Hébreux 3 - Mofa New Testament

¹ Garhaha, kramamhi ga a civèƋ Zhiklè, man Zhiklè a baba kinè ba, vapu di a Yèsu, nenga'a ndo sak, a bi ndohi mvi skwi a Zhiklè.

² Nenga'a nlèɓèslèa a sam Zhiklè man a fau, lèmèlèmè ara Moise a géƌ gi Zhiklè tèlèba.

³ Amba aman Yèsu a ngècè n'njèl holhola'a, a fena Moise, te man n'njèl ndo nrèm gai a fena gi man a roma.

⁴ Aman gi staƋ staƋ tèlèba, ndo a nroma. Aman Zhiklè, nenga'a a ngu skwi tèlèba.

⁵ Moise, ndo mizlinè nlèɓèslèa te gi Zhiklè tèlèba, a ngu malwuƌi a gèƌ ma man Zhiklè a woya a ngèƌè te deɓa'a.

⁶ Aman Kristi nlèɓèslè'a, nenga'a kra gi nenga'a. Nga, gi nenga'a, aman nga gshè va a n'njèl skwi man nga zhère te ndav, a nga fi gèƋ a vna, ba ndikèma'a.

⁷ Gar haha, ara man Mèzhèɓ Zhiklè nkezla'a a gaƋa: A patsna, aman kin tsena da'ai nenga'a,

⁸ kin da sassaya ndav kinè ɓai, ara man ta gu a ndav, a pats man skwa a mpe ta a wai t'hèshèkèd,

⁹ a sam man babhi kinè ta piyè a wai, a ta jkedyè, ko ta rka mizlinè ga mvi 40 ma.

¹⁰ A géƌ nenga'a ndav a ndzayè a géƌ verzi ndohi haha, a i gaƋa: Ta bizhèzlawa te ndav tenga'apèc pècèk, a ta sun civèƋ ga ɓai.

¹¹ A i gu ndzoan, a i mbaƋa: Ta ndikè a sam nshèk va ga azɓai!

¹² Vagu maya, dalahimam ga! A woy ndo te ndev kinè ɓai, man ndav na ambaɓai, man a njèkeda ncè-a-ndav, a Bi Zhiklè man a zhè a nshèffè.

¹³ Aman vabüd va kinè, ngiƋè a ngiƋè, pèc pècèk, a pats man ta baba na 'patsna'; a woy ndo azɓai, man ndav nenga'a nsassaya'a, a malai a ngsedama.

¹⁴ Aman nga ga'a a ndohi man nga humda a nda Kristi, aman sèi man ndav nga a pa pèc pècèk tara'a, te nhinkaƋ skwai, a ndè a ma ma ba n'ndikèma skwai.

¹⁵ Aman ta windo: A patsna man kin cinè da'ai nenga'a, kin da sassaya ndav kinè ɓai, ara man ta gu a pats man ta gu ma.

¹⁶ Ndohi man ta tsena'a, a ta gu ndav, wa? Ndohi tèlèba man ta shkè auda te kokwar Egypte a nda Moise ka ɓi Ƌè?

¹⁷ A ndav a ndza na Zhiklè mvi 40 a gèƋ ngè? A gèƋ ndohi man ta gu malai, a nckondohi tenga'a ta husl ta t'hèshèkèƋ ka ɓi Ƌè?

¹⁸ Zhiklè a m'mbaƋa na wa, aman a ndikè a sam nshèk va nenga'a azɓai? A ndohi man ta fa na gèƋ ɓi genè!

¹⁹ A nga rka'a ta slaha ta dè a pa azɓai, a géƋ man ta ca a ndav ɓai.