Jean 6 - Mofa New Testament

¹ Te deɓa`a Yèsu a mdo a wud woyam mbia"a Tibériade, te Galilée.

² A ndohi rèƋèƋèa ta dzodzora, te man ta rka nrkedai man a gu a sam ndohi matakwan.

³ Aman Yèsu a golahi nenga"a to do a géƋ za, a ta nzahi a pa.

⁴ Ndul ndul Pâque, ngolala ndohi Juif.

⁵ A Yèsu a n"ngul dai, a nrka ndohi ta haya a sam na, a ngaƋa na Philippe: Nga da shum skwi n"ndi ndohi haha tema?

⁶ Ma haha a goƋa, a woya a njkéƋè"a. Yèsu a sun skwi man a woya a ngia"a.

⁷ A Philippe a ngaƋa na: Ko skwi te di gozhèm cèw a ga ta ma azɓai.

⁸ StaƋ te va golahi nenga"a, nzlembaƋ na Andrè, kramam Simon Pierre, a ngaƋa na:

⁹ Kra ngiƋèazhèahaha, movarzlam aklèfcèw te rai. Aman a sam ndohi kumba, kala mè?

¹⁰ A Yèsu a ngaƋa ta: VagaƋa ta ndohi aman ta nzahai! Kuza kumba a sama"a. A ndohi 5.000 ta nzahai.

¹¹ Yèsu a nco movar, a nshüd gèƋ, a nkezla ta ndohi man ta nza t"hai. Lèmèlèmè klèf ba, a ta ndau a ta ngeza.

¹² Aman a ngeza ía ma, Yèsu a ngaƋa ta golahi nenga'a: Vaɓica njèkèƋia'a, da ksar na ɓai!

¹³ A ta ɓica'a njekèƋi movar zlam, man ta ndaha, gaƋagar 12.

¹⁴ Aman ndohi ta rka nrkedi haha, man Yèsu a gau, ta gaƋa: Nenga'a ndo nhadka ma, man ta gaƋa, a di a shkè a herkeda, a vava.

¹⁵ Aman Yèsu a rka, ta woy a ta shkè a ta gshè'a, a ta woy a ta fi a bai, a ndo na a deɓa a za za'a. Nenga'a a gèƋ na.

¹⁶ Adakwad golahi Yèsu to do a ma woyam, a to do ta a wurom, a ta shkè a wud woyam mbia'a a kokwar Capemaum.

¹⁷ VaƋ ma; Yèsu a mshkè a sam ta di ɓai.

¹⁸ A kozlar a ngai, a nslambaƌda iyam te woyam mbia'a.

¹⁹ A ta wurr wurom, a gi km 5, a ta rka Yesu, man a shkè a gèƋ iyam, ndul ndul a ma wurom, a ta gu zlau.

²⁰ A Yèsu a ngaƋa ta: I zhè! Kin gu zlau ɓai!

²¹ A ta woy a ta cè a wurom, a nasa nasa wurom a ndikè a dzah.

²² Te mangoslèma`a, ndohi nhaya'a te wud woyam, a dzah, ta rka wurom ngiƌè ɓai, sèi man a golahi Yèsu, man ta shkè a vna. Ta suna, a ta gaƌa. Yèsu to do te pa a golahi nenga'a ɓai. Sèi golahi nenga'a man to do a vna.

²³ Te deɓa'a wuromhi ngiƋè ta shkè te kokwar Tibèriade, ndul ndul a sam man ta ndau movar, te deɓ nshid gèƋ Bai Yèsu.

²⁴ Aman ndohi ta rka'a, Yèsu azɓai, a golahi nenga'a t'azɓai, tenga'a ba to do a wuromhai, a ta shkè a kokwar Capemaum, a ta hèsh Yèsu.

²⁵ Aman ta ngotso t'wud woyam mbia"a, tagaƋa na: Rabbi, ka shkè haha a ngèmè?

²⁶ A Yèsu a m"mbeda ta a ma: A vava a vava i gaƋa kinè, kin woy iyè a gèƋ man kin rka nrkedi ka ɓai, aman a géƋ man kin ndau movar man a ngeza kinè.

²⁷ Kin gu mizlinè a gèƋ skwi n"ndi man a di a géƌèsh na ɓai, aman a gèƋ skwi man a va kinè nshèffè a mèƋèp, nenga'a man Kra-ndo a di a va kinè, Kra-ndo man Zhiklè, Bab na, a tsoko na va,

²⁸ A ta gaƋa na: Nga da gi be kè, aman nga gi mizlinè Zhiklè?

²⁹ A Yèsu a m'mbeƋa ta a ma: Na haha mizlinè Zhiklè, aman kin cè nenga'a man Zhiklè a zlündkoda, a ndav kinè.

³⁰ A ta gaƋa na: Ka ngra nga nrkedi mè, a nga ce ka a ndav? Ka gi mè?

³¹ Bababhi nga ta ndau manna t'hèshèkèƌ, ara man ta windo te ƌèlèwèr Zhiklè: A mva ta movar te zhiklè.

³² Yèsu a ngaƋa ta: A vava, a vava, i gaƋa kinè, Moise a mva kinè movar te zhiklè ka ɓai. Aman Bab ga a va kinè skwi n'ndi zura'a te zhiklè.

³³ Nasa movar Zhiklè, man a shkèhi te zhiklè, a va ta nshéffè a ndohi herkeda.

³⁴ Ta gaƋa na: Bai, vanga movar haha pèc pècèk!

³⁵ Yèsu a ngaƋa ta: Iyè movar nshèffè. Ko wawa man a shkè a sam ga, mi a da keƋa'a te deɓa'a azɓai; ko wawa man a cyè a ndav na, iyam a da dza na te deɓa'a azɓai.

³⁶ Aman i gaƋa kinè, kin rkayè, aman kin cyè a ndav ɓai.

³⁷ Ndohi tèlèba man Bab ga a payè, ta shkè a sam ga. Ko wawa man a shkè a sam ga, i ckoƋauda azɓai.

³⁸ I shkè te zhiklè, a i gi skwi ara ndav ga man a woya ka ɓai. I shkè, aman i gi skwi man nenga'a man a zlindekayè a woya'a.

³⁹ Nasa skwi man nenga'a man a zlindekayè a woya'a: aman te va ndohi tèlèba man a payè, ko staƋ i zhiƋè azɓai, aman i slambaƋde ta a pats n'ndikèma skwai.

⁴⁰ Aman nasa skwi man nenga'a man a zlindekayè a woya'a. Aman ko wawa man a rka kra na, a cè nenga'a a ndav na, a ngècè nshèffè a mèƋèp, a i slambaƋda a pats n'ndikèma skwai.

⁴¹ A ndohi Juif ta gu ma a géƋ ma nenga'a, man a gaƋa: Iyè movar man a shkèhai te zhiklè. A ta gaƋa:

⁴² Nenga'a Yèsu, kra Joseph, man nga sun bab na, a mam na, ka ɓi Ƌè? A gaƋ haha mè, man a gaƋa: I shkèhai te zhiklè?

⁴³ A Yèsu a m'mbeƋa ta a ma: Kin gu ma a va kinè ɓai!

⁴⁴ Ndo ngiƋè a slaha a nshkè a sam ga azɓai, sèi man Bab ga man a zlindekayè a vütkoƋa, a i slèmbèƋè nenga'a a pats n'ndikèma skwai.

⁴⁵ Ta windo te Ƌèlèwèr ndohi nhadka ma: Zhiklè a slebda ta tèlèba. Ndo man a tsena ma Zhiklè, a shinƋè ma nenga'a, nenga'a a shkè a sam ga.

⁴⁶ A géƌ man ndo a rka Bab ga a di ɓai. Sèi nenga'a man a shkè te Bi Zhiklè, nenga'a a rka Bab na a di na.

⁴⁷ A vava, a vava, i gaƋa kinè: Ko wawa man a co a ndav na, a n'ngotso nshèffè a mèƋèp.

⁴⁸ Iyè movar nshèffè.

⁴⁹ Bababhi kinè ta ndau manna t'hèshèkèd, a ta bazl ta.

⁵⁰ Na haha movar man a shkèhai te zhiklè. Ndo man a ndia'a, a metsi azɓai.

⁵¹ Iyè movar a nshèffè te pa, man a shkèhai te zhiklè. Ndo man a ndi movar haha, a nzi a nshèffè a mèƋèp. A movar man i va na, zluèƋ va ga, man i vi a géƋ nshèffè ndohi herkeda.

⁵² A ndohi Juif ta gu ndzoan a va ta, a ta gaƋa: Nenga'a a slaha a va nga zluèƋ va na, aman nga ndia'a Ƌè?

⁵³ A Yèsu a ngaƋa ta: A vava, a vava, i gaƋa kinè: Aman kin ndi zluèƋ va Kra-ndo azɓai, kin si pombaz va nenga'a azɓai, kin ngècè nshèffè te ndav kinè azɓai.

⁵⁴ Ndo man a ndi zluèƋ va ga, a si pombaz va ga, a n'ngotso nshèffè a mèƋèp, a i da slambaƋdeko nenga'a auda a pats n'ndikè ma skwai.

⁵⁵ Zluèd va ga, skwi n'ndi nzura'a; pombaz va ga, skwi nsi nzura'a.

⁵⁶ Ndo man a ndi zluèƋ va ga, a si pombaz va ga, a nzi te iyè, a iyè i nzi te nenga'a.

⁵⁷ Ara man Bab ga, man a zhè a nshèffè, a zlindekayè, a i nzi a nshèffè man a Bab ga, lèmèlèmè ko wawa man a ndi zluèƋ va ga, a nzi a nshèffè a géƋ ga.

⁵⁸ Na haha movar man a shkèhai te zhiklè. Ara man a bababhi kinè ka ɓai, man ta ndau, a ta bazl ta. Ndo man a ndi movar haha, a nzi a nshèffè a mèƋèp.

⁵⁹ Ma haha a njè ta te gi njèngè ma Zhiklè te kokwar Capemaum.

⁶⁰ Golahi nenga'a kumba, man ta tsena'a, ta gaƋa: Na haha ma mwuƋitpa, nslaha man a ncinè'a wa?

⁶¹ Aman Yèsu a sun te ndav na, golahi nenga'a ta gu ma a géƋ ma haha, a ngaƋa ta: Ma haha a slafaƋama kinè sak Ƌè?

⁶² Aman te deɓa'a kin da rka Kra-ndo, man a Ƌè deɓa a sam man a shkè te pa, kè?

⁶³ Sèi Mèzhèɓ Zhiklè a vi nshèffè. Zluèd-va-ndo, skwi ambalai. Ma man i gèƋè'a, nenga'a Mèzhèɓ Zhiklè a nshèffè.

⁶⁴ Aman ndohi tsaƋ tsaƋ ta zhè te ndev kinè, ta cè a ndav azɓai. Te nhinkaƋ na Yèsu a sen ta ndohi man ta da cè a ndav azɓai, a ndo man a da ga na ri a gèƋ.

⁶⁵ A ngaƋa ta: Gar haha i gaƋa kinè: Ndo ngiƋè a slaha a nshkè a sam ga azɓai, sèi Bab ga a va na civèƋ.

⁶⁶ Te deɓ nasa golahi nenga'a kumba ta men ta a deɓa, a ta dzadzara te deɓa asaɓai.

⁶⁷ A Yèsu a ngaƋa ta 12: Kinè ba, kin woy a kin min kinè a deɓa Ƌè?

⁶⁸ A Simon Pierre a ngaƋa na: Bai, nga Ƌè a sam ngè? Ka ngots ma nshèffè a mèƋèp.

⁶⁹ A nga co a ndav nga, a nga suna, ka, ka ndo nkezla'a man a shkè te Bi Zhiklè.

⁷⁰ Yèsu a ngaƋa ta: I par kinè 12 ka ɓi Ƌè? StaƋ te va kinè, nenga'a ndo madzagai.

⁷¹ A ngoƋ ma a géƌ Judas Iscariot, kra Simon, nenga'a man te deɓa a n'nga na ri a gèƋ. Nenga'a staƋ te va 12.