Jean 3 - Mofa New Testament

¹ Ndo ngiƋè a zhè, te va ndohi pharisie, nzlembaƋ na NicoƋème, ndo mbia'a a sam ndohi Juif.

² Nenga'a a mshkè a sam Yèsu a vaƋ, a ngaƋa na: Rabbi, nga suna, ka ndo man Bi Zhiklè a zlindka ka aman ka jèngè nga. Nrkedi man ka gia'a, ndo ngiƋè a slaha ɓai, sèi man Zhiklè a zhè a sam na kla.

³ Yèsu a m'mbeƋa na a ma: A vava, a vava i gaƋa ka: Aman ndo a yákaƋi mɓua'a te Zhiklè ka ɓai, a slaha man a nrka kokwar-Bi-Zhiklè ɓai.

⁴ A NicoƋème a ngaƋa na: Ndo man nhala ma, a nyakaƋi mɓua'a Ƌè? A slaha a m'minè a deɓa a hwad mam na, a yi macecèwa'a za äe?

⁵ A Yèsu a ngaƋa na: A vava, a vava i gaƋa ka: Sèi ndo a yakadi a iyam a Mèzhèɓ Zhiklè, man ɓai aslahaa nƋèa kokwar-Bi-Zhiklè azɓai.

⁶ Skwi man a yaka te va ndo, ndo. Skwi man a yaka te Mézhèɓ Zhiklè, Mèzhèɓ.

⁷ Gar haha ka hur gèƌ ɓai, aman i gaƌa ka, sèi kin yakaƌi mɓua'a te Zhiklè te géƋè'a.

⁸ Kozlar a gi a sam man a woya'a. Ka tsena kuƋ nenga'a. Aman sam man a shkè te pa, ka sun ɓai, sam man a Ƌè a pa, ka sun ɓai. Lèmèlèmè ndo man a ya te Mèzhèɓ Zhiklè.

⁹ A NicoƋème a m'mbeƋa na a ma: Skwi haha a gi a nkèkèkè?

¹⁰ A Yèsu a m'mbeƋa na a ma: Ka ndo njèngè ma te kokwar lsrael, a ka sun ɓi Ƌè?

¹¹ A vava, a vava i gaƋa ka, nga gèƋè skwi man nga suna, a nga ngrèƋè skwi man nga rka"a, a kin cè malwuƋi nga azɓai.

¹² Kin cè a ndav azɓai, aman i ngreda kinè skwi nte herkeda haha, te deɓa'a aman i senda kinè skwi nte zhiklè, kin slaha kin cè a ndav Ƌè?

¹³ Ndo ngiƋè a Ƌè zhiklè azɓai, sèi ndo man a shkè te zhiklè, nenga'a Kra-ndo man a zhè te zhiklè.

¹⁴ Ara Moise a nzlatseda zhüzhok t'hèshèked, ta da zlècèƋè Kra-ndo.

¹⁵ Ko wawa man a cè nenga'a a ndav na, a ngècè nshèffè a mèƋèp.

¹⁶ Gar haha Zhiklè a woy herkeda a ndav na, a mva ta kra nenga'a, kra nenga'a staƋgenè, aman ko wawa man a nco nenga'a a ndav na, a zi azɓai, a n'ngotso nshèffè a mèƋèp.

¹⁷ Zhiklè a nzlündko kra nenga'a a herkeda, a ngi kita herkeda ka ɓai. A nzlündo, aman herkeda a mbèl na a gèƋ nenga'a.

¹⁸ Ko wawa man a nco a ndav na, ta ga na kita a gèƋ azɓai. Aman ko wawa man a nca a ndav ɓai, kita a zhè a gèƋ nenga'a ma, te man a nca nzlembaƋ kra Zhiklè, kra Zhiklè staƋgenè, a ndav na ɓai.

¹⁹ Na haha kita: skwi nhél. Sam a mshkè a herkeda, a ndohi ta woya ruva a fena skwi nhél sam, te man skwi man ta gau, ambaɓai.

²⁰ Ndo man a gi skwi man ambaɓai, a woy skwi nhél sam ɓai, a Ƌè a sam nhela'a azɓai; man ɓai skwi man a gia'a a ngréƋè auda.

²¹ Aman ndo man a gi skwi nzura'a, nenga'a a Ƌè a sam nhela"a, a skwi man a gia'a, a shinè auda, te man a gau ara man Zhiklè a woya'a.

²² Te deɓ nasa Yèsu a golahi nenga'a to do a kokwar JuƋèe, a ta nza a pa, a nenga'a a ngu baptême.

²³ Jean ba a ngu baptème te kokwar Enon, ndul ndul a kokwar Salim, aman te pa iyam kumba. A to Ƌo a pa, a Jean a n'nga ta baptême.

²⁴ Ta gsa Jean a Ƌangi di ɓai.

²⁵ Te va golahi Jean ngiƋè ta hüno a ta verslè a ndo Juif ngiƌè, a géƌ mpèn va.

²⁶ A to do a sam Jean, a ta gaƋa na: Rabbi, ndo man a n'nza a sam ngaya te wud woyam Jourdain, nenga'a man ka ngra nga, anai a gi baptême, a ndohi tèlèba ta Ƌè a sam na.

²⁷ Jean a m'mbeƋa ta a ma: Ndo a slaha a ngècè skwi azɓai, man Zhiklè a nva na ɓai.

²⁸ Kinè a ri kinè ndohi malwuƋihi ga, aman i gaƋa kinè, i Kristi ka ɓai, ta zlindekayè a ma nenga'a genè.

²⁹ Ndo man a ngots medemai, nenga'a ntsim na. Mandal ntsima a wuffè a vata, aman a tsena da'ai ntsima. Mwuffè ga aranta a zhè ma.

³⁰ Sèi nenga'a da gra a gi a mbia'a a ma ma, iyè sèi i minèhi a hai a i gi a nkèshèa.

³¹ Nenga'a man a shkè te géƋè'a, a fena tèlèba. Ndo man a shkè t'herkeda, ndo herkeda, a gèƌè skwi nt'herkeda. Nenga'a man a shkè te zhiklè, a zhè a géƋ skwi tèlèba.

³² A ngreda skwi man a rka'a, a tsena'a; aman ndohi ta cè skwi malwuƋi nenga'a azɓai.

³³ Aman ndo man a nco, a gi malwuƋai, Zhiklè nzura'a a vava.

³⁴ Ndo man Zhiklè a zlündo, a gèƋè ma Zhiklè. Zhiklè a vi Mèzhèɓ na a livè azɓai.

³⁵ Bab kra a woy kra na a ndav na, a mva na skwi tèlèba a ri nenga'a.

³⁶ Ndo man a nco kra Zhiklè a ndav na, a n'ngotso nshèffè a mèƋèp. Ndo man a fí gèƋ a kra Zhiklè azɓai, a rkè nshèffè a di azɓai, aman Zhiklè a gi ndav a gèƌ nenga'a.