Jean 13 - Mofa New Testament

¹ Ga ngolala Pâque, Yèsu a suna, tiƋè sam man a nenga'a a mshkè ma, a da jèkeda herkeda haha, a nƋè a sam Bab na. A woy ndohi na, man ta zhè t'herkeda, a ndav na, a woy ta, ha a ndeva skwi tèlèba.

² A sam skwi n'ndi dakwaƋ, bi madzagai a nfa na a ma Judas Iscariot, kra Simon, aman a ga na ri a gèƋ a Yèsu.

³ Yèsu a suna, Bab na a mva na skwi tèlèba a rai, a suna, a shkè te Zhiklè, a nƋè a sam Zhiklè,

⁴ a nslambaƋa a sam skwi n'ndai, a nsuƌa na dawar auda a va, a m'manda maslaka mizlinè a ma,

⁵ a mɓedza iyam a kokwai, a hüno man a penè sak golahi nenga'a, a ntokwola ta a maslaka mizlinè man a manda a ma.

⁶ A Yèsu a mshkè a sam Simon Pierre, a Pierre a ngaƋa na: Bai, ka mpènè sak ga de?

⁷ A Yèsu a m'mbeƋa na a ma: Skwi man i gia, ka sun di ɓai. Ka da shinè te deɓa'a.

⁸ A Pierre a ngaƋa na: Ka panay sak ga ɓi fèt! Yèsu a ngaƌa na: Aman i pana ka azɓai, nga humƋè va a kaazɓai.

⁹ A Simon Pierre a ngaƋa na: Bai, anai ka panay sak genè ɓai, aman ri ga a gèƋ ga tèlèba!

¹⁰ A Yèsu a ngaƋa na: Ndo man mpana va na ma, sèi a pènè sak mènè. Kinè, kin pana, aman kin tèlè ka ɓai.

¹¹ Yèsu a sun ndo n'nga na ri a gèƋ. Gar haha a ngaƋa: Kinè, kin pana, aman tèlè ka ɓai.

¹² Aman a mpana sak ta ma, a mfèda maslaka na a va, a n'nzahai a tsagi tenga'a za, a, a ngaƋa ta: Kin sun skwi man i ga kinè Ƌè?

¹³ Kin babayè 'ndo njèngè ma', a 'Bai', a kin goƋ amba. I nenga'a.

¹⁴ Aman iyè, bi kinè a ndo njèngè ma kinè, i pana sak kinè, sèi kin gi lèmèlèmè te ndev kinè, ngiƋè a pènè sak a ngiƋè, ngiƋè a ngiƋè.

¹⁵ Skwi man i ngreda kinè, i va kinè, aman kin gia lèmèlèmè ara man i gu a sam kinè.

¹⁶ A vava, a vava, i gaƋa kinè: 'Bèlè a fena bab na azɓai. Ndo sak a fena ndo nzlinƋè'a azɓai.

¹⁷ Aman kin sun ar haha, mwuffè a sam kinè, aman kin gia'a!

¹⁸ I goƋ a gèƋ kinè tèlèba ka ɓai. I sun tengahi man i par ta. Aman a gi ara ma te Ƌèlèwèr Zhiklè man a gaƋa: Ndo man a ndi movar ga, a da ngwodyè.

¹⁹ I gaƋa kinè ma haha antanta, aman n'nga di ɓai. Aman a da gai, kin cè a ndav kinè, i zhè.

²⁰ A vava, a vava, i gaƋa kinè: Ndo man a cè ndo man i zlündo, a ciyè. A ndo man a ciyè, a cè nenga'a man a zlindekayè.

²¹ Aman Yèsu a goƋ ma haha, ndav nenga'a a m'mbèƌè, a n'ngreda, a ngaƌa: A vava, a vava: StaƋ te ndev kinè a da gay ri a gèƋ.

²² A golahi nenga'a ta pu di a va ta, a ta gu zlau: Yèsu a goƋ ma haha a géƋ ngè?

²³ Aman staƋ te va golahi a zhè a sam skwi n'ndai, a dingèƋè va a Yèsu, nenga'a man Yèsu a woya'a a ndav na.

²⁴ A Simon Pierre a ngaƋa na: DzhoƋo! A goƋ a geƋ ngè?

²⁵ A nenga'a man a dungoƋ va a Yèsu a ngaƋa na: Bai, nenga'a wa?

²⁶ A Yèsu a ngaƋa na: Nenga'a man i gaha lak a movar, a i va na. A ngaha lak a movar, a mva na Judas, kra Simon Iscariot.

²⁷ Nenga, a a mco, a SaƋan a ndo a ndav na. A Yèsu a ngaƋa na: Skwi man ka gia, a, gu tsam tsam!

²⁸ Ndohi man a sam skwi n'ndai, ta sun ɓai, aman a ngaƋa na ar haha.

²⁹ NgiƋèhi ta huro: gozhèm te ri Judas, Yesu a woya man a shum skwi ngolala tenga'a, a va ta skwi a ndohi ntawassà'a.

³⁰ Aman Judas a nco movar, tsam tsam a nde na. VaƋ ma.

³¹ Aman a n'ndo auda ma, Yèsu a ngaƋa: Antanta Kra-ndo n'nzala'a, a n'njèlè Zhiklè a gudoko na va a di te nenga'a.

³² Aman Zhiklè n'nzala te nenga'a, Zhiklè ba a da njèl Yèsu a ri na ndul ndul.

³³ Wudahi ga! I nzi a sam kinè kètè dai. Te deɓa'a kin da hassyè, aman ara man i gaƋa ta ndohi Juif, i gaƋa kinè lèmèlèmè. A sam man i Ƌè a pa, kin slaha kin Ƌè a pa azɓai.

³⁴ I va kinè ma nkwèr mɓua'a: Vawoy va kinè, ngiƋè da woy ngiƋè, lèmelemè ara man i woy kinè a ndav ga. Aman kinè ba, vawoy va kinè, ngiƋè da woy ngiƋe, ngiƋe da woy ngiƋe a ndav na.

³⁵ Aman kin gi ar haha, ndohi tèlèba ta suna, kinè golahi ga, te man ngiƋe a woy ngiƋè, ngiƋè a woy ngiƋè.

³⁶ Simon Pierre a ngaƌa na: Bai, ka Ƌè ma? A Yèsu a m'mbeƋa na a ma: A sam man i Ƌè a pa, ka slaha ka dzadzarkayè antanta azɓai. Aman te deɓa'a ka da dzadzarkayè.

³⁷ A Pierre a ngaƋa na: Bai, i slaha a i dzadzarka antanta azɓai èhèmè? Ar i vi nshèffè ga a géƋ ngaya!

³⁸ A Yèsu a m'mbeƋa na a ma: Ka vi nshèffè ngaya a géƋ ga Ƌè? A vava, a vava, i gaƋa ka: Ga ngarah a tsi da'ai, ka cèkèlma a géƋ ga sak makar.