Jacques 4 - Mofa New Testament

¹ Mbèzl va a var te ndev kinè ta shkè te mè? Te ntétékè kinè, man ta bèzl va te va kinè ka ɓi Ƌè?

² Kin tétékè skwai aman kin ngatsa ɓai. Kin kéƌ ndo, kin gi srak; aman kin ngatsa skwi man kin woya ɓai, kin bèzl va, a kin gi var. Kin ngècè azɓai, te man kin dzhaƋa ɓai.

³ Kin jhèƋè'a, a kin ngècè skwi azɓai, te man kin dzhadda a di na ka ɓai, a géƌ ntétékè kinè.

⁴ Kinè ndohi mphömè, kin sun ɓi dè, ndo man a gi mandala a herkeda, a gi a mayam Zhiklè. Ndo man a woya a gi mandala a herkeda, nenga'a a ndi a ndo mayam Zhiklè.

⁵ Kin huro, ƌèlèwèr Zhiklè a goƌ ambali ƌè: Mèzhèɓ Zhiklè man a nzi a ndav nga a gi srak?

⁶ Aman pombi man a va nga, mbia'a holhola'a genè. Ɗèlèwèr Zhiklè a gaƋa: Zhiklè a sassaya ndav a sam ndohi nfi va, aman a va ta pombai a ndohi m'manda gèƋ ta a hai.

⁷ Gar haha vafa na gèƋ a Zhiklè. Vasala va a sam madzagai, a nenga'a a hi na auda a sam kinè.

⁸ Vaherda na va a Zhiklè, a nenga'a a di a herdeka kinè va. Vapana ri kinè, kinè ndohi malai, vatila ndav kinè, kin ndohi n'ngwèdè ndo!

⁹ Vahur mali kinè, valoyo, vakuƋau! N'ngwèshè kinè da ngwode na a kuƋa; mwuffè kinè da ngwode na a nlèyè.

¹⁰ Vamanda gèƋ kinè a hai a sam di Bi Zhiklè, a nenga'a a di a slambaƋda kinè gèƋ.

¹¹ Kin tsu demgasl a va kinè ɓai, dalahimam ga! Ndo man a tsi demgasl a géƌ kramam nenga'a, man ɓai a bèzlè mali a gèƌ kramam na, a tsi demgasl a géƌ ma kita Zhiklè, a bèzlè mali a gèƌ ma kita Zhiklè. Aman ka ndo mbèzl mali a gèƋ ma kita Zhiklè, ar ka fi gèƋè'a azɓai, aman ka ndo kita na.

¹² Ndo mvi kita, a ndo mbèzl kita, staƋgenè. Nenga'a a slaha a m'mbela'a, a mphomda'a, cèw ba. Ka wa man kai woy a ka fa na mali a gèƌ a kramam ngaya?

¹³ Anai, kinè man kin gaƋa: Gar a patsna, gar angoslèm, nga woya man nga dè a kokwar sa, a kokwar sa. A nga da nzi te pa mvi staƋ, a nga da gi ganai aman nga ngècè sulai;

¹⁴ a kin sun skwi man a da shkè angoslèm ɓai. Nshèffè kinè mè? Nara vodzok man a Ƌüzhè, te deɓa'a a ndev na.

¹⁵ Aman sèi kin gaƋa: Ara man Bi Zhiklè a woya'a, a nga nzi a nshèffè dai, ngaƋagi skwi sa, askwi sa.

¹⁶ Aman antanta kin jégèr va a kin fi va. Nfi va arsa tèlèba ambaɓai.

¹⁷ Aman anai ndo man a sun skwi man amba, a gia'a azɓai, a gi malai.