Hébreux 8 - Mofa New Testament

¹ Ma haha ma man nga gèƋè'a nshèlèkura'a: Nga ngots bi ndohi mvi skwi a Zhiklè ar haha, man a nzi a ri mandi sam n'nzi bi mbia'a te zhiklè te géƋè'a,

² a gi mizlinè a sam skwi nkezla'a te gi Zhikîè nzura'a man Bi Zhiklè a ngau, man ndohi a ngu ka ɓai.

³ Aman ta fu bi ndohi mvi skwi a Zhiklè staƋ staƋ tèlèba, man a vi skwai, a zli skwai, a Bi Zhiklè. Gar haha ndo haha ba sèi a ngècè skwi man a via'a.

⁴ Aman a matsa nte herkeda dai, ar nenga'a ndo mvi skwi a Zhiklè ka ɓai, te man a pa ndohi mvi skwi a Zhiklè, man ta vi skwi a Bi Zhiklè ara ma kita Zhiklè a gaƋa, ta zhè ma.

⁵ Aman tagi mizlinè skwi nlèmdè a mèzhèɓ skwi zhiklè te géƋè'a genè, ara man Bi Zhiklè a gaƋa na Moise, man a gu gi nkezla'a: Gu maya, aman ka gi skwi tèlèba, a ka lèmdè'a a skwi man i ngra ka a géƋ za.

⁶ Aman antanta Yèsu a ngots mizlinè amba holhola'a, lèmèlèmè ara nderzlèma mɓua'a man a bezda na rai, a ma mpèsl ri nenga'a, man ta amba holhola'a.

⁷ Aman a matsa nderzlèma nshèlèkura'a amba ma, ma az a géƋ nenga'a ɓai, ar ta woy ngiƋè azɓai.

⁸ Aman Bi Zhiklè a n'nga ta ndzoan, a ngaƋa: Na haha patshi ta da shkè, aman i da derzlè ma mɓua'a a nda gi Israel, a nda gi Juda.

⁹ Ara nderzlèma m'mova'a ka ɓai, man i gau a nda bababhi tenga'a, a pats man i gs ta te rai, a i de ta auda te kokwar Egypte. Aman ta gsa va a nderzlèma ga ɓai: gar haha i fa ta gèƌ ɓai, Bi Zhiklè a gaƌa.

¹⁰ Na haha nderzlèma man i woy a i gia'a, a nda ndohi Israel, te deɓ patshi sa, Bi Zhikle a gaƋa: i woya man i va ta ma kita ga a ndav tenga'a, a i winda ta a ndav ta. A i woy a i gi a Zhiklè tenga'a, a tenga'a ta gi a ndohi ga.

¹¹ Ko staƋ a di a njè na nslamagi na azɓai, a da gaƋa na kramam na azɓai: Sun Bi Zhiklè! Aman ta da senyè tèlèba, a hinè a sam nkèshèa, a ndè a ma ma a sam mbia'a ba.

¹² Ta da siyè te va te skwi man ambaɓai man ta gia'a, a i woya man i hér mali tenga'a azɓai.

¹³ Aman a gaƋa: 'Nderzlèma mɓua'a', a gu aman m'mova'a nhal na. Aman skwi man nhal na, ta jèkeda a deɓa, a di a zi na.