Hébreux 5 - Mofa New Testament

¹ Aman bi ndohi mvi skwi a Zhiklè staƋ staƋ tèlèba, ta co te ndev ndohai, ta fau aman a gi mizlinè a sam Zhiklè a géƋ ndohai. Aman a vi skwai, a zli skwai a Bi Zhiklè agéƋ malihai.

² Nenga'a a sla ba a nhér tenga'a, man ta sun maya ɓai, ta zlak ta, te man nenga'a ba, wuƋi na azɓai.

³ Gar haha sèi a zla na skwi a Zhiklè a géƋ ndohai, a géƋ malihi na, cèw ba.

⁴ Ndo a slaha a nslébèrdè va na, man a gaƋa: 'i bi ndohi mvi skwi a Zhiklè', azɓai, sèi Zhiklè a mbaba na, lèmèlèmè ara Aaron.

⁵ Lèmèlèmè Kristi ba, a n'nzala va na a ri na, a ngaƌa: i bi ndohi mvi skwi a Zhiklè ɓai. Sèi Zhiklè a ngau, aman a gaƋa na: Ka kra ga, a patsna i fè ka.

⁶ Ara man a sam ngiƋè a gaƋa: Ka ndo mvi skwi a Zhiklè a mèdèp, ara Melchisédek.

⁷ Te va man a zhè a géƋ herkeda dai, a ntsu ri a kuƋa a dai, a ngu mbuh mbuh, a mbèhè a Zhiklè, man a slaha a mbela'a te m'metsai. A Zhiklè a ntsena ntsi ri nenga'a, a géƋ man a m'manda gèƋ a hai pèc pècèk.

⁸ Gar haha, ko nenga'a kra Zhiklè, a nslebau nfi gèƋ a ma Zhiklè te skwi man a dza na.

⁹ Te deɓa'a man n'nga'a jèlèlè'a ma, n'nga'a a verzi skwi mbél ndohi man ta fa na gèƋ, a mèdèp,

¹⁰ a Zhiklè a mbaba na bi ndohi mvi skwi a Zhiklè ara Melchisédek.

¹¹ Na haha, a géƋ nenga'a ma nga a zhè kumba dai; aman mwuƋitpa, a dè a gèƋ kinè tsam tsam azɓai.

¹² Aman kinè, ar amba aman kinè ndohi njèngè ma; aman a woy sèi ndo da slebda kinè skwi nshèlèkura'a te ma Zhiklè di za'a; da va kinè wa dai, Ƌaf di ka ɓai.

¹³ Aman nenga'a man ta va na wa dai, a sun maya nƋèl skwi nzura ɓai, te man nenga'a kra wa dai.

¹⁴ Aman Ƌaf ta va ta ndohi ngra'a, man a géƋ mizlinè man ta gia pèc pècèk, ta sun maya, a ta sun nƋèl skwi man amba a skwi man ambaɓai.