Hébreux 6 - Mofa New Testament

¹ Gar haha nga woya a nga jèkeda ngèƋè a géƌ ma nhin Kristi. Aman ngodokoy a ma ma a nga ndi a ndohi Zhiklè nshfa'a. Nga woy a nga minè gèƌè'a asaɓai, a gèƌ ma ncè Zhiklè a ndav, ngwèdè ndav a mizlinè ambalai man a da na ma a m'metsai, man kala a deɓa ma,

² ma baptême, ma nfí ri a gèƋ, ma nslambaƋdekaƋ ndohi m'metsa'a auda, a ma kita mbia'a a mèdèp.

³ Aman Zhiklè a woya'a, nga da gi arsa.

⁴ Ndohi man di ta mwina, a ta tor skwi zhiklè te géƋè'a ma, a ta ngots skwi nkezla'a a sam Mèzhèɓ Zhiklè nkezla'a,

⁵ a ta tor ma Zhiklè man amba, a wuƋihi sam man a di a shkè,

⁶ a ta men ta a deɓa, ta slaha a ta da ngwèdè ndav ta ɓi za'a, te man ta gezlala kra Zhiklè a va za'a, a ta lüv m'metsi nenga'a.

⁷ Herkeda man a si iyam man a shkèhai te zhiklè, man a fcè skwi auda, a gi skwi a ndohi man ta pizhè'a, a n'ngots mpshè ma a sam Zhiklè.

⁸ Aman a ftsko vatak a nkuƋdzari auda, sama ambalai, Zhiklè a da phomda; te deɓa'a ta fa na vogwa, klèng.

⁹ Ko nga gaƋa kinè ar haha, dalahimam ga, aman a géƋ kinè nga suna, a vava, kin ngots skwi mbela'a, man a gi aman kin mbél kinè.

¹⁰ Aman Zhiklè nzura'a, a mizlinè kinè tèlèba, man kin gau a nzlembaƋ na, mwoy-ndo kinè man kin takaha ta ndohi Zhiklè a vna, ko ani ba kin takaha ta dai, a pca na a gèƋ azɓai.

¹¹ Aman nga woya aman staƋ staƋ te ndev kinè a dè a ma ma a ngi gazawa, ara man a gshè va a skwi man a zhèrè te ndav, ba ndikèma'a.

¹² Nga woya aman a kin gi wudar azɓai, a kin jèjèr tenga'a man te ncè-a-ndav, te nzhèr skwia dai, ta ngècè skwi Zhiklè man a pasla ta ri a pa.

¹³ Aman Zhiklè a mpasla na ri a Abraham, a m'mbaƌa a va na, te man a slaha a mbèƌè a ndo mbia ngiƌè ɓai,

¹⁴ a ngaƌa: A vava i da pshè ka ma, a verzi ngaya a mènè kumba.

¹⁵ A Abraham a n'ngots skwi man mpasla na ri a pa, te man a nzhor a ma ma.

¹⁶ Ndohi ta mbèƌè a ndo man a fèn ta, a ta cè ma nenga'a, a ta ndeva ndèvèƌ ma.

¹⁷ Gar haha Zhiklè a woya a ngreda ta ndohi n'ndi mpèsl ri nenga'a a vava, skwi man a huro a ngwèdè azɓai; a géƌ nenga'a a m'mbaƌa.

¹⁸ Aman a skwi cèw man ta ngwèdè azɓai—aman Zhiklè a slaha a ncèkèlma azɓai—nga ngots skwi mbid nga nzura'a, nga man nga gshè va a nzhèrè te ndav man a zhè a ma nga.

¹⁹ A nenga'a nga ngots skwi ngsa nga ndav nga zura'a, man a ngwèdè va azɓai, a bazla civèƌ a maslaka ntamagai a sam nkezla'a,

²⁰ man Yèsu, ndo ncè nga ma a beza a pa, man n'nga'a a bi ndohi mvi skwi a Zhiklè a mèdèp, ara Melchisédek.