Hébreux 13 - Mofa New Testament

¹ Vanze tara'a te mwoy kramamhi kinè te Kristi!

² Nfi mbrokihi a gai, da pca kinè a gèƋ ɓai; aman arsa ndohi ngiƋè ta peda golahi Zhiklè a gai, a ta senaha ɓai.

³ Vahur ndohi dangai, ara man kinè te dangai a nda tenga'a, a ndohi te skwi mwuƌitpa, ara man kin te va'a.

⁴ Vaslubordo n'nzi nda baki a ngwoz, kin lizhè sam mènèe kinè ɓai, aman Zhiklè a da ga ta kita a ndohi ngi baki a dala, a ndohi mphömè.

⁵ Mwoy suli da gso ndav kinè ɓai; skwi man kin ngotso, da dè'a kinè! Aman Bi Zhiklè a ngaƌa: I pra ka ma gèƌ azɓai, i jèke ka a géƌ ngaya azɓai.

⁶ Gar haha nga slaha a nga méné ndav nga, a nga gaƌa: Bi Zhiklé, nenga'a man a takahayè, i woya man i gi zlau azɓai. Ndo a slaha a ngay mè?

⁷ Vahur ndohi ncè kinè ma nhala'a man ta njè kinè ma Zhiklè. Vapu di a ndikèma nshèffè tenga'a, vadzodzor ncè-a-ndav tenga'a.

⁸ Yèsu Kristi lèmèlèmè ara maƋatsa, a patsna, a mèdèp.

⁹ Vagu maya aman njèma ngiƌè tsaƌ tsaƌ da ngazl kinè a ri ɓai. Amba, aman ndav nga a ngècè wuƋaIì te pombi Zhiklè, te nhér gèƌ a géƌ skwi n'ndi genè ka ɓai; a takaha ta tenga'a man ta jèjerè'a arsa, azɓai.

¹⁰ Nga ngots sam mvi skwi a Zhiklè, te nenga'a ndohi man ta gi mizlinè a sam nkezla'a, ta slaha ta ndia ɓai.

¹¹ Skwihi man bi ndohi mvi skwi a Zhiklè a nckoƌi pombaz a sam nkezla'a a gèƌ malai, ta fa na vogwa a nckondohia'a a dal kokwar.

¹² Gar haha Yèsu ba, aman a nkezle ta ndohi nenga'a a pombaz va nenga'a, a m'mets na a dal kokwar.

¹³ Gar haha ngodokoy auda a sam nenga'a a dal kokwar, a nga mbi a hori nenga'a.

¹⁴ Aman a haha, nga ngatsa kokwar man a nzi a mèdèp ɓai; aman nga hèsh nenga'a man a di a shkè.

¹⁵ Gar haha ngovokoy skwi nshid gèƌ a Zhiklè pèc pècèk; nasa ma nga, man a ngrédè nzlembaƌ nenga'a.

¹⁶ Mvi skwai, a ngi skwi man amba a sam ndohi ngiƋè, da pca kinè a gèƋ ɓai; aman mvi skwi arsa, ambaba Zhiklè.

¹⁷ Vafa na gèƋ a ma ndohi ncè kinè ma, vadzodzor tenga'a man ta ɓer nshèffè kinè; ta ara ndohi man Zhiklè a da dzhaƋ ta a géƋè'a. Vagu aman ta slaha a ta gi mizlinè tenga'a a mwufíe; man ta ƌish va a ta kuƌai, a takaha kinè te mè?

¹⁸ Vatsu rai a géƋ nga! Nga sun a vava mèzhèɓ ndav nga amba, a nga gi maya, aman nga gi zura'a te skwi tèlèba.

¹⁹ I dzhaƌ kinè holhola'a, aman kin tsi rai a gèƌ ga, a i slaha a i dè a sam kinè ndul ndul.

²⁰ Aman Zhiklè gumai, man a ncko Bi nga Yèsu auda te m'metsai, ndo mɓer tambakhi mbia'a te pombaz nderzlèma a mèdèp,

²¹ da va kinè maya, aman te skwi man amba tèlèba kin gi ara man a woya'a. Da gu skwi man ambaba te ndav' nga, te Yèsu Kristi. A Yèsu, n'njèlè pèc pècèk a mèdèp. Amen.

²² Aman i bid kinè, dalahimam ga, vaɓür ma haha man i bid kinè a vna! I windo kinè kèshkata genè.

²³ Vasuna, Timothée, kramam nga, ta pra za'a. Aman a da shkè tsam tsam, i woya nga dè a sam kinè a vna.

²⁴ Vaga ta mbalai a ndohi ncè kinè ma, a ndohi Zhiklè tèlèba! Kramamhi te Italie ta ga kinè mbalai.

²⁵ Pombai da zhè a nda kinè tèlèba!