Hébreux 2 - Mofa New Testament

¹ Gar haha sèi nga gshè va holhola'a a ma mbela'a, man nga tsena'a, man ɓai nga da pèkèt nga a zlawa a sam n'ndikèma nga.

² Aman ma man golahi Zhiklè ta vau a n'ngots wuƋai, a ndohi malihi tèlèba, a ndohi mèdègèƋ, ta ngots di man a ta;

³ kos nga da mbèl te mè, aman nga fi gèƋ a skwi m'mbel ndo mbia"a aranta azɓai. Aman Bai Yèsu a njè nga skwi m'mbel ndo haha nshèlèkura"a a ri na, a ndohi man ta tsena'a ta da na va.

⁴ A gèƋ nenga'a Zhiklè a ngu malwuƋai a skwi man a ngreda auda, a nrkedai, a skwi mbia'a man a gu tsaƋ tsaƋ, a Mèzhèɓ nkezla`a, man a venu ara ndav nenga"a man a woya"a.

⁵ Herkeda man a di a shkè, nenga"a man nga gèƋè"a haha, a mva ta a ri golahi Zhiklè ka ɓai.

⁶ Aman a sam ngiƋè Ƌèlèwèr Zhiklè a gaƋa: Ndo kala mè, aman ka hèr nenga'a? Kos ndo kala mè, aman ka gi maya a géƌ nenga'a?

⁷ N'nzi kètè ka mèndè gèƌè a hai a sam golahi Zhiklè: te deɓa'a ka da paƌa na gèƌ a nslebèrdè, a n'njèlè,

⁸ a ka feda skwi tèlèba a hwaƌ sak nenga'a. Aman a feda skwi tèlèba a hwaƌ sak nenga'a, skwi man a nfa a hwaƌa'a ɓai, azɓai. Aman antanta nga rka skwi tèlèba t'hwaƌ sak nenga'a di ɓai.

⁹ Nga rka'a, Yèsu man n'nzi kètè ta manda na gèƌ a hi a sam golahi Zhiklè; a géƌ matakwan m'metsi nenga'a ta paƌa na gèƌ a nslébèrdè, a n'njèlè, te man a ntor m'metsai te di man a ndohi tèlèba.

¹⁰ Zhiklè, a géƋ nenga'a skwi tèlèbƋ a zhè, a skwi tèlèba a zhè te nenga'a, a n'nga Yèsu a ndo ncè ma ndohai a sam m'mbel ndo, jèlèlè'a te matakwan, aman a de ta wudahi kumba a sam n'njèlè.

¹¹ Aman nenga'a man a kezla ndav ndohai, a ndohi man nenga'a a kezla ta ndav, ta shkè tèlè te verzi staƋ. Gar haha nenga'a a gi hori azɓai, man a sla ta kramamhi na.

¹² A gaƋa: I war i njè nzlembaƋ ngaya a sam kramamhi ga, a i sli dimèsh nslébèrdè ngaya a sam mpi ndohi Zhiklè tèlèba.

¹³ A va'a: I woy aman i fi gèƋ a ka. A va'a: Na haha, iyè a wudahi man Zhiklè a vayè.

¹⁴ Ara man wudahi ta ngots gaƋa va a pombaz ara ndohai, nenga'a ba lèmèlèmè. Aman te m'metsi nenga'a a nguzlo wuƋi te ri bi madzagai, man a ngots wuƋi m'metsai.

¹⁵ A mpreka ta ndohi man ta nza ara ɓèlèlihi te nshèffè tèlèba, a géƋ zlau m'metsai, auda.

¹⁶ Aman nenga'a a mshkè a ntakaha ta golahi Zhiklè ka ɓai, aman a ntakaha ta wudahi Abraham.

¹⁷ A géƌ nasa sèi n'nga'a lèmèlèmè te skwi tèlèba ara kramamhi na, n'nga'a a bi ndohi mvi skwi a Zhiklè a sam di Zhiklè, nlèɓèslèa, man ndo a sia te va, man a mpela gèƌ mali ndohai.

¹⁸ Aman nenga'a a nsu matakwan, skwi a mpeda a wai, anai a slaha man a ntakaha ta ndohi man skwa a pe ta a wai.