Jean 15 - Mofa New Testament

¹ Iyè, wof barassa nzura'a. Bab ga, ndo mɓer wof barassa.

² Ri wof ga staƋ staƋ tèlèba man a yi wuda azɓai, a ngeldaussa. StaƋ staƋ tèlèba man a yi wuda, a sliƋè'a, aman a yi wuda holhola'a.

³ Antanta kin tila ma, a géƋ ma ga man i njè kinè. Vanza te iyè, a i nzi te kinè.

⁴ Lèmèlèmè ara ri wof a slaha a nyi wuda a ri na azɓai, sèi man na goƋozlom wof, lèmèlèmè kinè ba, sèi kin nzi te iyè.

⁵ Iyè, wof barassa, kinè ri wof ga. Ndo man a nzi íe iyè, a i te nenga'a, ara wof man a yi wuda kumba. Aman kinè dra a sam ga, kin slaha a kin gi skwi ɓai.

⁶ Aman ndo a nzi te iyè ka ɓai, ta kaldaussa ara ri wof, a gwèr na, a ta ɓiceda vogwa, a vogwa a n'ndeda ma.

⁷ Aman kin nzi te iyè, a ma ga a nzi a sam kinè, skwi ko mèmè kin jhèƋè'a, a gi a sam kinè.

⁸ Gar haha n'njèl Bab ga, aman nyi nshèffè kinè a zhè kumba, a kin ndi a golahi ga.

⁹ Lèmèlèmè ara Bab ga a woy iyè a ndav na, i ba i woy kinè a ndav ga. Vanza te mwoy-ndoga!

¹⁰ Aman kin fi gèƋa ma nkwèr ga, kin nzi te mwoy-ndo ga, lèmèlèmè ara man i fi gèƋ a ma nkwèr Bab ga, a i nzi te mwoy-ndo nenga'a.

¹¹ Ma haha i gaƋa kinè, aman mwuffè ga a zhè a sam kinè, a mwuffè kinè a gi jèlèlè'a.

¹² Na haha ma nkwèr man i va kinè: Vawoy va kinè, ngiƋè da woy ngiƋè, ngiƋè da woy ngiƋè a ndav na, lèmèlèmè ara man i woy kinè a ndav ga.

¹³ Sèi ndo man a vi nshèffè na a géƌ mandalahi na, ndo ngiƋè a fena mwoy-ndo nenga'a azɓai.

¹⁴ Kinè mandalahi ga, aman kin gi skwi tèlèba man i gaƋa kinè.

¹⁵ Anai i baba kinè bèlèlihi ka ɓai. Aman ɓèlè a sun skwi man bab nenga'a a gia ɓai. Aman i baba kinè mandalahi ga, aman skwi tèleba man i tsena te ma Bab ga, i ngreda kinè.

¹⁶ Kinè n'ngatskayè auda ka ɓai. Aman i par kinè, a i ge kinè, aman nyi nshèffè kinè da zhè, a nyi nshèffè kinè a nzi dai, a skwi ko mèmè kin jhèƋè te ri Bab ga a nzlembaƋ ga, a da va kinè.

¹⁷ Ma nkwèr haha i va kinè: vawoy va kinè, ngiƋè da woy ngiƋè, ngiƋè da woy ngiƋè a ndav na.

¹⁸ Aman ndohi herkeda ta gi shèwa a kinè, vasuna, ta gu shèwa a iyè, ga ta gi shèwa a kinè.

¹⁹ Man kinè a herkeda, ar ndohi herkeda ta woy skwi ta. Aman kinè a herkeda ka ɓai. I par kinè auda te va ndohi herkeda. Gar haha ndohi herkeda ta gi shèwa a kinè.

²⁰ Vahur ma man i gaƋa kinè: Bèlè a fena babgi na azɓai. Aman ta parahayè, ta da paraha kinè lèmèlèmè. Aman ta cè ma ga, ta da cè ma kinè lèmèlèmè.

²¹ Aman skwi haha tèlèba, ta da ga kinè a géƌ nzlembaƋ ga, a géƋ man ta sun nenga'a man a zlindekayè ɓai.

²² Man a matsa i shkè ɓai, a i gaƋa ta ma ga ɓai, ar mali ta azɓai. Aman antanta ta slaha ta nghéƋè mali ta azɓai.

²³ Ndo man a gi shèwa a iyè, a gi shèwa a Bab ga lèmèlèmè.

²⁴ I ga skwi a sam ta, man ndo ngiƋè a slaha a ngia ɓai. Man a matsa i da gu ɓai, ar mali ta azɓai; aman antanta ta rka'a, ta gi shèwa a iyè, a Bab ga lèmèlèmè.

²⁵ Aman skwi haha a gi ara man ta windo te ma kita Zhiklè: Ta gu shèwa a iyè ambalai.

²⁶ Aman nenga'a man a nzaka kinè a deɓa a shkè ma, nenga'a man i woy a i zlinda kinè te Bab ga, Mèzhèɓ nzura'a, man a shkè te Bab ga, a da gi malwuƋi a sam kinè a géƋ ga.

²⁷ Aman kinè ba, kin ndi a ndohi malwuƋihai, a géƋ man kin nza a sam ga te nhinkad na.