi man ta zhèr bi tenga'a. Aman a slèmbèƋè a sam ngolala nfí ngwoz a gai, a shkè, a bèhè a ntamagai, ta winè na tsam tsam.

³⁷ Mwuffè a sam ɓèlèlihai, aman bi tenga'a a shkè, a n'ngats ta, ta nzhun ɓai. A vava i gaƋa kinè: A da tke hwaƋ, a pe ta a table, a va ta skwi n'ndai.

³⁸ Gar a shkè a vaƋ, gar a shkè a prèk vaƋ, a n'ngats ta arsa mwuffè a sam ɓèlèlihi sa.

³⁹ Aman skwi haha vasuna! Aman babgi a suna, sam tèkè ndo metsar a shkè, ar a nzhun azɓai, a va na civèƋ azɓai, aman a zlinè gi nenga'a.

⁴⁰ Kinè ba, vanza, ntila, aman Kra-ndo a shkè a pats man kin hur ɓai.

⁴¹ A Pierre a ngaƋa na: Bai, ka gèƋè ngèlègèƋma haha a sam nga genè Ƌè, Ƌè a sam ndohi tèlèba Ƌè?

⁴² A Bai a ngaƋa: Ɓèl nlèɓèslèa, man a sun maya, wa, man bi a mvau a ndo mɓer ndohi mizlinè nenga'a, aman a va ta skwi n'ndi ta tiƋè sama zura'a?

⁴³ Mwuffè a sam ɓèl sa, aman bi nenga'a a shkè, a ngècè'a, a gi arsa.

⁴⁴ A vava i gaƋa kinè, a da fí a bai a géƋ skwi nenga'a tèlèba.

⁴⁵ Aman ɓèl sa a hérè'a te ndav na: Bi ga a gi ndudoh, a shkè azɓai, a hinè a tsi ndohi a ngwozi mizlinè, a ndi skwai, a si zom, ha zom a keƋa'a,

⁴⁶ bi ɓèl matsa a shkè a pats man nenga'a a nhéra ɓai, a pats man a sun ɓai, a kéƋè'a, a va na skwi na ara man a va ta ndohi n'ngwèƋè ndo.

⁴⁷ Aman ɓèlè man a sun skwi man bi na a woya'a, a ntila nshèffè na ɓai, a ngu skwi ara bi nenga'a a ngaƋa ɓai, ta da nƋèha'a a vata.

⁴⁸ Aman ndo man a sun skwi man bi a woya ɓai, ta nƋèhè kètè genè. Te ri ndo staƋ staƋ tèlèba, man ta va na skwi kumba, ta jhèƋè skwi kumba. Te ri ndo, man ta va na a ri skwi kumba, aman a ɓerè'a, ta jhèƋè holhola'a.

⁴⁹ I shke, aman i vècè vogwa a géƋ herkeda; i woya aman nvatsa ma!

⁵⁰ Aman baptême ga a zhè, man ta gayè. Ha n'nga ma, a hérdyè.

⁵¹ Kin hur te ndav kine, i shkè aman i ckoƋi gumi a herkeda Ƌè? Azɓai! I gaƋa kinè, i shkè aman i kezla ta gèƋ ndohai.

⁵² Anai te gi staƋ, ndohi zlam ta zhè, ta ngi gèƋ a va; ndohi makar ta ngi gèƋ a va ndohi ncèwa'a, ndohi cèw ta ngi gèƋ a va ndohi m'makara'a.

⁵³ Bab kra a kra na, a kra a bab na; mam dam a dem na, a dema'a a mam na; mam bakai a ngwoz kra na, a ngwoz kra a mam baki na.

⁵⁴ A ngaäa ta ndohi rèƋèƋèa: Aman kin rka vanai a gi te verzi gai, kin gèƋè tsam-tsam: Iyam a shkè a gi arsa.

⁵⁵ Aman kin rka kozlar a gi te man a nkèl pats, kin gaƋa: Vazaza a shkè a gi arsa.

⁵⁶ Ndohi n'ngwèƋè ndo! Skwi herkeda agiƋfèk kin sun nƋèlè'a; kin Ƌèl skwi man a gi a haha azbi èhèmè?

⁵⁷ Kin Ƌèl skwi nzura'a te ndav kinè a ri kinè azɓi èhèmè?

⁵⁸ Aman kin Ƌè a ndo shèwa ngaya a sam bai, gu maya, man kinè a civèƋ dai, aman a mpre ka a gumai, man ɓai a da va ka a ri a ndo kita, a ndo kita a da va ka a ri a sojè, a sojè a da kalde ka a dangai.

⁵⁹ I gaƋa ka: Ka shkè auda te pa ambali azɓai, sèi ka pau suli skwi tèlèba, ko sissi a pcè a deɓa azɓai.