Jean 8 - Mofa New Testament

¹ A Yèsu a mdo a za oliviers.

² A prèk te gai a mshkè a deɓa a gi Zhiklè, a ndohi tèlèba ta shkè a sam na. A Yèsu a n'nzahai, a nsenda ta.

³ A ndohi malamhai, a ndohi pharisie, ta cko ngwoz ngiƋè a sam na, man ta gso a géƋ mphömè, a ta fèda a ndev nhèyè ndo,

⁴ a ta gaƋa na Yèsu: Ngwoz haha, nga gskoƋai a géƋ mphömè antanta.

⁵ Moise a ngaƋa nga te ma kita Zhiklè, ndo man a gu aranta, nga keƋa'a a kwa. Ka gaƋ ar ka kè?

⁶ Ma haha ta gaƋa na, aman ta jkeda'a. Ta woy maya aman ta pinè'a. A Yèsu a nguɓda deɓa a hai, a mwinƋè t'herkeda a rai.

⁷ Aman ndohi ta jhèƋè genè, ta jèka ɓai. A nenga'a a nslambaƋda deɓa, a ngaƋa ta: Ndo man a zhè te ndev kinè, man mali na azɓai, da co kwa, da kolo nshèlèkura'a.

⁸ A Yèsu a nguɓda deɓa a hi za'a, a mwinƋè t'herkeda.

⁹ A ndohi man ta tsena ma nenga'a, to do ta, ngiƌè a jèjèr ngiƌè te deɓa, ngiƌè a jejèr ngiƌè te deɓa, a hüno te ndohi nhala'a. A ta jèkeda Yèsu a ngwoz matsa a pa a géƌ ta.

¹⁰ A Yèsu a nslambaƌda deɓa, aman a rka ndo ngiƌè ɓai, a ngaƌa na ngwoz: Ngwoz, ta tema? Ko ndo staƋ a ga ka kita a gèƋ azɓi Ƌè?

¹¹ A ngwoz a ngaƋa na: Bai, ko staƋ ba. A Yèsu a ngaƋa na: Anai ko iyè, i ga ka kita a gèƌ azɓai. Do ngaya! Aman te deɓ nta ka da gu mali asaɓai!

¹² A Yèsu a ngaƋa ta za'a: Iyè, skwi nhél sam herkeda. Ko wawa man a dzadzarkayè, a Ƌè te ruva azɓai, aman a ngècè skwi nhèl sam nshèffè.

¹³ A ndohi pharisie ta gaƋa na: Ka ngreda va ngaya auda a ri ngaya. MalwuƋi ngaya haha nzura ka ɓai.

¹⁴ A Yèsu a m'mbeƋa ta a ma: Aman i ngreda va ga auda a ri ga, malwuƋi ga nzura'a. Aman i sun sam man i shkè te pa, a i sun sam man i Ƌè a pa. Kinè, kin sun sam man i shkè te pa a sam man i Ƌè a pa ɓai.

¹⁵ Kin gi kita ara ndohi herkeda; iyè i gi kita a ndo azɓai.

¹⁶ Aman agassa i gi kita, kita ga nzura'a. Aman iyè a géƌ ga ka ɓai. Aman nga a Bab ga, man a zlindekayè.

¹⁷ Te ma kita kinè, ta windo. Aman malwuƋi ndohi cèw, malwuƋr nzura'a.

¹⁸ Iyè, i gi malwuƋi va ga a ri ga, a Bab ga man a zlindekayè a gi malwuƌi ba.

¹⁹ A ta gaƋa na: Bab ngaya tema? A Yèsu a ngaƋa ta: Kin senyè ɓai, kin sun Bab ga ɓai. Aman agassa kin senyè, ar kin sun Bab ga ba.

²⁰ Ma haha Yèsu a ngaƋa ta a sam koti sulai, man ta cèkèlè suli a Zhiklè. A njè ta ma te gi Zhiklè, aman ta gsa ɓai, ko staƋ, te man tiƋè sam man a nenga'a di ka ɓai.

²¹ A Yèsu a ngaƋa ta za'a: A di i Ƌè ga, a kin hassyè te deɓa'a, a kin metsi kinè te mali kinè. A sam man i Ƌè a pa, kin slaha kin Ƌè a pa ɓai.

²² A ndohi Juif ta gaƋa: A woya a nkeƌa va na a ri na ƌè? Aman a gaƋa: A sam man i Ƌè a pa, kin slaha kin Ƌè a pa ɓai.

²³ A Yèsu a ngaƋa ta: Kinè, kin shkè te goƋok; aman iyé, i shkè te géƌè'a. Kin shkè t'herkeda haha; iyè, i shkè t'herkeda haha ka ɓai.

²⁴ Gar haha i gaƋa kinè, kin da metsi kinè te mali kinè. Aman kin cè a ndav kinè ɓai, i nenga'a, kin da metsi kinè te mali kinè.

²⁵ A ta gaƋa na: Ka wa? A Yèsu a ngaƋa ta: l nenga'a man i gaƋa kinè ma.

²⁶ Ma ga a zhè kumba, man i gèƋè a gèƋ kinè, a kita a zhè man i bazla kinè a gèƋ. Aman nenga'a man a zlindekayè, nenga'a nzura'a, a skwi man i tsena te nenga'a, i gaƋa ta ndohi herkeda.

²⁷ Aman nenga'a a njè ta ma Bab na, ta sun ɓai.

²⁸ A Yèsu a ngaƋa ta: Aman kin da zlatseda Kra-ndo ma, kin da senyè; a kin da suna, i gi skwi a ri ga azɓai, sèi i gèƋè'a ara man Bab ga a sendayè.

²⁹ A nenga'a man a zlindekayè a zhè a sam ga. A jèkyè a pa a géƋ ga azɓai, te man i gi skwi man ambaba pèc pècèk.

³⁰ Aman a goƋ ma haha, ndohi kumba ta co a ndav.

³¹ A Yèsu a ngaƋa ta ndohi Juif, man ta co a ndav: Aman kin nzi te ma ga, kinè golahi ga a vava.

³² A di kin da shin ma nzura'a, a ma nzura'a a da pra kinè auda.

³³ A ta gaƋa na: Nga verzi Abraham, nga ɓèl ndo ka ɓai, ko hala'a. Ka gaƌ kè, a da pre kinè auda?

³⁴ A Yèsu a ngaƋa ta: A vava, a vava, i gaƋa kinè. Ndo man a gi malai, nenga'a ɓèl malai.

³⁵ Ɓèlè a nzi te gi a mèƋèp azɓai. Kra ngwai a nzi a mèƋèp.

³⁶ Aman kra Zhiklè a pre kinè auda, kin pra'a a vava.

³⁷ í suna, kinè verzi Abraham. Aman kin woy maya a kin kedyè, a gèƋ man ma ga ambaba kinè ɓai.

³⁸ l gèƋè ara man i rka skwi a sam Bab ga. Lèmèlèmè kinè gi skwi ara man kin tsena te ma bab kinè.

³⁹ Ta mbeda na a ma: Abraham bab nga. A Yèsu a m'mbeƋa ta a ma: Aman kinè wudahi Abraham, kin gi mizlinè Abraham ba.

⁴⁰ Aman antanta kin woy a kin kedye, i ndo njè kinè ma nzura'a, ma nzura'a man i tsena a sam Zhiklè. Abraham a n'nga ar haha ɓai.

⁴¹ Kin gi mizlinè bab kinè. A ta gaƋa na: Nga wud ndo a dala ambali ka ɓai. Bab nga staƋgenè, Zhiklè.

⁴² A Yesu a ngaƋa ta: Aman agassa Zhiklè Bab kinè, ar kin woy iyè a ndav kinè. I shkè te Bab Zhiklè, i shkè a ri ga ka ɓai. Aman nenga'a a nzlindekayè.

⁴³ Kin tsena ngèƋè ga ɓi èhèmè? Aman kin slaha kin tsena ma ga ɓai.

⁴⁴ Kinè wudahi bi madzagai, bab kinè, a kin jèjèr ntètèkè nenga'a. Nenga'a ndo nkede ndo te nhinkaƋ na, a nzi te ma nzura'a azɓai, a ma nzura'a a te ndav na ɓai. Aman a cèkèlma, di man a na. Nenga'a ndo ncèkelma, bab ncèkèlma.

⁴⁵ Aman iyè, aman i gaƋa kinè ma nzura'a, kin cè ma ga azɓai.

⁴⁶ Ndo wa te ndev kinè, man a slaha a ngray mali ga? Aman i gaƋa kinè ma nzura'a, kin ciyè a ndav kinè azɓai èhèmè?

⁴⁷ Ndo man ndo Zhiklè, a tsena ma Zhiklè. Gar haha kin tsena ɓai, te man kinè ndohi Zhiklè ka ɓai.

⁴⁸ A ndohi Juif ta mbeƋa na a ma: Nga goƋ a vava ka ɓi Ƌè, ka ndo Samarie, madzagi a ga ka!

⁴⁹ A Yèsu a ngaƋa ta: Madzagi a gay azɓai; aman i slébèrƋè Bab ga, a kin derƋyè.

⁵⁰ l woya n'njèl ga ka ɓai. Aman ngiƋè a zhè man a woya'a, a nenga'a a gi kita.

⁵¹ A vava, a vava, i gaƋa kinè: Ndo man a fi gèƋ a ma ga, a rkè m'metsi a di azɓai a mèƋèp.

⁵² A ndohi Juif ta gaƋa na: Antanta nga suna, madzagi a ga ka. Abraham a m'mets na, ndohi nhadka ma ta bazl ta; a ka gaƋa: Ndo man a fí gèƋ a ma ga, a di a tèr m'metsi azɓai a mèƋèp.

⁵³ Ka fena Abraham, bab nga, man a mets na Ƌè? A ndohi nhadka ma ba ta bazl ta. Ka fu va ngaya a wa?

⁵⁴ A Yèsu a ngaƋa ta: Aman i nzala va ga a ri ga, n'njèl ga skwi ambalai. Aman Bab ga a nzalyè, nenga'a man kin baba na Zhiklè kinè.

⁵⁵ Kin sun nenga'a ɓai. Aman iyè, i sun nenga'a. Aman i gaƋa: I sun nenga'a ɓai, i ndo ncèkèlma, lèmèlèmè ara kinè. Aman i sun nenga'a, a i fí gèƋ a ma nenga'a.

⁵⁶ Abraham bab kinè a wuffè a vata, a géƋ man a di a rka pats ga. A nenga'a a nrka ma, a wuffè ma.

⁵⁷ A ndohi Juif ta gaƋa na: Mvi ngaya az 50 di ɓai, a ka rka Abraham ma Ƌè?

⁵⁸ A Yèsu a ngaƋa ta: A vava, a vava, i gaƋa kinè: Aman Abraham az di ɓai, i zhè ar iyè ma.

⁵⁹ A ta por kwa, a ta kèlè'a. Aman Yèsu a ngheda va na, a mdo auda te gi Zhiklè.