Hébreux 10 - Mofa New Testament

¹ Aman ma kita Zhiklè nenga'a mèzhèɓ skwi mbela'a man a di a shkè, skwi gèƌagèƌ ka ɓai. Gar haha a slaha a n'nge ta ndohi man ta zli skwi a Zhiklè jèlèlè'a a mèdèp azɓai. Aman a mvi a mvai ta zli skwi a Zhiklè pèc pècèk lèmèlèmè.

² Aman a matsa a slaha, ar mizlinè mvi skwi a Zhiklè klèng. A ndohi man ta gu mizlinè Zhiklè, aman ndav ta mpana sak staƋ, te deɓa'a klèng, ar ta hér malihi te deɓa'a asaɓai.

³ Aman anai ta hér malihi ta arsa, a mvi a mvai.

⁴ Aman pombaz ɓokwai a marihi a slaha a ncè malihi azɓai.

⁵ Gar haha aman Kristi a shkè a herkeda, a ngaƌa: Zhiklè, mvi a nzli skwai ambaba ka ɓai. Aman ka tilay va ma.

⁶ N'ndèr skwai, a mvi skwai a géƋ malai ambaba ka ɓai.

⁷ A i gaƋa: Na haha, i shkè ta windo te Ƌèlèwèr a géƋ ga aman i gi skwi man ka woya'a, Zhiklè ga.

⁸ Nshèlèkura'a a ngaƋa: Mvi skwai a nzli skwai, n'ndèr skwai a mvi skwai a géƋ malai, ka woya ɓai, ta ambaba ka ɓai (ara man ndohi ta via'a, aman ta jèjèr ma kita Zhiklè).

⁹ Te deɓa'a a gaƋa: Na haha, i shkè ma, aman i gi skwi man ka woya'a. Ar haha a mcko skwi nshèlèkura'a auda, a mfeda ngiƋè a pa.

¹⁰ Te skwi man a woya'a haha, ndav nga nkezla sak staƋ te deɓa'a klèng, te Yèsu Kristi, man a vau va na.

¹¹ Ndo mvi skwi a Zhiklè staƋ staƋ tèlèba a zlècè, aman a gi mizlinè nenga'a a nciƋ sam a nciƋ sam, a zli skwi lèmèlèmè sak kumba, a ta slaha ta cè malihi auda azɓai.

¹² Aman ndo haha, man a va na skwi staƋgenè a Zhiklè a géƋ malihai, te deɓa'a klèng, antanta a nza t'hai te ri mandi Zhiklè a mèdèp,

¹³ a zhèr pats man ta va na mayamhi nenga'a a skwi nfi sak na.

¹⁴ A skwi man a va na Zhiklè sak staƋ, a n'nge ta ndohi man ta kezla ndav ta, jèlèlè'a a mèdèp.

¹⁵ Na haha ma malwuƋi Mèzhèɓ Zhiklè nkezla'a ba, man a gaƋa:

¹⁶ Na haha nderzlèma man i da derzlè'a a nda tenga'a te deɓ patshi sa, Bi Zhiklè a gaƋa: I woya man i va ta ma kita ga a ndav tenga'a, a i woya man i winda ta a gèƋ ta.

¹⁷ A i woy a i hér malihi tenga'a, a skwi man ambaɓi man ta gau, asaɓi fèt.

¹⁸ Aman a sam man mali mpra'a, ta vi skwi te deɓa'a a géƋ mali azɓai.

¹⁹ Gar haha, dalahimam ga, te pombaz Yèsu, nga ngots civèƋ, aman nga dè a sam nkezla'a,

²⁰ a ntila nga civèƋ mɓua'a a nshèffè te maslaka man a kezla gai; civèƋ sa gèƋ va na,

²¹ a nga ngots ndo mvi skwi a Zhiklè mbia'a a géƋ ndohi Zhiklè.

²² Gar haha ngoherdokoy va a ndav nzura'a, a ncè-a-ndav tèlèba, mèzhèɓ ndav nga man ambaɓai nguca'a, a va mpana'a a iyam nkéƋècè'a.

²³ Ngonzokoy tara'a te n'ngrédè skwi man nga zhèrè te ndav; aman nenga'a man a mpasla nga rai, nenga'a nlèɓèslèa.

²⁴ Ngogokoy maya, ngiƋè a géƋ ngiƋè, ngobüdokoy va nga, ngiƋè a ngiƋè, a nga woy ndo, a nga gi mizlinè man amba.

²⁵ Ngojokokoy mɓicè va ɓai, ara tengahi ngiƋè ta gia'a. Aman ngiƋè da büd ngiƋè, holhola'a, aman kin rka, patsa a herdeka kinè va.

²⁶ Aman nga gi mali a wuƋai, te deɓa'a man nga sun ma nzura'a ma, nga slaha nga zli skwi a géƋ malihi asaɓai.

²⁷ Sèi nga zhèr skwi man mwuƋitpa holhola'a, kita, a vogwa man a ndi skwi tèlèba, a mayamhi tèlèba.

²⁸ Ndo man a jèjèr ma kita Moise azɓai, sèi a metsi na a géƋ ma malwuƋihi cèw, man makar, a se ta te va azɓai.

²⁹ Vahuro, kita mbia'a holhola'a ndo a ngècè'a, aman a mbatsaha kra Zhiklè a sak, a nrka pombaz nderzlèma, te nenga'a man a ga'a a ndo nkezla'a, ara skwi nlizhèa, a nderƋe Mèzhèɓ pombi Zhiklè.

³⁰ Aman nga sun nenga'a, man a gaƌa: Mbèzlè kita, iyè i mbèzlè'a. Iyè a mpilè'a. Za'a: Bi Zhiklè a da gi kita ndohi na.

³¹ Woba ndo man a kèlèhi a ri Zhiklè man a zhè a nshèffè.

³² Aman vahur patshi man ta kala a deɓa ma, aman di kinè mwina tok tok, a kin nza tara'a te skwi mwuƋitpa mbia'a.

³³ A sam ngiƋè kin su matakwan, a ta paraha kinè, a kin ngreda auda a sam di ndohai. A sam ngiƋè kin mba a nda tengahi man ta su matakwan aranta.

³⁴ Aman a vava kin su matakwan a nda ndohi dangai; kin co a mwuffè genè, aman ta hula ma kinè skwi a wuƌai, a géƌ man kin suna, kin ngots skwi mbela'a holhola'a man a nzi dai.

³⁵ Gar haha kin kwola nfi gèƋ a ncè-a-ndav ɓai! Skwi ntul nenga'a mbia'a.

³⁶ Aman skwi man a woy a zhè a sam kinè: Nzhèr skwia dai, n'nzi tara'a. Te deɓa'a man kin gu skwi man Zhiklè a woya'a, kin ngècè skwi man Zhiklè a mpasla kinè ri a pa.

³⁷ Aman njèkè kèshkata, a nenga'a man sèi a di a shkè, a mshkè ma, agi ndudoh azɓai.

³⁸ Aman ndo nzura'a a sam di ga, a da nzi a nshèffè a géƋ ncè-a-ndav. Aman ndo man a men na a deɓa, ambabayè ɓai.

³⁹ Aman nga te va ndohi man ta mende va ta a deɓa ka ɓai, a ta ze ta; nga co a ndav, a nga mbela nshèffè nga.