Jean 18 - Mofa New Testament

¹ Aman Yèsu a n'ndeva ma haha, to do a golahi nenga'a a wud woyam Cédron. Gi lak te pa. A to do a pa a golahi nenga'a.

² Aman Judas ba, man a nga na ri a gèƋ Yèsu, a sun sama'a, te man pats ngiƋè pats ngiƋè Yèsu a nda golahi nenga'a ta ɓicaƋa va a pa.

³ Aman Judas a mbaba ta golahi bihi ndohi mvi skwi a Zhiklè, a ndohi pharisie, a ta shkè a pa, a pitirla, a skwi ntiv vogwa, a skwi var.

⁴ Yesu a sun skwi tèlèba, man a da ga na, a nda ta ma, a ngaƋa ta: Kin woy wa?

⁵ A ta gaƋa na: Yèsu, ndo Nazareth. Yèsu a ngaƋa ta: Na iyè! A Judas ba, man a nga na ri a gèƋ, a nzlatsa a sam tenga'a.

⁶ Aman Yèsu a ngaƋa ta: Na iyè! to do a deɓa a deɓa a ta wush ta hai.

⁷ A Yèsu a ndzhaƋ ta za'a: Kin woy wa? A ta gaƋa na: Yèsu, ndo Nazareth.

⁸ A Yèsu a m'mbeƋa ta a ma: I gaƋa kinè, iyè, i nenga'a! Aman kin woy iyè, vajèke ta ndohi haha!

⁹ Aman a gi ara ma nenga'a man a gaƋa: te va ndohi man ka payè, ko staƋ i zede ɓai.

¹⁰ Simon Pierre, kafahi gwèsh na a zhè, a mphekoƋauda, a ntsahama na zlembaƋ civèƋ ri mandai a ɓèl bi ndohi mvi skwi a Zhiklè. NzlembaƋ ɓèl matsa Malchus.

¹¹ A Yèsu a ngaƋa na Pierre: Ciɓda kafahi gwèsh a gi na! Kokwi man Bab ga a vayè, a i sia'a, i sia'a azɓi Ƌè?

¹² Nhèyè ndo a bi sojè a golahi ndohi Juif ta gso Yèsu, a ta dzawa'a,

¹³ a ta da'a nshèlèkura'a a sam Anne. Caiphe, baki dem na, a vi sa, bi ndohi mvi skwi a Zhiklè.

¹⁴ Nenga'a ndo man a ngaƋa ta ndohi Juif: Dara ndo staƋ a metsi na te di man a ndohi tèlèba.

¹⁵ A Simon Pierre a ndzodzor Yèsu, ta a gol ngiƋè. A bi ndohi mvi skwi a Zhiklè a sun gol ngiƋè, a nenga'a a ndo a gala bi ndohi mvi skwi a Zhiklè a nda Yèsu.

¹⁶ A Pierre a nzlatsa a dalmagai. A gol ngiƋè, man bi ndohi mvi skwi a Zhiklè a suna, a n'ndo auda, a ta goƋa a ngwoz mɓer ntamagai, te deɓa'a a n'nda Pierre a gai.

¹⁷ A ngwoz mɓer ntamagai, a ngaƋa na Pierre: Ka ba ka te va golahi ndo haha ka ɓi Ƌè? A Pierre a ngaƋa: I a te va ɓai.

¹⁸ A sojè a ɓèlèlihi ta vatsa vogwa a vovar, mtasl a gai, a ta dzi vogwa. A Pierre ba nzlatsa a nda tenga'a, a dzi vogwa.

¹⁹ A bi ndohi mvi skwi a Zhiklè a ndzhoƋo Yèsu a géƌ golahi nenga'a, a géƋ njèma nenga'a.

²⁰ A Yèsu a ngaƋa na: I goƌ ma'a a sam di ndohi tèlèba, pec pècèk. I senda ta te gi njèngè ma Zhiklè, te gi Zhiklè, a sam man ndohi Juiftèlèba ta ɓica va, i goƋ a metsar ka ɓai. Ka dzhaƋyè èhèmè?

²¹ DzhaƋ ta, man ta tsena ma man i gaƋa ta. Na haha, tenga'a ta sun skwi man i njè ta.

²² Aman a ngoƋ ma arsa, bigol ngiƌè man nzlatsa a pa, a ntsama na bazlazlam, a ngaƋa na Yèsu: Ta mbeƋa na a ma a bi ndohi mvi skwi a Zhiklè ar haha Ƌè?

²³ A Yèsu a m'mbeƋa na a ma: Aman i goƋ ambaɓai, ngreday skwi ambaɓia man i goƋ mènè! Aman i goƋ zura'a, ka tsyè èhèmè?

²⁴ Anne, nenga'a man a dzawa'a, a nzlinda a sam Caiphe, bi ndohi mvi skwi a Zhiklè.

²⁵ A Simon Pierre nzlatsa, a dzi vogwa. A ta gaƋa na: Ka ba ka staƋ te va golahi nenga'a ka ɓi Ƌè? A Pierre a ntsokol ma, a ngaƋa: I ka ɓai.

²⁶ StaƋ te va ɓèlèlihi bi ndohi mvi skwi a Zhiklè, gwoli ndo man Pierre a ntsahama na zlembaƋ, a ngaƋa: I rka ka a sam gi lak a tsagi nenga'a ka ɓi Ƌè?

²⁷ A Pierre a ntsokol ma za'a. A nasa nasa ngarah a ntsu da'ai.

²⁸ A ta da Yèsu te gi Caiphe, a gi ngomna, a sam prèk. To do a gi kita ɓai. Ta woy a ta lizhè ndav ta ɓai, a géƌ man ta da ndi ngolala Pâque.

²⁹ A Pilate a ndo auda a sam ta, a ngaƌa ta:

³⁰ Kin pün ndo haha a gèƌ mè? A ta mbeƌa na a ma: Aman ndo haha ndo ambaɓia ka ɓai, ar nga gskodi a kita Ƌè?

³¹ A Pilate a ngaƋa ta: Voco ar kinè, vagu kita nenga'a ara Ƌèlèwèr ma kita kinè a ngreda kinè! A ndohi Juif ta gaƋa na: Nga síaha a nga keƌe ndo ɓai.

³² A ngu ara ma Yèsu man a gaƌa; a ngreda m'metsi nenga'a man a da metsi a gèƌè'a.

³³ A Pilate a mdo a deɓa a gala na, a mbaba na Yèsu, a ngaƋa na: Ka bi ndohi Juif Ƌè?

³⁴ A Yèsu a m'mbeƋa na a ma: Ka goƋ ma haha te gèƋ ngaya Ƌè, Ƌè ndohi ngiƋè a ngaƋa ka a gèƋ ga Ƌè?

³⁵ A Pilate a ngaƋa na: l ndo Juif Ƌè? Ndohi ngaya a ndohi mvi skwi a Zhiklè mbibihia"a ta ncka ka a kita a sam ga. Ka ga mè?

³⁶ A Yèsu a ngaƋa na: Kokwar-Bi ga az t"herkeda haha ɓai. Aman agassa kokwar-Bi ga t"herkeda haha, ar golahi ga ta gi var, aman ta viyè a kita ndohi Juif azɓai. Aman antanta kokwar-Bi ga az t"herkeda ɓai.

³⁷ A Pilate a ngaƋa na: Kos man ar haha, ka bi Ƌè? A Yèsu a ngaƋa na: Ara ngèƋè ngaya; i bai. I shkè a herkeda, aman i gi a ndo malwuƋi ma nzura"a. Ndo staƋ staƋ tèlèba, man ndo nzura"a, a tsena da"ai ga.

³⁸ A Pilate a ngaƋa na: Ma nzura'a, na mè? Aman a goƋ ma haha, a ndo auda za'a a sam ndohi Juif, a ngaƋa ta: I ngatsa mali m"metsi a sam na ɓai.

³⁹ Aman ara man kin gia pèc pècèk a sam ngolala Pâque, i pra kinè ndo staƋ. Kin woy a i pra kinè bi Juif Ƌè?

⁴⁰ A ndohi tèlèba ta boho a wuƋai: Nenga"a ka ɓai, sèi Barabbas! Aman Barabbas ndo nked ndo.