Jean 10 - Mofa New Testament

¹ A vava, a vava, i gaƋa kinè: Ndo man a bizhè a pa a ntamagi kuƋom tambakihi azɓai, aman a bizhè a pa a sam ngiƋè, nenga'a ndo metsar, ndo nzlinè gai.

² Aman ndo man a bizhè a pa a ntamagai, nenga'a ndo mɓer tambakihai.

³ Ndo mber ntamagai a winè na, a tambakihi ta tsena da'ai nenga'a. A nenga'a a baba ta tambakihi a nzlembaƌ ta staƌ staƌ, a lè ta auda.

⁴ Aman a lè tambakihi nenga'a tèlèba auda ma, a nƋè a ma, a tambakihi ta jèjèrè'a, te man ta sun da'ai nenga'a.

⁵ Aman ndo mbrok ngiƌè ta jejèrè'a azɓai, a ta hi ta a pa, a gèƌ man ta sun da'ai ndo mbrok ɓai.

⁶ Yèsu a ngaƋa ta ngèlègèƋ ma haha. Aman ta tsena skwi man a gaƋa ta ɓai.

⁷ A Yèsu a ngaƋa ta za'a: A vava, a vava, i gaƋa kinè: lyè ntamagi tambakihai.

⁸ Ndohi tèlèba man ta shkè ga iyè, metsarhai, ndohi nzlinè gai, tambakihi ta tsena da'ai tenga'a ɓai.

⁹ Iyè ntamagai. Aman ndo a bizhè a iyè, a mbel na, a Ƌè auda, a shkè a deɓa, a ngècè skwi n'ndi na.

¹⁰ Ndo metsar a shkè sèi man a gi metsar, a gshè'a, a kèƌè'a. Iyè i shkè aman tambakihai ta ngècè nshèffè, a ta tèkwènè skwi azɓai.

¹¹ I ndo mɓer skwi man amba. Ndo mɓer skwi man amba a vi nshèffè na a géƋ tambakhi na.

¹² Aman ndo man ta fèda a tambakhai, bab skwi ka ɓai, tambakhi nenga'a ka ɓai. Aman a rka kokoya a shkè, a hi na, a jèka ta tambakhi a pa, a kokoya a kala ta a va, a tambakhi ta ngezl ta.

¹³ Ndo man ta fèda a tambakhai, a hi na, a géƋ man nenga'a ndo mizlinè; a hér tambakhi ara bab tambakhi ka ɓai, a ngaƋa: A ga ga a pa mè?

¹⁴ Iyè ndo mɓer skwi man amba, i sun skwi ga, a skwi ga ta senyè,

¹⁵ ara Bab ga a senyè, a i sun Bab ga. A i vi nshèffè ga a géƋ tambakhai.

¹⁶ A i ngots tambakhi ngiƋè, ta t'hwaƌ zlazlar haha di ɓai. Tenga'a sèi i lèka ta a haha, a ta tsena da'ai ga, a ta gi a rèwè staƋ, a ndo mɓer ta staƋgenè.

¹⁷ Gar haha Bab ga a woy iyè a ndav na, a géƋ man i vi nshèffè ga. Aman i cè'a te deɓa'a za'a.

¹⁸ Ndo ngiƋè a cè nshèffè ga azɓai; aman i via a ri ga. WuƋi ga a zhè, aman i jèkeda; wuƋi ga a zhè, aman i cè a deɓa. Ma nkwèr haha i ngotso a sam Bab ga.

¹⁹ A ndohi Juif ta kezla te va a géƋ ma nenga'a.

²⁰ Ta kumba te va tenga'a ta gaƋa: Madzagi a ga na, a n'nde na a ndo madzagi ma; kin cinè ma nenga'a èhèmè?

²¹ Ndohi ngiƋè ta gaƋa: Ma haha, ma ndo madzagi ka ɓai. Madzagi a slaha a mwinè di ndo mandazli Ƌè?

²² Ta gu ngolala te kokwar Jérusalem a ngwar.

²³ A Yèsu a nsawala te gi Zhiklè, te gi Salomon.

²⁴ A ndohi Juif ta tèuda Yèsu a pa, a ta gaƋa na: Ka pa nga géƋ cèw tè ngèmè? Man ka Kristi, ngreda nga!

²⁵ A Yèsu a ngaƌa ta: I gaƌa kinè, a kin cè a ndav azɓi genè. Mizlinè man i gi a nzlembaƌ Bab ga a gi malwuƌi ga a sam kinè.

²⁶ Aman kin ca a ndav ɓai, te man kinè te va tambakhi ga ɓai, ara man i gaƋa kinè.

²⁷ Tambakhi ga ta tsena da'ai ga, a i sen ta, a ta dzadzarkayè,

²⁸ a i va ta nshèfíè a mèƋèp, ta zi azɓai a mèƋèp, ndo azɓai man a ngezl ta te ri ga.

²⁹ Bab ga man a mpe ta a ri a iyè, a fena skwi ngiƋè tèlèba. Ndo a slaha man a ngezl ta te ri Bab ga azɓai.

³⁰ Nga a Bab ga, nga staƋgenè.

³¹ A ndohi Juif ta porko kwa za'a, aman ta kèlè'a.

³² A Yèsu a ngaƋa ta: I ngreda kinè skwi man Bab ga a gia kumba. Kin kalyè a kwa a géƌ mè?

³³ A ndohi Juif ta gaƌa na: Nga kal ka a géƌ skwi man amba man ka gia ka ɓai, aman a géƌ man ka derƌe Zhiklè. A géƌ man ka, ndo ambalai, ka fi va ngaya a Zhiklè.

³⁴ A Yèsu a ngaƌa ta: Te ma kita kinè, ta windo ɓi ƌè: I gaƌa kinè, kinè zhiklèhai.

³⁵ Tenga'a man a baba ta zhiklèhai, a géƌ man ma Zhiklè a ngoƌa. Ma ƌèlèwèr Zhiklè a cèkèlma azɓai.

³⁶ A kin gaƌa na ndo man Zhiklè a nkezla'a, man a zlündkoƌa a herkeda: Ka derƌe Zhiklè! A gèƌ man i gaƌa: I kra Zhiklè.

³⁷ Aman i gi mizlinè Bab ga azɓai, kin ciyè a ndav ɓai!

³⁸ Aman i gi mizlinè Bab ga, a kin woy a kin ciyè a ndav ɓai, voco mizlinè a ndav mènè, a kin da suna, a kin cè a ndav kinè, Bab ga a zhè te iyè, a iyè, i zhè te Bab ga.

³⁹ A ta woy maya za'a, aman ta gshè'a. Aman nenga'a a mbèl na te ri ta.

⁴⁰ A ndo a deɓa a wud woyam Jourdain, a sam man Jean a gu baptême hala'a, a n'nza a pa.

⁴¹ Ndohi kumba ta shkè a sam na, a ta gaƋa: Jean a n'nga nrkedi ar haha ɓai. Aman ma tèlèba man Jean a goƋ a géƋ ndo haha, a ngoƋ zura'a a vava.

⁴² A ndohi kumba te pa ta co a ndav ta.